ვინ შეცვლის ვანო ზარდიაშვილს ცნობილია
პარლამენტში ვანო ზარდიაშვილს თემურ გოცირიძე შეცვლის. ამის შესახებ ინფორმაცია "ინტერპრესნიუსს" თავად თემურ გოცირიძემ დაუდასტურა. როგორც მან განაცხადა, "არის ასეთი ინფორმაცია, რომელსაც ის დათანხმდება და დეპუტატობასაც გეგმავს".
თემურ გოცირიძე პარტია "ქართული ოცნების" საარჩევნო სიის 52-ე ნომერია. მას შემდეგ, რაც ვანო ზარდიაშვილმა დეპუტატის მანდატზე ოფიციალურად თქვა უარი, საარჩევნო სიის მიხედვით, მისი ადგილმონაცვლე თბილისის საკრებულოს თავმჯდომარის მოადგილე ირაკლი ზარქუა უნდა გამხდარიყო, თუმცა დეპუტატობაზე უარი თავად ზარქუამ განაცხადა. შედეგად ვანო ზარდიაშვილის ადგილმონაცვლე სიით მომდევნო თემურ გოცირიძე გახდა.
ვანო ზარდიაშვილმა დეპუტატის მანდატის დატოვების შესახებ ოფიციალურად დღეს განაცხადა.
"ინტერპრესნიუსი"