ტოვებს თუ არა ეკონომიკის მინისტრი თანამდებობას?
ტოვებს თუ არა ეკონომიკის მინისტრი თანამდებობას?
ეკონომიკისა და მდგრადი განვითარების სამინისტრო არ ადასტურებს ინფორმაციას, რომ ნათია თურნავა თანამდებობას ტოვებს. აღნიშნულთან დაკავშირებით ეკონომიკის სამინისტრო განცხადებას ავრცელებს.

"გავრცელებულ ინფორმაციას არ ვადასტურებთ განსაკუთრებით იმის ფონზე, თუ ვინ არის ამ ინფორმაციის ე.წ. პირველწყარო. აქვე იმასაც გეტყვით, რომ დავით ჭიჭინაძისა და ლევან კობერიძის მიერ გავრცელებული ეს ინფორმაცია ყოველგვარ არგუმენტს მოკლებულია და გაუგებარია, რას ემსახურება. ამ ბატონებმა ბოლო პერიოდში ეკონომიკის სამინისტროს მისამართით გავრცელებული არაერთი ცრუ ინფორმაციით დაგვამახსოვრეს თავი და როგორც ჩანს, ახლაც
ასე ცდილობენ თავის გამოჩენას. ამასთან, მედიას მივმართავთ თხოვნით, მომავალში ამ ბატონების მიერ გაჟღერებული სხვა ინფორმაცია გავრცელებამდე გადაამოწმონ, რათა საზოგადოება არ შეიყვანონ შეცდომაში", - აღნიშნულია ეკონომიკისა და მდგრადი სამინისტროს მიერ გავრცელებულ ინფორმაციაში.

შეგახსენებთ, ნათია თურნავა ეკონომიკისა და მდგრადი განვითარების მინისტრი 2019 წლის 18 აპრილს გახდა. დღეს,
"ტვ პირველმა" დავით ჭიჭინაძეზე დაყრდნობით გაავრცელა ინფორმაცია, რომ თურნავა პოსტიდან მიდის.


"ინტერპრესნიუსი"
მკითხველის კომენტარი (2)
?????
14 ოქტომბერი 2019 21:03
იყოს. თუ არ აკეთებს საქმეს არც აფუჭებს.
გივი
14 ოქტომბერი 2019 20:00
რაღა გვეშველება!

რუბრიკის სხვა სიახლეები
საერთო ჯამში როგორ შეაფასებთ 2019 წელს საქართველოსთვის?
თქვენი აზრი მნიშვნელოვანია!
საერთო ჯამში როგორ შეაფასებთ 2019 წელს საქართველოსთვის?