ინფრაქტრუქტურის სამინისტრო ანაკლიის პროექტთან დაკავშირებით განცხადებას ავრცელებს
ინფრაქტრუქტურის სამინისტრო ანაკლიის პროექტთან დაკავშირებით განცხადებას ავრცელებს
საქართველოს რეგიონული განვითარებისა და ინფრაქტრუქტურის სამინისტრო ანაკლიის პროექტთან დაკავშირებით განცხადებას ავრცელებს.

როგორც განცხადებაშია ნათქვამი, "მიუხედავად იმისა, რომ კონსორციუმმა კაპიტალის შევსების ვალდებულება ნაწილობრივ, ხოლო ბანკებთან მიღწეული შეთანხმების წარმოდგენის ვალდებულება საერთოდ ვერ შეასრულა, რაც საქართველოს მთავრობას ანიჭებს უფლებას დაუყოვნებლივ მოშალოს ხელშეკრულება, საქართველოს მთავრობა ითვალისწინებს ანაკლიის პორტის მშენებლობის პროექტის მნიშვნელობას და ამ ეტაპზე უარს ამბობს ხელშეკრულების მოშლის უფლების გამოყენებაზე".

"საქართველოს რეგიონული განვითარებისა და ინფრასტრუქტურის სამინისტრო ყოველთვის ითვალისწინებდა და ითვალისწინებს ანაკლიის ღრმაწყლოვანი პორტის პროექტის
მიმართ არსებულ მაღალ საჯარო ინტერესს და დროულად აწვდის საზოგადოებას ობიექტურ ინფორმაციას პროექტის მიმდინარეობის შესახებ.

ვინაიდან გუშინ, 15 ოქტომბერს, უშედეგოდ ამოიწურა "ანაკლიის განვითარების კონსორციუმისთვის" პორტის მშენებლობის თაობაზე საინვესტიციო ხელშეკრულების მორიგი და ერთ-ერთი ბოლო ცვლილებით განსაზღვრული კონსორციუმის შუალედური ვალდებულებების შესრულების ვადა, გვსურს საზოგადოებას გავაცნოთ საქართველოს მთავრობის, როგორც
საინვესტიციო ხელშეკრულების ერთ-ერთი მხარის მიერ მიღებული გადაწყვეტილება.

მიუხედავად იმისა, რომ კონსორციუმმა კაპიტალის შევსების ვალდებულება ნაწილობრივ, ხოლო ბანკებთან მიღწეული შეთანხმების წარმოდგენის ვალდებულება საერთოდ ვერ შეასრულა, რაც საქართველოს მთავრობას ანიჭებს უფლებას დაუყოვნებლივ მოშალოს ხელშეკრულება, საქართველოს მთავრობა ითვალისწინებს ანაკლიის პორტის მშენებლობის პროექტის მნიშვნელობას და ამ ეტაპზე უარს ამბობს ხელშეკრულების მოშლის უფლების გამოყენებაზე.

საქართველოს მთავრობა აძლევს კონსორციუმს საშუალებას ბოლომდე გამოიყენოს მის ხელთ არსებული რესურსი და ფინანსური ვალდებულებების შესრულებისთვის დაწესებულ საბოლოო ვადამდე ანუ 2019 წლის ბოლომდე, მოიზიდოს როგორც საკუთარი კაპიტალი, ისე მიაღწიოს საერთაშორისო ბანკებიდან წერილობით შეთანხმებას პორტის მშენებლობის პროექტის დასასრულებლად.

აქვე შეგახსენებთ, რომ საქართველოს მთავრობასა და "ანაკლიის განვითარების კონსორციუმს" შორის გაფორმებული საინვესტიციო ხელშეკრულებით გათვალისწინებული პრაქტიკულად ყველა ვალდებულების შესრულების ვადა 2017 წლიდან დღემდე საქართველოს მთავრობამ ანაკლიის განვითარების კონსორციუმს რამდენჯერმე გადაუვადა. ანაკლიის პორტის პირველი ფაზის მშენებლობისთვის საჭირო დაფინანსების მოძიების ვადა 2017 წლის 15 აგვისტოდან არაერთხელ, ხოლო ბოლო, მე-12 ცვლილებით 2019 წლის 31 დეკემბრამდე გადავადდა.

მიმდინარე წლის ბოლომდე ანაკლიის განვითარების კონსორციუმს დაფინანსების ნაწილში შესასრულებელი რჩება შემდეგი ვალდებულებები:

- შეთანხმება პოტენციურ ინვესტორებთან 120 მილიონი აშშ დოლარის ოდენობის კონსორციუმის საკუთარი კაპიტალის შევსების თაობაზე;

- საერთაშორისო ბანკებთან 400 მილიონი აშშ დოლარის ოდენობით სესხის გამოყოფის თაობაზე შეთანხმების მიღწევა და ხელშეკრულების გაფორმება;

- ვალდებულებების შესრულების უზრუნველყოფის 20 მილიონი დოლარის ოდენობის საბანკო გარანტიის წარდგენა;

- პირველი ფაზის ტერმინალის ოპერატორთან და პირველი ფაზის სამშენებლო სამუშაოების კონტრაქტორთან ხელშეკრულების გაფორმება.

იმედს ვიტოვებთ, რომ პროექტის მიმართ საქართველოს მთავრობის მორიგი მხარდაჭერა შედეგიანი იქნება და კონსორციუმი ამჯერად შეძლებს საკუთარი სახელშეკრულებო ვალდებულებების ჯეროვნად შესრულებას", - ნათქვამია განცხადებაში.

"ინტერპრესნიუსი"

ალექს
16 ოქტომბერი 2019 16:46
პორტი გვჭირდება,მაგრამ გადაჭარბებული მოლოდინიც მისი გეოსტარატეგიული,სამხედრო ,თავდაცვითი და გლობალური ეკონომიკის ეფექტით ზედმეტია,ის რეგიონალური იქნება ,რადგან საგარეო სავაჭრო ტრანზიტი ჯერ კიდევ საბჭოთა ბიუროკრატიის მიერ გულმოდგინედაა დახშული უამრავი გარემოებით,ბუნებრივი და ხელოვნური ბარიერები უთვალავია ჩვენგან დაწყებული ჩინეთის კედლამდე ,ჯერ მარტო ის რად ღირს, ყველა რომ საკუთარ ენაზე ადმინისტრირებს და არა ერთ ,ინგლისურზე ,ასეთი სიმძლავრისა და სიღრმის პორტი , ჰაბი ხმამამაღლაა ნათქვამი , მსოფლიოში ორასია თავის სასაქონლო და საფონდო ბირჟებიანად -აქ რომ არცაა და არც იქნება ,და ნახევარზე მეტი "დგას" :რადგან შეჩვეულიჭირი ურჩევნიათ!
არსებულ სისტემაში ჭკუათამყოფელი უცხოელი აქ ძველ,სხვაგან აპროპირებულ ბიზნესს არ გადმოიტანს რუსეთიდან , ბალტიისპირეთიდან, თურქეთიდან ან დუბაიდან ანაკლიის პორტის მიმდებარედ და გარშემო,არც შიგნით რაიმეს საწარმოებლად, გადასამუშავებლად,ნედლეულის და ნახევარფაბრიკატის დასასრულებლად ,სავაჭროდ ,თუნდაც ორას მილიონიანი იყოს ეს პორტი და მის გარეთ კი ჩვენი პრორუსული კანომდებლობა და ტრადიციები ,რომელსაც ქართველ მაკონტროლებელ დამსჯელ მიმსჯელთა არმია "იცავს ",მათთან ჭიდაობაში დაშვრება ის უცხოელი,ეს პუტინმაც კარგად იცის ,იგივე სიტუაცია აქვს რუსეთში და ვერაფერს, ან არაფერს შვება,რადაგან თავადაა ყველაზე დიდი მაკონტროლებელ დამსჯელ მიმსჯელი და ნაღების ამხდელი,მაგრამ მაინც არ უნდა ეს ანაკლიის პორტი,რადაგან ის შეიძლება დემოკრატიის სანთელად ,მერე კი კელაპტრადაც იქცეს !
ჰოო,ჩვენ ჩვენი პატარ პატარა პუტინები გვყავს და არც იმათ არ უნდათ აქ დემოკრატიის ჩირაღდანი ,ღლავებს ბნელში იჭერენ !
მოწინავე ბიზნესის ქვეყნებში ბიზნესს ორი მიზანი აქვს-მოგების და სიამოვნების მიღება,ჩვენთან ოთხი-ორი, აი ის, წინა, კიდევ ორი კი თავისუფლება და სიცოცხლე !
მე ამ ოთხიდან სამს მივაღწიე !
ცოცხალი ვარ,თავისუფალი და ნასიამოვნები ,მოგება ნურასუკაცრავად !

რუბრიკის სხვა სიახლეები
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?