"არ არსებობს მხოლოდ ერთი მამალაძე ამ ქვეყანაში" - რას ამბობს სალომე ზურაბიშვილი დეკანოზის შეწყალებაზე
"არ არსებობს მხოლოდ ერთი მამალაძე ამ ქვეყანაში" - რას ამბობს სალომე ზურაბიშვილი დეკანოზის შეწყალებაზე
ცოტა არ იყოს, მიკვირს, რატომ არის მხოლოდ და მხოლოდ ინტერესი ერთ ადამიანზე. ძალიან ბევრი სხვა ადამიანი ელოდება შეწყალებას და არ არის სამართლიანი, რომ მხოლოდ ერთით იყოთ დაკავებული და დაინტერესებული, - ამის შესახებ საქართველოს პრეზიდენტმა, სალომე ზურაბიშვილმა ჟურნალისტებს დეკანოზ გიორგი მამალაძის შეწყალების საკითხთან დაკავშირებულ შეკითხვაზე განუცხადა.

როგორც ზურაბიშვილმა აღნიშნა, შეწყალების საკითხზე მზადდება ბრძანებულება, რომელიც უახლოეს მომავალში გამოვა.

"ძალიან მიკვირს, რომ გაუთავებლად ამბობთ, თითქოს არ ვპასუხობ თქვენს კითხვებს მამალაძეზე. თუ სწორად მახსოვს,
უკვე მეხუთეჯერ გეუბნებით და გპასუხობთ იგივე ტელევიზიებს, რომ მამალაძის შეწყალებას რაც ეხება, გამოვედი ინიციატივით, რომ კონსულტაციები ჩატარებულიყო და ჩატარდა. გითხარით, რომ ვამზადებ ახალ ბრძანებულებას, რომელიც ახლო მომავალში გამოვა ახალი წესებით. მგონი, გასაგებია ისიც, რომ სანამ წესები არ არის, რომელიმე შეწყალებაზე ფიქრი და განხილვა რთულია. ამიტომ
უნდა დაველოდოთ წესებს, ბრძანებულებას. როგორც კი გამოვა, ხელს მოვაწერ და თქვენც გაეცნობით. შემდეგ შევუდგებით იმ საკითხს, რასაც შეწყალება ჰქვია. ცოტა არ იყოს მიკვირს, რატომ არის მხოლოდ და მხოლოდ ინტერესი ერთ ადამიანზე, ძალიან ბევრი სხვა ადამიანი ელოდება ამ კუთხით, ახალგაზრდები და არ არის სამართლიანი, რომ მხოლოდ ერთით იყოთ დაკავებული და დაინტერესებული...

არ არსებობს მხოლოდ ერთი მამალაძე ამ ქვეყანაში და სამწუხაროა, რომ მხოლოდ ერთი კითხვის მეტი არ შეგიძლიათ დასვათ. ძალიან ბევრი ხალხი ელოდება გადაწყვეტილებას", - განაცხადა ზურაბიშვილმა.

კითხვაზე: როდის იქნება ახალი წესები, ზურაბიშვილმა უპასუხა: "როცა იქნება გეტყვით და გაეცნობით".

"ძალიან ბევრმა ადამიანმა მოგვმართა. რამდენიმე ასეული მომართვა არის პრეზიდენტთან შემოსული", - აღნიშნა ზურაბიშვილმა.

"ინტერპრესნიუსი"

Temuri
06 ნოემბერი 2019 20:04
Rashic martalia martalia es qali, mamalazis garda aravinaa ciheshi? Piradad tanahma var ciheze tetri bairagebi aafrialon da tu ara umzimes danashaulze dapatimrebulebi yvela gaushvan, magram realoba sxva rames gvkarnaxobs. Ise ki shorsa var im azrisagan rom mamalaze frtiani angelozia da cianidi oqros dasamushaveblad sheizina. Chemi azrit igi cihidanac da eklesiidanac unda gaushvan.
?????
06 ნოემბერი 2019 14:46
მარგველასავით არ დაგემართოს. უნდა იცეკვო ოცნების დაკრულზე.

რუბრიკის სხვა სიახლეები
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?