"კალაძე და კობახიძე დადიან ლანდებივით, არავინ იცნობს, არავის გაუგია, სიმწრით რამდენიმე შეხვედრა დანიშნეს"
"კალაძე და კობახიძე დადიან ლანდებივით, არავინ იცნობს, არავის გაუგია, სიმწრით რამდენიმე შეხვედრა დანიშნეს"
კალაძე და კობახიძე დადიან ლანდებივით, არავინ იცნობს, არავის გაუგია, სიმწრით რამდენიმე შეხვედრა დანიშნეს და იქაც რაღაც სისულელეებს ელაპარაკებიან ხალხს, -ამის შესახებ სოციალურ ქსელში "ნაციონალური მოძრაობის" წევრი სალომე სამადაშვილი წერს, რომელიც საქართველოს საპარლამენტო დელეგაციის შემადგენლობაში, იმყოფება სტრასბურგში, სადაც ევროკავშირი-საქართველოს ასოცირების საპარლამენტო კომიტეტის სხდომა მიმდინარეობს.

"რთულია, სევდა არ შემოგაწვეს ევროპარლამენტში, როდესაც გახსენდება , რომ უპრეცედენტოდ, გამონაკლისის სახით, ორჯერ მოიწვიეს პრეზიდენტი სააკაშვილი აქ პლენარულ სხდომაზე გამოსასვლელად, ისტორიული მნიშვნელობის სიტყვით გამოვიდა. მთელი პარლამენტი საქართველოზე,
მის მხარდაჭერაზე საუბრობდა. ახლა კალაძე და კობახიძე დადიან ლანდებივით, არავინ იცნობს, არავის გაუგია, სიმწრით რამდენიმე შეხვედრა დანიშნეს და იქაც რაღაც სისულელეებს ელაპარაკებიან ხალხს, წვრილმანი თაღლითები. რას დაემსგავსა ჩვენი სახელმწიფო და ჩვენი ქვეყანა",-წერს სამადაშვილი ფეისბუქზე.

ცნობისთვის, სტრასბურგში, საქართველო-ევროკავშირის ასოცირების სხდომაზე, ოპოზიციონერმა დეპუტატებმა გიგი უგულავას მხარდამჭერი პლაკატები
გაშალეს. „ნაციონალური მოძრაობის“ წევრის სალომე სამადაშვილისა და „ევროპული საქართველოს“ წევრის ოთარ კახიძის მიერ გაშლილ პლაკატებზე წარწერა „გიგი უგულავა პოლიტიკური პატიმარია“ იყო დატანილი.

თავის მხრივ, სტრასბურგში გამართული შეხვედრების შეფასებისას პარტია „ქართული ოცნების“ გენერალური მდივანი აცხადებს, რომ დასავლელ პარტნიორებს კითხვები, სხვა საკითხების გარდა, გიგი უგულავას დაკავების შესახებაც ჰქონდათ.

„გავაჟღერეთ სიახლე, რომ შეუძლიათ შექმნან ჯგუფი, რომელიც ჩამოვა საქართველოში და ადგილზე გაეცნობა ამ კონრკეტულ საქმესთან დაკავშირებით არსებულ მასალებს, რათა თავადაც დარწმუნდნენ, რომ დანაშაულის ჩამდენმა პირმა კანონის წინაშე უნდა აგოს პასუხი,“ - განაცხადა კახა კალაძემ.
ანონიმური
13 თებერვალი 2020 21:58
რატომ ვერ ხვდებით, რომ არც სტრასბურგში და არც ვაშინგტონში არავის აინტერესებს საქართველოს პრობლემები. მათ თავისი პრობლემებიც ყოფნით. ისე, თქვენი უთავმოყვარო, დაბალი დონის, ქვეყნის საზიანო გამოსვლებიც ახსოვს საქართველოს ქალბატონო სამადაშვილო!!! ნუ გგონიათ რომ სიბრძნეს ღაღადებთ საერთაშორისო ფორუმებზე. [გექნებათ თქვენი 'გამოსვლების' ტრანსკრიპტი. თუ არ გაქვთ - მოგართმევთ]. ასე რომ, ნუ არცხვენთ საქართველოს, ნუ დარბიხართ აქეთ-იქით და ნუ მოაბეზრეთ თავი მთლ მსოფლიოს!!!

რუბრიკის სხვა სიახლეები
თვის კითხვადი სტატიები