"90-იანი წლებიდან მოყოლებული ბიძინა ივანიშვილისთვის ეს არის ცხოვრების ჩვეულებრივი სტილი, ქველმოქმედება, საქართველოსა და ქართველი ხალხის გვერდში დგომა"
"90-იანი წლებიდან მოყოლებული ბიძინა ივანიშვილისთვის ეს არის ცხოვრების ჩვეულებრივი სტილი, ქველმოქმედება, საქართველოსა და ქართველი ხალხის გვერდში დგომა"
90-იანი წლებიდან მოყოლებული ბიძინა ივანიშვილისთვის ეს არის ცხოვრების ჩვეულებრივი სტილი, ქველმოქმედება, საქართველოსა და ქართველი ხალხის გვერდში დგომა, - ასე უპასუხა საპარლამენტო უმრავლესობის ლიდერმა მამუკა მდინარაძემ "ქართუ ბანკის" მიერ სტოპცოვ-ის ფონდში გადარიცხულ 100 მილიონ ლართან დაკავშირებულ შეკითხვას.

მისივე თქმით, შესაბამის ფონდში თანხის გადარიცხვა სწორედ ბიძინა ივანიშვილის ქველმოქმედების გაგრძელებაა.

"ბუნებრივია, იმედიანად ხარ, როცა გყავს ასეთი ადამიანი გვერდით. ქვეყანას და ხალხს ჰყავს ისეთი ადამიანი, რომელსაც შეუძლია ასეთი სერიოზული ქველმოქმედება და დონაცია
გააკეთოს და გააკეთოს იმისთვის, რომ რაც შეიძლება შემცირდეს ჩოვიდ -19-ის ზიანი, ეს მისასალმებელია. არ შეიძლება არ ვთქვათ ასევე, რომ არამხოლოდ ეს დონაცია, ბიძინა ივანიშვილს აქვს გაკეთებული ნახევარ მილიარდამდე დონაცია ქველმოქმედების სახით ჯანდაცვის სფეროში. როცა დღეს სიამაყით ვსაუბრობთ,
რომ ჯანდაცვის სფერო ძალიან კარგად უმკლავდება გამოწვევას, აქაც უნდა გავიხსენოთ, რომ ამ ადამიანს აქაც სერიოზული ქველმოქმედება აქვს განხორციელებული რამაც, რა თქმა უნდა, ხელი შეუწყო იმას, რომ პრევენციული ღონისძიებები დღეს სისტემურად კარგად მიმდინარეობს. რა თქმა უნდა, მხოლოდ ეს არ არის ფაქტორი, მაგრამ ესეც უნდა აღვნიშნოთ ხოლმე," - განაცხადა მამუკა მდინარაძემ.

ცნობისთვის, კორონავირუსის წინააღმდეგ საბრძოლველად შექმნილ ფონდში 100-მილიონიანი შემოწირულობა პარტია "ქართული ოცნების" თავმჯდომარე ბიძინა ივანიშვილმა განახორციელა.

როგორც "ინტერპრესნიუსს" მთავრობის ადმინისტრაციაში განუცხადეს, ბიძინა ივანიშვილის ოჯახმა Stopcov ფონდისთვის გამოყოფილი თანხა ფონდ "ქართუში"გადარიცხა, "ქართუმ" კი თავის მხრივ - Stopcov ფონდში.

"ინტერპრესნნიუსი"

buzina
13 აპრილი 2020 00:01
mosaxleobas araferi hvigvrznia, mshivrebi da gaubedurebulebi vyrivart saxlshi, tas xmardeba amdeni fuli

რუბრიკის სხვა სიახლეები
თქვენი აზრით, ეპიდსიტუაციიდან გამომდინარე, უნდა შეეძლოს თუ არა ხელისუფლებას საგანგებო მდგომარეობის გამოცხადების გარეშე შეზღუდვების დაწესება?
თქვენი აზრი მნიშვნელოვანია!
თქვენი აზრით, ეპიდსიტუაციიდან გამომდინარე, უნდა შეეძლოს თუ არა ხელისუფლებას საგანგებო მდგომარეობის გამოცხადების გარეშე შეზღუდვების დაწესება?
დღის კითხვადი სტატიები
თვის კითხვადი სტატიები