"გახარია არ პასუხობდა კითხვებს, ან პირდაპირ სიცრუეს იძახდა" - კვირის პალიტრა

"გახარია არ პასუხობდა კითხვებს, ან პირდაპირ სიცრუეს იძახდა"

გახარია არ პასუხობდა კითხვებს, ან პირდაპირ სიცრუეს იძახდა. სწორედ ამიტომ ურჩევნია ფორმატი, სადაც გროვდება კითხვები და ბევრ კითხვას ერთად სცემს პასუხს, სინამდვილეში კი არ სცემს, - ამის შესახებ „ევროპული საქართელოს“ ერთ-ერთმა ლიდერმა გიგა ბოკერიამ ჟურნალისტებთან საუბრისას განაცხადა, რითაც პრემიერ-მინისტრის პარლამენტში გუშინდელ გამოსვლას გამოეხმაურა.

ის ასევე შეეხო გახარიას ინტერპელაციის წესით პარლამენტში ხვალინდელ მისვლას და აღნიშნა, რომ ისინი ყველა შესაძლებლობას, „როგორი ცუდი ფორმატიც არ უნდა იყოს“, გამოიყენებენ.

„გახარია არ პასუხობდა კითხვებს, ან პირდაპირ სიცრუეს იძახდა. სწორედ ამიტომ ურჩევნია ფორმატი, სადაც გროვდება კითხვები და ბევრ კითხვას ერთად სცემს პასუხს. სინამდვილეში კი არ სცემს ამ კითხვებს პასუხს ან პირდაპირ ცრუობს. ამიტომ, ბუნებრივია, ჩვენ ყველა შემდეგ შესაძლებლობას, როგორი ცუდი ფორმატიც არ უნდა იყოს გამოვიყენებთ, რომ ის საკითხები დაისვას და კიდევ ერთხელ გახდეს ნათელი, რაზე არ აქვს პასუხი და რაზე ატყუებს ჩვენს მოქალაქეებს, ან სადაც გაჭრის ეს წნეხი ვაიძულოთ დათმობებზე წავიდეს“, - განაცხადა ბოკერიამ.

მისივე თქმით, მთავრობამ გაუაზრებლად ჩაკეტა ეკონომიკა, დააგვიანეს გახსნა და პრინციპულად უარს ამბობენ იმ ნაბიჯზე, რასაც „ევროპული საქართველო“ სთავაზობდა.