"მოსკოვი ყველაფერს აკეთებს იმისათვის, რომ ნატოს გაფართოება შეაჩეროს" - რას ამბობს ჩეხეთის სამხედრო დაზვერვის ექსშეფი?
"მოსკოვი ყველაფერს აკეთებს იმისათვის, რომ ნატოს გაფართოება შეაჩეროს" - რას ამბობს ჩეხეთის სამხედრო დაზვერვის ექსშეფი?
ფოტო:ანდორ შანდორი
ბრიტანული ტელერადიოკომპანია ბი-ბი-სის რუსულმა სამსახურმა («BBC russian») გამოაქვეყნა ინტერვიუ ჩეხეთის სამხედრო დაზვერვის ექსხელმძღვანელ ანდორ შანდორთან. იგი 1991-95 წლებში ჩეხეთის სამხედრო ატაშედ მუშაობდა ლონდონში, 1995 წლიდან - ქვეყნის სამხედრო დაზვერვის სამსახურში - სხვადასხვა თანამდებობებზე, ხოლო 2001-2002 წლებში მუშაობდა აღნიშნული სამსახურის უფროსად. ამჟამად იგი პედაგოგიურ მუშაობას ეწევა და ლექციებს კითხულობს პრაღის საერთაშორისო ურთიერთობების ინსტიტუტში.

ინტერვიუში, რომელიც ანდორ შანდორს ბი-ბი-სის ჟურნალისტმა მარია ევსტაფიევამ ჩამოართვა, იგი საუბრობს რუსეთთან დამოკიდებულებაზე, მოსკოვის საგარეო პოლიტიკის თავისებურებებზე და
ა.შ.

გთავაზობთ ამონარიდს ინტერვიუდან:

"მე ყოველთვის ვამბობ და ჩემს სტუდენტებსაც ვეუბნები, რომ რუსეთი საერთაშორისო უსაფრთხოებისათვის მუქარის, აგრესიის წყაროს წარმოადგენს. მაგრამ იმ თვალსაზრისით, რომ მოსკოვი აგრესიულია თავდაცვის დროს.

აგიხსნით: ჩვენ, დასავლური სამყარო, არ ვფიქრობდით იმაზე, რომ რუსეთი ნატოს აღმოსავლეთით გაფართოებას თავისი უშიშროების წინააღმდეგ მიმართულ საფრთხედ აღიქვამდა.
ვლადიმირ პუტინმა
2008 წელს ნატოს ბუქარესტის სამიტზე თქვა, რომ უკრაინისა და საქართველოს ალიანსში მიღება დაუშვებელია, რომ ამ ქვეყნების ნატოში გაწევრება მისთვის ძალზე არასასიამოვნო იქნება და რომ მოსკოვი ამას არასდროს არ დათანხმდება.

ჩვენ, დასავლეთის ყველა ქვეყანამ, საკუთარ თავს უნდა დავუსვათ კითხვა: განა იმით, რომ ჩვენ რუსეთის ინტერესებს ყურადღება არ მივაქციეთ და არ გავითვალისწინეთ, ევროპა უფრო უსაფრთხო გახდა? ან პირიქით - ჩვენ რომ ნატოს გაფართოების მიმართ კრემლის დამოკიდებულება გაგვეთვალისწინებინა, იქნებოდა რუსეთ-საქართველოს და რუსეთ-უკრაინის კონფლიქტები?

ამიტომაც ვამბობ, რომ დიახ, რუსეთი აგრესიულია, მაგრამ შეტევას არ ახორციელებს. მისი აგრესიულობა ვლინდება მხოლოდ თავდაცვის დროს. მოსკოვი ყველაფერს აკეთებს იმისათვის, რომ ნატოს გაფართოება შეაჩეროს - იმიტომ, რომ რუსეთის გადმოსახედიდან სწორედ ნატო წარმოადგენს მისთვის მთვარ საფრთხეს. ჰოდა, ამიტომაც ჩვენ დაფიქრება გვმართებს - რატომ ვერ შევძელით რუსეთის დარწმუნება იმაში ამ ხნის განმავლობაში, რომ ჩვენ ერთმანეთისათვის მტრები არ ვართ?

ერთმანეთისადმი ასეთი უნდობლობის წყალობით ჩვენ მოწმენი ვართ იმისა, თუ როგორ ატარებენ რუსული სპეცსამსახურები ოპერაციებს ჩეხეთში, გერმანიაში, ავსტრიაში, როგორ ახორციელებენ კიბერშეტევებს, როგორ ცდილობს მოსკოვი გავლენა მოახდინოს საზოგადოების განწყობაზე იმ ქვეყნებში, რომლებიც ნაკლებად სტაბილურები არიან. ნატოსა და ევროკავშირის წევრ-სახელმწიფოებთან შედარებით რუსეთი ჩვენთვის სამხედრო საფრთხეს და მუქარას არ წარმოადგენს. ამის მტკიცება, ჩემი აზრით, სისულელეა. რუსეთის სამხედრო ბიუჯეტი მხოლოდ 70 მილიარდი დოლარია, ამერიკის შეერთებული შტატებისა კი - 730 მილიარდი დოლარი. ამ მხრივ რუსეთი სადღაც მეათე ადგილზეა, საუდის არაბეთის შემდეგ.

სამწუხაროდ, იმაში, რომ რუსეთთან დასავლეთს ასეთი ცუდი ურთიერთობა აქვს, ჩვენი ორივე მხარის ბრალია: რუსეთმა უნდა შეიცვალოს თვალსაზრისი ჩვენს მიმართ და საკუთარი თავი დაარწმუნოს, რომ დასავლეთი მისი მტერი არ არის, ჩვენ კი, დასავლეთმა, ჩვენი თავი დავარწმუნოთ იმაში, რომ რუსეთი საბჭოთა კავშირი არ არის და მასთან ერთად ცხოვრებას უნდა შევეგუოთ.

რუსეთი რუსეთია, მას თავისი ინტერესები, თავისი მოთხოვნები ყოველთვის ჰქონდა, აქვს და ექნება. ამასთანავე, მოსკოვი თავის ინტერესებს ყოველთვის ელეგანტურად არ გამოხატავს. თუმცა ისიც ფაქტია, რომ ასეთი მხოლოდ რუსეთი არ არის. წყარო

მოამზადა სიმონ კილაძემ
gogia
19 ივლისი 2020 19:38
მუამარ კადაფს ეგ კაცი რუსეთს კი არ ამართლებს არამედ სიმარტლეს ლაპარაკობს,აგერ 25 წელია რუსეთი ძლივს სუნთქავს ნატოს უთხრეს სადაც ხართ იქ იყავითო,მერე რამოხდა ნატო მიიწევს და მიიწევს რუსეთისკენ უკვე საზღვარს მიადგა,რუსეთი არ მოძრაობს, მაშ რა ქნას რუსეთმა დაჯდეს და ნატო მ თავზე გადაუაროს სად არის ლოგიკა?აი ეს არის სიმართლე რომელსაც ბრმები ვერ ხედავენ.
კახა
19 ივლისი 2020 13:41
ამას ეტყობა დაავიწყდა 1968 წლის აგვისტო.
niko
14 ივლისი 2020 16:37
აბა ესა ყოფილა!

რუბრიკის სხვა სიახლეები
გაქვთ თუ არა გადაწყვეტილი, რომელ პარტიას მისცემთ ხმას საპარლამენტო არჩევნებში?
თქვენი აზრი მნიშვნელოვანია!
გაქვთ თუ არა გადაწყვეტილი, რომელ პარტიას მისცემთ ხმას საპარლამენტო არჩევნებში?
თვის კითხვადი სტატიები