"ვერავინ ვერ შემოგვთავაზა, გარდა ფულის ტომრებისა...რასაც ვერ იყიდის ფულით, იყიდის დიდი ფულით" - რას ამბობს ბიძინა ივანიშვილზე თინა ხიდაშელი?
20-07-2020
"ვერავინ ვერ შემოგვთავაზა, გარდა ფულის ტომრებისა...რასაც ვერ იყიდის ფულით, იყიდის დიდი ფულით" - რას ამბობს ბიძინა ივანიშვილზე თინა ხიდაშელი?
თავდაცვის ყოფილი მინისტრი, ორგანიზაცია"სამოქალაქო იდეის" ხელმძღვანელი თინა ხიდაშელი აცხადებს, რომ"ქართული ოცნების" მიერ დღეს წარდგენილი მაჟორიტარი დეპუტატების კანდიდატების სია იმ ფორმულის გახმოვანებაა, რომლის თანახმადაც ბიძინა ივანიშვილი"რასაც ვერ იყიდის ფულით, იყიდის დიდი ფულით."

თინა ხიდაშელმა"პალიტრანიუსის" გადაცემა"360 გრადუსში" აღნიშნა, რომ საპარლამენტო არჩევნებზე იმავე პრინციპს გამოიყენებს ბიძინა ივანიშვილი, რაც საპრეზიდენტო არჩევნებზე გამოიყენა.

"ქართულმა ოცნებამ" დაკარგა ყველანაირი მომხიბვლელობა და მიზიდულობა ყველანაირ ჯგუფში, რადგან ვერავინ ვერ შემოგვთავაზა, გარდა ფულის ტომრებისა, რომლებსაც ბიძინა ივანიშვილმა დაავალა, იყიდონ არჩევნები.
საპრეზიდენტო არჩევნების მეორე ტურში ნასწავლი გაკვეთილი არის ერთადერთი სტრატეგია, რომელიც ბიძინა ივანიშვილმა დღევანდელ პრეზენტაციაში გვანახა. ეს გაკვეთილი ძალიან ცუდად ჟღერს - ივანიშვილმა პირველ ტურში სალომე ზურაბიშვილის გამარჯვებისთვის დახარჯა ფული, წააგო პირველი ტური და მერე გადაწყვიტა დაეხარჯა ბევრი ფული. მან დღეს სია შემოგვთავაზა, რომელიც სწორედ ამ
ფორმულის გახმოვანებაა: რასაც ვერ იყიდის ფულით, იყიდის დიდი ფულით. პატარა ბიზნესმენების შესაძლებლობები - ეს არის ფული, რომელსაც მისი ფინანსური შესაძლებლობა დაემატება, როგორც დიდი ფული და ის უყიდის მაგალითად სონღულაშვილს ნახევარ კახეთს. ეს ძალიან სამწუხაროა", - აღნიშნა თინა ხიდაშელმა.

"ინტერპრესნიუსი"
კახა
21 ივლისი 2020 00:57
როცა შენ საგარეჯოში დეპუტატობა გიყიდა მაშინ რატომღაც კარგი იყო...
ახლა გაფუჭდა??
ისე სამართლიანობა მოითხოვს და ზუსტადაც ბიძინას ხათრით აგირჩიეს მაშინ შენ, თორემ ვინ ოხერი მოგცემდა შენ ხმას

რედაქტორის რჩევით
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
თქვენი აზრი მნიშვნელოვანია!
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
თვის კითხვადი სტატიები