"კაპიკები ხალხს, მილიონები მათ ჯიბეში. მეგობრებო, ეს უსამართლოა..."
"კაპიკები ხალხს, მილიონები მათ ჯიბეში. მეგობრებო, ეს უსამართლოა..."
"სტრატეგია აღმაშენებლის“ ლიდერის, გიორგი ვაშაძის განცხადებით, მთავრობამ სოციალური დახმარებები უნდა გააორმაგოს.

მისივე თქმით, ის სოციალური დახმარება, რომელიც ხელისუფლებამ საზოგადოებას წარუდგინა, საკმარისი არ არის.

ვაშაძის განცხადებით, ხელისუფლება კრიზისის დროს "ფულის კეთებაზეა გადასული“.

"კაპიკები ხალხს, მილიონები მათ ჯიბეში. მეგობრებო, ეს უსამართლოა, თვალებში ვუყურებ ბატონ გახარიას, გუშინ თქვა, რომ თვალებში ჩამხედეთო, დიახ, თვალებში გიყურებთ და გეუბნებით, რატომ 200 და 300 ლარი და არა 500 ლარი ხალხს, როცა 5 მილიარდი სესხი ავიღეთ საქართველომ, რომელიც
ჩვენი გადასახდელია? რატომ მილიონები თქვენს კომპანიებს და მხოლოდ 200 ლარი ბავშვებს? რატომ კაპიკები უმძიმეს მდგომარეობაში მყოფ საქართველოს მოქალაქეებს და ასობით მილიონები თქვენს ჯიბეში? ნუთუ არ გცხვენიათ, რომ ამ უმძიმესი კრიზისის დროს თქვენ კვლავ ფულის კეთებაზე ხართ გადასული. უნდა გააორმაგოთ ეს დახმარება, გაცილებით მეტი უნდა გააკეთოთ
საქართველოს მოქალაქეებისთვის და არა ის, რომ ცინიზმით გამოხვიდეთ, ხალხს უთხრათ, რომ კაპიკები გადმოგიგდეთ და ბედნიერები იყავით ამისგანო”, - განაცხადა ვაშაძემ.

ცნობისთვის, საქართველოს მთავრობის გადაწყვეტილებით, სოციალურ-ეკონომიკური დახმარების მესამე ეტაპის ფარგლებში, ყველა თვითდასაქმებული, ვინც მთავრობას 300-ლარიანი დახმარებისთვის მიმართა, მათ შორის ისინი, ვინც წარსადგენი დოკუმენტაციის შესახებ მოთხოვნები ვერ დააკმაყოფილა, 300-ლარიან დახმარებას მიიღებს. ამასთან,17 წლის ჩათვლით ბავშვების ერთჯერადად, 200 ლარიან დახმარებას მიიღებენ.

"ინტერპრესნიუსი"
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
თქვენი აზრი მნიშვნელოვანია!
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
თვის კითხვადი სტატიები