"არჩევნების დღეს გვიპირისპირდება სამი მთავარი მტერი - მოსყიდვა, კრიმინალი და რუსი აგენტები" - მერაბიშვილი სამართალდამცავებს მიმართავს
"არჩევნების დღეს გვიპირისპირდება სამი მთავარი მტერი - მოსყიდვა, კრიმინალი და რუსი აგენტები" - მერაბიშვილი სამართალდამცავებს მიმართავს
ეს არჩევნები ძალიან პრინციპულია, იმიტომ რომ ამ დღეს ჩვენ, სამართალდამცავებს გვიპირისპირდება ჩვენი სამი მთავარი მტერი - მოსყიდვა, კრიმინალი და რუსი აგენტები,- ამის შესახებ საქართველოს ყოფილი პრემიერ-მინისტრი და შინაგან საქმეთა ყოფილი მინისტრი ვანო მერაბიშვილი სოციალურ ქსელში გავრცელებულ ვიდეომიმართვაში აღნიშნავს, სადაც სამართალდამცავებს მიმართავს.

ვანო მერაბიშვილის თქმით, "ქართული ოცნება-დემოკრატიული საქართველოს" თავმჯდომარე ბიძინა ივანიშვილი ამომრჩევლების მოსყიდვას შეეცდება.

"ყველა ჩვენთაგანის ცხოვრებაში არის დღეები, რომელიც წყვეტს ძალიან ბევრს - მომავალს, პერსპექტივას, საშუალებას, შანსს. ეს არჩევნები ძალიან
პრინციპულია, იმიტომ რომ ამ დღეს ჩვენ, სამართალდამცავებს გვიპირისპირდება ჩვენი სამი მთავარი მტერი - მოსყიდვა, კრიმინალი და რუსი აგენტები.

ჩვენ ამ ერთ დღეს ან ივანიშვილი დაგვამარცხებს ამ სამი ინსტრუმენტით - მოისყიდის ქართველ ამომრჩეველს, კრიმინალები დააშინებენ ხალხს, რუსი აგენტები განსაზღვრავენ პოლიტიკურ დღის წესრიგს, ან ჩვენ, ყველა ერთად
დავიცავთ ჩვენი ხალხის ნებას და ვუზრუნველყოფთ, რომ საქართველოში აღარ დადგეს საფრთხე არც მოსყიდვის, არც კრიმინალის და არც იმის, რომ რუსეთმა გადაწყვიტოს საქართველოს ბედი", - განაცხადა მერაბიშვილმა.

იხილეთ ვიდეო

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
დღის კითხვადი სტატიები
თვის კითხვადი სტატიები