"არ ვფიქრობ, რომ ბიძინა ივანიშვილის წასვლით მხარდამჭერები დავკარგეთ"
16-01-2021
"არ ვფიქრობ, რომ ბიძინა ივანიშვილის წასვლით მხარდამჭერები დავკარგეთ"
პარლამენტის თავმჯდომარის, არჩილ თალაკვაძის განცხადებით, ის დიდი მხარდაჭერა, რომელიც ბიძინა ივანიშილს საზოგადოების მხრიდან აქვს, პარტიისთვის დიდი უპირატესობა და ძლიერი მხარე იყო. შესაბამისად, ივანიშვილის პოლიტიკიდან გასვლით, პარტია ახალი გამოწვევის წინაშე დადგა.

მისივე თქმით, ბიძინა ივანიშვილი პოლიტიკაში, პარტიასა და საზოგადოებაში არის გამორჩეული ლიდერი.

"ის დიდი მხარდაჭერა, რომელიც მას საზოგადოების მხრიდან აქვს და აქვს ჩვენს პარტიაში, ჩვენთვის ყოველთვის იყო უპირატესობა და ძლიერი მხარე. შესაბამისად, მისი პოლიტიკიდან გასვლით, რასაკვირველია, ჩვენ ვდგავართ ახალი გამოწვევის წინაშე,
რასაც ჰქვია გუნდის კიდევ უფრო მეტად კონსოლიდაცია, კიდევ უფრო ეფექტიანი მართვის უზრუნველყოფა, ამ გუნდის კარგი მუშაობის ხარჯზე. მე არ ვფიქრობ, რომ ჩვენ მხარდამჭერები დავკარგეთ, მე ვფიქრობ, რომ ჩვენი მხარდამჭერები მისი პოლიტიკიდან გასვლის შემდეგ ელოდებიან "ქართული ოცნებისგან" შემდეგი პროგრესის უზრუნველყოფას, ელოდებიან ეფექტური, სწრაფი გადაწყვეტილების მიღებას და
იმ გამოწვევებთან გამკლავებას, რომელიც დღეს ქვეყანაშია. ჩვენ გვაქვს ხედვა, გვაქვს გეგმა, გვყავს განახლებული გუნდი და როგორც კი პანდემია დასრულდება, აუცილებლად უზრუნველვყოფთ პროგრესის დაჩქარებას", - განაცხადა არჩილ თალაკვაძემ.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
რუბრიკის სხვა სიახლეები
როგორ აფასებთ პროკურატურის გადაწყვეტილებას - ნიკა მელიას მიერ გირაოს გადახდის შემთხვევაში, პატიმრობის შეცვლის შუამდგომლობით მიმართავს სასამართლოს?
თქვენი აზრი მნიშვნელოვანია!
როგორ აფასებთ პროკურატურის გადაწყვეტილებას - ნიკა მელიას მიერ გირაოს გადახდის შემთხვევაში, პატიმრობის შეცვლის შუამდგომლობით მიმართავს სასამართლოს?
თვის კითხვადი სტატიები