"შეიძლება ბიძინა ივანიშვილი ბევრს არ მოსწონდა, მაგრამ ის ერთგვარი სტაბილურობის გარანტად აღიქმებოდა"
"შეიძლება ბიძინა ივანიშვილი ბევრს არ მოსწონდა, მაგრამ ის ერთგვარი სტაბილურობის გარანტად აღიქმებოდა"
ექსპერტ გია ხუხაშვილის განცხადებით, შეზღუდვების მოხსნის მოთხოვნით გამართული აქციები ოპოზიციისთვის ერთგვარი ტესტია, თუ რამდენად შესაძლებელი იქნება გაზაფხულზე მასშტაბური პროტესტის ორგანიზება.

როგორც ხუხაშვილმა "ინტერპრესნიუსთან" საუბრიასას განაცხადა, ახლა "ერთგვარი გახურება მიმდინარეობს დიდი პოლიტიკური პროცესის წინ".

"ნებისმიერ ქვეყანაში ასე ხდება, ოპოზიცია ყოველთვის ცდილობს, რომ ხელისუფლების შეცდომები ან ის პრობლემები გამოიყენოს, რაც საზოგადოებაში არსებობს. ეს არის კლასიკური პოლიტიკური პროცესი, მთავარია ეს ყველაფერი ეტეოდეს კონსტიტუციის ფარგლებში. ეს არის ტესტი იმისა, თუ რამდენად შესაძლებელი იქნება საგაზაფხულოდ
გარკვეული მასშტაბის აკრეფა იმისათვის, რომ მთავარი პოლიტიკური ამოცანები იყოს გადაწყვეტილი. ერთგვარი გახურება მიმდინარეობს დიდი პოლიტიკური პროცესის წინ. სამწუხაროდ, არსებულ ხელისუფლებას საკმაოდ სუსტი ლეგიტიმაცია აქვს, რაც კიდევ უფრო დასუსტდა მას შემდეგ, რაც ბიძინა ივანიშვილმა თამაშიდან გასვლის შესახებ გამოაცხადა. ამ საზოგადოებისთვის უხერხულია კობახიძის ქვეყანაში ცხოვრება. შეიძლება ბიძინა
ივანიშვილი ბევრს არ მოსწონდა, მაგრამ ის აღიქმებოდა ძალის ცენტრად, ერთგვარი სტაბილურობის გარანტად. დღევანდელ ხელისუფლებაში ეს განცდა შესუსტებულია. შესაბამისად, დელეგიტიმაციის მცდელობები გაგრძელდება. ვფიქრობ იმას, რაც დღეს ხდება, ანუ კანონის ზღვარზე სიარულს, ადგილი მერეც ექნება. შეიძლება ამას პრეცედენტული ხასიათიც ჰქონდეს და ქაოსისკენ მივდიოდეთ. ჩვენ სახელმწიფოს განვითარების არცერთი სფერო არ გვაქვს, სადაც სრული დეგრადაცია არ არის. როგორც სოციალურ-ეკონომიკურ სფეროში, ასევე საზოგადოებრივ-პოლიტიკურ ცხოვრებაში. ყველა მიმართულებით გვაქვს გაუარესება. ამ ყველაფერს კი აგვირგვინებს პოლიტიკური ჩიხი. ერთი კვირა გვაქვს დარჩენილი იმ წითელ ხაზამდე და იმ რუბიკონის გადალახვამდე, რის შემდეგაც, ფაქტობრივად, პოლიტიკური ჩიხი საბოლოოდ გაფორმდება. თუ ჩვენ ერთი კვირის შემდეგ მივიღებთ ჩაბეტონებულ, სტერილურ, ერთპარტიულ პარლამენტს, ბუნებრივია ეს სამომავლოდ ძალიან სერიოზული რისკების შემცველი მოცემულობა იქნება. ამის წინაისტორიას და საარტილერიო მომზადებასთან გვაქვს ახლა საქმე", - განაცხადა ხუხაშვილმა.

"ინტერპრესნიუსი"

ალექს
25 იანვარი 2021 18:26
რომანს კუპონის ბეეევრი ბრიშტი , მილიონობით ! ვაშაძე-ჩიჩიკოვ, მკვდარი სულების ყიდვა არა, გაყიდვა ჰო , შენზე გამიგია, პიონერვაჟატი , მეორე ვაშაძე, ულვაშა, ცეკას ნომენკლატურა არაა , აბა კგბ როგორაა ?! უპარტიოა ? მიშა ? ეფრეიტორი , ლიმიტი კომკავშირული არ ქონდა ? ქონდა ! ბაქრაძე ნორჩი ლენინელი არაა !? ახლა, შენ ხუხაშვილი, რით ვერ გაიგე , რომ საბჭოთა სამართლის სისტემა, რომელიც ედუარდმა მიშას შეაქმნევინა , გამორიცხავს რაიმე სახის დადებით ეკონომიკურ ეფექტს ,ის ბიზნესის დასაჭერი სამართალია, სპეკულაციასთან ბრძოლის საბჭოთა გამოცდილების ძალით ,გარდა სამოხელეო პარტოკრატიული მონოპოლიზმის და ოლიგარქთა ოლიგოპოლიებში ჩრდილოვანი "ბიზმესის" გახარებისა, სისტემა ბერწია, ასი გახარია რომ მოიყვანო, შედეგი იქნება სატირალი , აი სისტემას თუ დასავლურით შევცვლით (ახლა რუსულია!), ერთი გახარია ეყოფა ამ საქმეს , ცოტას ხელს წავუკრავთ აზატები, გაგიკვირდება და ვართ ცოტა კიდევ შემორჩენილი, გაერთიანდით აზატებო , ნადია , ნადი, სამარგლია ბევრი , ვერ ერევა პოზიცია ოპოზიცია , თუ დაეჯერებათ , უნდებლარიენ და ვერ ახერხებენ , რცხვენიათ ნაცქოცებს მოქკავშირიდან და მათ სატელიტებს , რომ საკუთარი მამაპაპის - ბოლშევიკების დაღმა ხნულის გადამარგვლა აღმა რომ მოუწევთ !

რუბრიკის სხვა სიახლეები
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები