"მინდა, ვახტანგ გომელაურსა და პოლიციელებს, მთავრობის სახელით, საჯაროდ მადლობა გადავუხადო - ჩვენ ვართ სამართლებრივი და ძლიერი სახელმწიფო"
"მინდა, ვახტანგ გომელაურსა და პოლიციელებს, მთავრობის სახელით, საჯაროდ მადლობა გადავუხადო - ჩვენ ვართ სამართლებრივი და ძლიერი სახელმწიფო"
"დღეს ჩვენ გავხდით მომსწრეები, რომ ვართ სამართლებრივი სახელმწიფო და ვართ ძლიერი სახელმწიფო", - ამის შესახებ პრემიერ-მინისტრმა ირაკლი ღარიბაშვილმა "ნაციონალური მოძრაობის" თავმჯდომარის ნიკა მელიას დაკავებასთან დაკავშირებით განაცხადა.

მან მთავრობის სახელით, შინაგან საქმეთა მინისტრსა და პოლიციელებს მადლობა გადაუხადა.

"ჩვენ ვართ ძლიერი სახელმწიფო, გვყავს ძლიერი პოლიცია, ეფექტური შინაგან საქმეთა მინისტრი. მინდა ვახტანგ გომელაურსა და პოლიციელებს, მთავრობის სახელით, საჯაროდ მადლობა გადავუხადო, იმისთვის, რომ მათ დაიცვეს ჩვენი სახელმწიფოს ღირსება, სტაბილურობა და კიდევ ერთხელ ყველას შევახსენეთ,
რომ ვართ სამართლებრივი სახელმწიფო", - განაცხადა ღარიბაშვილმა.

ცნობისთვის, სამართლდამცავებმა "ნაციონალური მოძრაობის" თავმჯდომარე ნიკა მელია დააკავეს. შინაგან საქმეთა სამინისტრომ მელიას აყვანის სპეცოპერაცია პარტიის ცენტრალურ ოფისში გამთენიისას დაიწყო. ოპერაციის ფარგლებში შსს-მ სპეციალური ტექნიკა და სპეცდანიშნულების რაზმი გამოიყენა. გაუშვა ე.წ. წიწაკის სპრეი, რითაც პარტიის ოფისში მყოფი პირები დაშალა.

"ეს არის აბსოლუტურად ცივილიზებული, დემოკრატიული ქვეყნების სტანდარტი", - ასე გამოეხმაურა პრემიერ-მინისტრი ირაკლი ღარიბაშვილი "ერთიანი ნაციონალური მოძრაობის" ლიდერის ნიკა მელიას დაკავებას.

ღარიბაშვილმა შინაგან საქმეთა მინისტრ ვახტანგ გომელაურსა და პოლიციას მადლობა გადაუხადა.

"რაც შეეხება ზოგადად პრაქტიკას და გამოყენებულ მეთოდებს, ეს არის აბსოლუტურად ცივილიზებული, დემოკრატიული ქვეყნების სტანდარტი. დღეს ჩვენმა გმირმა პოლიციამ აჩვენა უმაღლესი სტანდარტი, ის რაც არის ევროპული, თანამედროვე, ამერიკიული დემოკრატიების სტანდარტების შესაბამისი. და ბოლოს, გეტყვით, რომ რა თქმა უნდა, ჩვენ ყველა მოქალაქის საკუთარი აზრის გამოხატვის უფლებას დავიცავთ კონსტიტიციულ ფარგლებში, ჩვენ ასე გვესმის კანონის უზენაესობა და დემოკრატიის მთავარი პრინციპები, მაგრამ რა თქმა უნდა, იმ დათქმით, რომ ყველაფერი უნდა იყოს კონსტიტუციის და კანონის ფარგლებში. კიდევ ერთხელ მინდა მადლობა გადავუხადო შინაგან საქმეთა მინისტრს ბატონ გომელაურს და პოლიციას, ვამაყობ თქვენით!" - განაცხდა ღარიბაშვილმა.

"ნიკა მელია არის კრიმინალი, პოლიციამ დღეს დილით, მაღალპროფესიონალური სპეცოპერაციის შედეგად დააკავა იგი"

მისივე თქმით, კანონს ყველა უნდა დაემორჩილოს.

"მე გუშინ ვრცლად ვისაუბრე ნიკა მელიასთან დაკავშირებით. კიდევ ერთხელ მინდა ვთქვა, რომ ნიკა მელია არის კრიმინალი. სხვა საქმეზე, "ბანკი ქართუს" გაკოტრების საქმეზე, მას აქვს მისჯილი და სასამართლომ დაადგინა, რომ იგი არის კრიმინალი. ეს მეორე საქმეა, რომელზეც პოლიციამ დღეს დილით, მაღალპროფესიონალური სპეცოპერაციის შედეგად დააკავა იგი. ეს უკავშირდება სწორედ ამ შენობის, პარლამენტის, შტურმის ორგანიზებას, რომელიც მან და მისმა თანაორგანიზატორებმა დაგეგმეს და რა თქმა უნდა, ჩვენი სახელმწიფოს ძლიერების გამოცდა გადაწყვიტეს. ჩვენ ვაშენებთ სამართლებრივ სახელმწიფოს. ყველა, განურჩევლად მისი პოლიტიკური კუთვნილებისა თუ გემოვნებისა, არის ვალდებული დაემორჩილოს კანონის აღსრულებას", - განაცხადა ირაკლი ღარიბაშვილმა.

"ინტერპრესნიუსი"
იხილეთ ვიდეო:

222
23 თებერვალი 2021 14:29
მთავრობის სახელით და არა ხალხის....
დამკვირვებელი
23 თებერვალი 2021 13:28
სამარცხვინო ხარ ღარიბაშვილო. სულით და ხორცით მოღალატევ! ინტელექტით და სულით ღარიბო!
ჟორიკა
23 თებერვალი 2021 12:49
საცოდავი ერი,ალბათ ავლიპ ზურაბიშვილის პაციენტი (ცოცხალი რომ იყოს) იქნებოდა.დღეს კი პრემიერია. ვაი ჩვენს პატრონს უბედურს.
ეხლა ქოცები ატეხავენ ვიშვიშს,სჯობს სხვა რამეზე წერონ,რომ გერმანიაში ვითომდა სამუშაოდ წასასვლელ ერთ ადგილზე 15 000 მსურველია.საქართველო კი არა,ბუნდუსტანია ეს დედააფეთქებული. ამდენი ნაგიჟარ-უვიცი და ბიუჯეტის ქურდი ერთ ქვეყანაში ?

რუბრიკის სხვა სიახლეები
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები