"მე არ ვისვენებ, მე "ზაგარი"მივიღე უკვე" - თვითონ 6 თვე იბოდიალეს, ახლა პარლამენტში სხედან და ერთმანეთს ებრძვიან"
"მე არ ვისვენებ, მე "ზაგარი"მივიღე უკვე" - თვითონ 6 თვე იბოდიალეს, ახლა პარლამენტში სხედან და ერთმანეთს ებრძვიან"
"მე არ ვისვენებ, მე "ზაგარი"მივიღე" უკვე , - ასე გამოეხმაურა საპარლამენტო უმრავლესობის წევრი ირაკლი ზარქუა ტელეკომპანია "პალიტრანიუსის"გადაცემაში "360 გრადუსი""სტრატეგია აღმაშენებლის"ლიდერის, გიორგი ვაშაძის განცხადებას იმასთან დაკავშირებით, რომ "ქართული ოცნება"ისვენებს და "მაისკი პრაზნიკი"მოიწყო.

ზარქუას თქმით, კარგად ჩანს, თუ ვის უნდა საქმის კეთება, ვინაიდან, მისივე განმარტებით, ოპოზიციის წევრებმა 6 თვის განმავლობაში "იბოდიალეს".

"მე არ ვისვენებ, მე "ზაგარი"მივიღე უკვე. რაღაც ნაწილი მოვისმინე და საოცარი იყო, ადამიანს უნდა მუშაობა და ჩვენ არ ვამუშავებთ. ეს იაფფასიანი
თემაა, ყოველ შემთხვევაში, მცდელობა, რადგან საზოგადოებამ იცის, ამნისტიაზე ვინც მუშაობდა - ანრი ოხანაშვილი, ირაკლი კობახიძე და ზაზა პაპუაშვილი არიან, ისინი გერმანიაში იმყოფებიან და ერთ-ერთ მთავარ სატრატეგიულ პარტნიორთან აქვთ შეხვედრები. მობრძანდეს, გუშინაც პარლამენტში ვიყავი, პენსიონრების თემაზე ვმუშაობ, მათ შორის, ეროვნულ ბანკთან, სამინისტროსთან, ხვალ შეხვედრა მაქვს ჩანიშნული
ქალბატონ ტყეშელაშვილთან. ვინ დაუშალა? ასეთი იაფფასიანი ტრიუკებია. მე მაქვს "ზაგარი", მერე? მთავარია, ვისაც რეალურად უნდა მუშაობა, გამოჩნდა. 6 თვე იბოდიალეს, სხვა ვერაფერს დავარქმევ ამას, გულზე მჯიღის დადება და რაღაც იყო, ახლა ყველანი პარლამენტში სხედან და ახლა ერთმანეთს ებრძვიან, ასე სამარცხვინო თემებია, რაც ხდება", - განაცხადა ზარქუამ.

ის ასევე გამოეხმაურა ნიკა მელიას საკითხს და განმარტა, რომ მისთვის ეს თემა "მეათეხარისხოვანია".

"ალალად, რომ ვთქვა, მე მაინც მგონია, რომ მელია თავისმა გუნდმა და ბელადმა გაწირა, მან იგრძნო მასში კონკურენტი, სააკაშვილს ვგულისხმობ, იმიტომ რომ მან განახლება დაიწყო, გახსოვთ, ამას რა მოჰყვა, "ნაციონალურ მოძრაობას"ოდიოზური ფიგურები რომ ჰყავთ, იქ რომ აუმხედრა და ეთერებში რომ ხდებოდა ცემა-ტყეპა ერთმანეთის, თუმცა, ეს მათი შიდა საქმეა. მელიას ათქმევინეს, გირაოს არ გადავიხდი, არ მჭირდება არანაირი ამნისტიაო... მე კი არ ვიცი და მგონია, თვითონაც არის დარწმუნებული და ახლა ცდილობს სახე გადაირჩინოს და ისე გამოვიდეს. მე ვისურვებდი, გამოვიდეს და თუ რამე შესაძლებლობა აქვს, თავის გუნდთან, ახალგაზრდებთან ერთად იყოს, ოპოზიციაში გააგრძელოს მუშაობა. მგონია, რომ ის მსხვერპლი და ტყვეა თავისი ბელადის და პარტიის. თუმცა, ეს მათი არჩევანია, მე არავინ მეკითხება... ყველანაირი ბერკეტი შევქმენით, ყველანაირი შეთანხმება გავაკეთეთ, რომ მელია გარეთ გამოვიდეს, დანარჩენი, მათი არჩევანია, როგორ გადაწყვეტენ და როგორ ჩამოყალიბდებიან შიგნით", - განაცხადა ზარქუამ.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.

რუბრიკის სხვა სიახლეები
დღის კითხვადი სტატიები
ბლოგერები
თვის კითხვადი სტატიები