"თამარ ჟვანიასთვის ბოდიში აქვს მოსახდელი ზოგიერთ არასამთავრობო ორგანიზაციას და ოპოზიციას"
"თამარ ჟვანიასთვის ბოდიში აქვს მოსახდელი ზოგიერთ არასამთავრობო ორგანიზაციას და ოპოზიციას"
იურიდიული კომიტეტის თავმჯდომარის, ანრი ოხანაშვილის განცხადებით, თამარ ჟვანიას გადადგომის საკითხი "არ და ვერ იქნება განხილვის საგანი".

როგორც მან ჟურნალისტებს განუცხადა, თამარ ჟვანიამ და ცესკო-ს გუნდმა შრომა გასწიეს, არჩევნები შედგა და ამიტომ "მათთვის აქვს ჯერ ბოდიში მოსახდელი ზოგიერთ არასამთავრობო ორგანიზაციას და ოპოზიციას".

ამასთან, მისივე თქმით, მმართველი გუნდის შეთავაზება ოპოზიციისადმი, რომ ცენტრალური საარჩევნო კომისიის თავმჯდომარის მოადგილე პროფესიული ნიშნით შეარჩიონ, რაციონალური და სამართლიანია.

"ქართული ოცნების" გუნდს აქვს სამართლიანი შეთავაზება ოპოზიციისადმი, რომ პირველი მოადგილე
იყოს პოლიტიკურად ნეიტრალური, უფრო მეტი პროფესიული კვალიფიკაციის მქონე პირი და საჭიროების შემთხვევაში ის იყოს მოვალეობის შემსრულებელი. თუ ამ სამართლიანი და რაციონალური წინადადების საწინააღმდეგო არგუმენტს ვინმე წარმოადგენს, სიამოვნებით მოვუსმენთ, თუმცა აქამდე ასეთი არგუმენტი არ მოგვისმენია. ეს ნიშნავს იმას, რომ ეს არის რაციონალური და სამართლიანი მიდგომა, ნაცვლად
იმისა, რომ პირველი მოადგილე იყოს პოლიტიკურად დაინტერესებული, კონკრეტული პარტიის ინტერესების გამტარებელი, ვთავაზობთ, რომ არცერთი პარტიის წარმომადგენელი არ იყოს, იყოს უფრო მეტად პროფესიონალი, პოლიტიკურად ნეიტრალური და სწორედ პროფესიული ნიშნით მიიღოს კონკრეტული გადაწყვეტილებები", - განაცხადა ოხანაშვილმა.

ის ასევე გამოეხმაურა ამნისტიის შესახებ კანონპროექტს და აღნიშნა, რომ "ქართული ოცნების" მიერ დაინიცირებული კანონპროექტი სამართლიანია და შარლ მიშელის დოკუმენტის სულისკვეთებას ასახავს.

"საკომიტეტო მოსმენებზე გამოჩნდება, რამდენად სამართლიანია ჩვენი პოზიცია. ხოლო ოპოზიციის მიდგომა ნამდვილად არაა სამართლიანი და არც თანასწორობის პრინციპებს იცავს", - განაცხადა ოხანაშვილმა.
ალექს
15 მაისი 2021 10:53
ხმას რომ 20 ლარად ყიდიან, ეგ ძალიან მცირე ნაწილია ჩვენი, მაგრამ ამ დღეში სწორედ იმათ ჩააყენეს , ეს ფონია ხელოვნურია და კულტივირებულია, სინამდვილეში ნაყიდი ხმები კი არ წყვეტს არჩევნების ბედს, გაყალბები წყვეტს , ნაცქოცმოქკავშირს ასეულობით ათასი მკვდარი სული ყავს ბორჩალოსა და ახალქალაქის მაზრაში, მათ ორ-ორი, ზოგს სამი პასპორტი აქვთ , სხვა ქვეყნის მოქალაქეებიც არიან და ჩვენიც, ოფიციალური ორმაგი კი არ აქვთ, უბრალოდ იქაც და აქაც ერთმაგი მოქალაქეობა აქვთ, ცხადია ადგილობრივმა სუსმა შსს-მ მუნიციპალიტეტმა ეგენი ზეპირად იცის, მათზე პენსია დახმარება და ჰაი ჰუი იწერება , ამდენად მათი ხმების მართვა მითვლა იოლია ! ფაქტი ?! ცესკოს არჩევნების სტატისტიკები შეადარეთ მოხალეობის აღწერის სტატისტიკებს, დაბადება სიკვდილიანობის , ემიგრაციის სტატისტიკებს, შევარდნაძის დროინდელი პენსიონერთა რაოდენობა მიშასას და დღევანდელს, ასევე დააკვირდით რამდენი სული იღებს სოც დახმარებებს იგივე პერიოდებში- ხელისგულზე დევს ყველაფერი ! მომიძებნეთ 500 ათასი ნაცის ამომრჩეველი და ერთი მილიონ ასი ათასი შემწეობის განცხადება რომ დაწერა , მერე რომ სოცმუშაკმა განიხილა , ფიზიკურად მივიდა მასთან, ეს საშუალოდ მთელი ქვეყნის მასშტაბით ოჯახში თითო სულია , სხვათაშორის , სადა აბა , და სხვანაირად მილიონი ქართული ოჯახიდან ნახევარზე მეტი სოცდახმარებაზეა !?
რამდენი ბლაყვია ღმერთო
14 მაისი 2021 14:03
ხალხი ვის ახსოვს

რუბრიკის სხვა სიახლეები
დღის კითხვადი სტატიები