"ადამიანები, ვისაც სერიოზული წვლილი აქვთ, რომ საქართველომ დაკარგა ტერიტორიები, თავისუფლად ქეიფობენ და მიდი-მოდიან"
"ადამიანები, ვისაც სერიოზული წვლილი აქვთ, რომ საქართველომ დაკარგა ტერიტორიები, თავისუფლად ქეიფობენ და მიდი-მოდიან"
"ევროპული საქართველოს" ერთ-ერთი ლიდერი, გიგი წერეთელი, "მთავარი არხის" ინფორმაციას ეხმაურება, რომ რუსი მომღერალი, ლევ ლეშენკო, რომელიც აფხაზეთის "დამოუკიდებლობას" აფხაზურად უმღეროდა, დღეს ბიძინა ივანიშვილის სასტუმროში ისვენებს.

წერეთლის თქმით, 20 ივნისის ამბებისა და პოზნერის ვიზიტის შემდეგ, საქართველოს ხელისუფლება აგრძელებს კვლავ იგივე პოლიტიკას.

წერეთელმა აღნიშნა, რომ საქართველოს ხელისუფლების ამგვარი ქმედებები სწორედ რუსულ პოლიტიკასთან არის დაკავშირებული, როცა ადამიანები, რომელთაც სერიოზული წვლილი აქვთ, რომ საქართველომ დაკარგა ტერიტორიები, ქეიფობენ და კარგ დროს ატარებენ საქართველოში.

"იმ ამბების
შემდეგ, რაც 20 ივნისს მოხდა, შემდეგ სულ ახლახანს იყო სკანდალი, რომელიც პოზნერს უკავშირდებოდა, იმავეს აგრძელებს საქართველოს ხელისუფლება, ახლა მასპინძლობს რუს მომღერალს, ლეშენკოს, რომელიც კი ბატონო, ვიცით, მაგრამ ასევე ვიცით, რომ ლეშენკო უმღეროდა აფხაზეთის "დამოუკიდებლობას", ეს ადამიანი იყო აბსოლუტუ
რად წინააღმდეგი საქართველოსი, მისი პოლიტიკის, მისი დამოუკიდებლობის და რა დამსახურების გამო უნდა ევლებოდნენ თავს, უკეტავდნენ რესტორნებს, ხომ წარმოგვიდგენია როგორი მოფერება იქნება ამ ადამიანის და ქართული სტუმარ-მასპინძლობის ჩვენება.

ეს არის სწორედ რუსული პოლიტიკა, როდესაც რუსეთი ცდილობს, რომ თითქოს არაფერი არ ხდება, თითქოს ის ადამიანები, ვისაც გარკვეული წვლილი აქვთ და ზოგს სერიოზული წვლილი, რომ საქართველომ დაკარგა ტერიტორიები, თავისუფლად მიდი-მოდიან საქართველოში, ქეიფობენ, კარგ დროს ატარებენ და არაფერიც არ ხდება და უფრო მეტიც, მას მასპინძლობენ საქართველოს ხელისუფლების მაღალჩინოსნები, ან მათი ოჯახის წევრები და ეს არის ჩვეულებრივი ამბავი.

გამოიყვანონ ახლა ლეშენკო და თქვას, რომ რუსეთი არის ოკუპანტი, რომ პუტინმა ჩაიდინა დანაშაული, როცა გასცა ბრძანება საქართველოს ტერიტორიების ოკუპაციის, რომ საქართველო უნდა იყოს დამოუკიდებელი, რომ დევნილები უნდა დაბრუნდნენ, რომ ადამიანებს არ იტაცებდნენ საოკუპაციო ხაზიდან, არ სვამდნენ ციხეში - ეს თქვას და მეც წავალ მის კონცერტზე და შეიძლება ტაშიც დავუკრა", - განაცხადა წერეთელმა.
მედეა
27 ივლისი 2021 11:04
დაგებულ ხაფანგში რომ არ გაგვეყო თავი წერეთელო, ის იქნებოდა სატრაბახო. რუსების ნაწილს უყვარს ქართველები და არ ემხრობიან მათი მმართველის უგუნურ პოლიტიკას ჩვენდამი,მაგრამ ხმას ვერ იღებენ,რადგან ნავალნის მაგალითი აქვთ. ეს გასათვალისწინებელია და მეგობრების გამრავლებით სამომავლო საქმე უნდა ვაკეთოთ. როცა საქართველოს მართავდით, მაშინ არ უნდა შეგექმნათ ეს მოცემულობა ---ის იქნებოდა კარგი, ახლა მუშტებს ჰაერში ნუღარ იქნევთ --ნაცებო!

რუბრიკის სხვა სიახლეები
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები