"ქაოსი უნდა დამთავრდეს , სახელმწიფო უნდა იყოს ძლიერი. ხელი დაეტყობა აქაურობას, პატრონი გამოუჩნდება"
"ქაოსი უნდა დამთავრდეს , სახელმწიფო უნდა იყოს ძლიერი. ხელი დაეტყობა აქაურობას, პატრონი გამოუჩნდება"
"პირდაპირ, სამართლიანად და ღიად გეუბნებით, რისი გაკეთებაც იმ მომენტამდე შესაძლებელი იყო, მაქსიმალურად ვაკეთებდი და ის, რაც ვერ გავაკეთე და რაც შეგვეშალა, იმის პასუხისმგებლობის გამო ვდგავარ ახლა აქ", - ასე მიმართა პარტია "საქართველოსთვის" თავმჯდომარე, გიორგი გახარიამ მოქალაქეებს, რომელმაც დღეს ქედასა და ხელვაჩაურში პარტიის ახალი ოფისები გახსნა.

გიორგი გახარია ადგილობრივ მოსახლეობას შეხვდა და განაცხადა, რომ ქვეყანაში ქაოსი უნდა დამთავრდეს.

"ჩათვალეთ, რომ დღეს ჩვენ პირველ ნაბიჯს ვდგამთ - თან პარტიას ავაშენებთ, თან არჩევნებშიც
მივიღებთ მონაწილეობას. ჩვენ არაფერი სხვა არ გვინდა - ქაოსი უნდა დამთავრდეს , სახელმწიფო უნდა იყოს ძლიერი და ადამიანი უნდა გრძნობდეს სახელმწიფოს დგომას ზურგს უკან. წყნარად, მშვიდად, კეთილსინდისიერად თუ იშრომებს, გლეხი კაცი ღირსეულად არჩენს თავის ოჯახს, ეგ არის და ეგ. შესაძლებელია ეს? შესაძლებელია და საკმაოდ სწრაფად.
ხელი დაეტყობა აქაურობას, პატრონი გამოუჩნდება და რაც მთავარია, ძლიერი სახელმწიფოსთვის გადადგმული იქნება კონკრეტული ნაბიჯები", - მიმართა გახარიამ მოსახლეობას.

მან აღნიშნა, რომ ქვეყანამ არჩევნებზე ღირსეული გამარჯვება უნდა მოიპოვოს.

"თქვენ შეიძლება ძალიან სწორი და სამართლიანი კითხვა გქონდეთ, იქ არ იყავი და გაგეკეთებინაო. ასევე, პირდაპირ, სამართლიანად და ღიად გეუბნებით, რისი გაკეთებაც იმ მომენტამდე შესაძლებელი იყო, მაქსიმალურად ვაკეთებდი და ის, რაც ვერ გავაკეთე და რაც შეგვეშალა, იმის პასუხისმგებლობის გამო ვდგავარ ახლა აქ. ყველაფერს აქვს დასაწყისი და ყველაფერს აქვს თავისი ლოგიკური დასასრული. რაღაცას რომ ასრულებ, ეს ახლის დასაწყისია ყოველთვის. მინდა ყველას გვჯეროდეს, რომ ერთად, ღირსეულად მივალთ იმ გამარჯვებამდე, რომელიც ქვეყნის იქნება", -განაცხადა გიორგი გახარიამ.

ინფორმაციას პარტია "საქართველოსთვის" პრესსამსახური ავრცელებს.

ალექს
27 ივლისი 2021 11:40
სანამ მთავრობას გონია რომ თვითონ უნდა აწარმოოს რამე, იქამდე ვერც ვერაფერს ვაწარმოებთ, მთავრობამ და ხელისუფლების დანარჩენმა შტოებმა თავი უნდა დაანებონ ველოსიპედების გამოგონებას-გამოგონილია უკვე ეკონომიკის განვითარების ველოსიპედი-ეს არის თავისუფალი კონკურენტული საბაზრო ურთიერთობები და უფლება მოვალეობაში თანაბარი სახელმწიფო ! და იქნება ბიზნესი.
სხვის მიერ წარმოებულის მითვისებას , წართმევა ჩამორთმევას, დაჯარიმებას, ატკატებს, დაკრიშვას და ამისათვის საჭირო საკანონმდებლო ბაზის შექმნას განვითრების მოტანა არ შეუძლია..არსებული სისტემის ფარგლებში უკლებლივ ყველა, ძველიც და ახალიც სახელმწიფოს, ანუ ხალხს ძარცვავენ, კოლოსალური სესხები გვაქვს აღებული, შეჭამეს ამათ, თუ არ გვაჩუქეს კრედიტორებმა , ხალხმა უნდა იხადოს ! მომავლის იმედად სულ ტყუილად ხართ , არ გამოსწორდებიან, ამ სისტემას ვერ შეელევიან, მით უდგათ სული ! კოლექტიური თავდაცვაა საჭირო -დასაცავია მოსახლეობის საყოველთაო აღწერის სია, ამომრჩევლის სია, საპენსიო და სოცდასახმარებელთა, ლტოლვილთა, ემიგრანტთა და ასე შემდეგ, დასაცავია ბიზნესი და კერძო საკუთრება,დასაცავია დემოკრატიული ელემენტარული უფლებები ! ამ სისტემაში ბუტაფორიული დაცვები გაქვთ, ბიზნესომბუთსმენი და სამრეწველო სავაჭრო პალატა, ბიზნესასოციაციები , არასამთავრობოები , მედია და ექსპერტები, ბომონდი და ტელეღიბუცები და ბოლოს ლომჯარია - ეს სულ ბუტაფორიებია და იმისათვისაა , რომ თქვენ მართლა თავდაცვა არ გქონდეთ , არ განავითაროთ დემოკრატიული ინსტრუმენტები, არ მოითხოვოთ ხელისუფლების წყაროს უფლებები, რეფერენდუმი, პლებისციტი, ნდობის ვოტუმის მიღება და ესენი არ გარეკოთ სრულიად აკადემიურ სტილში, მშვიდად და კანონის ფარგლებში! ხელს სპეციალურად გიწყობენ , რომ ჯანყის პირას იყოთ მარად, ჯანყი მაგათი თავშესაფარია , მაქედან ყოველთვის გამარჯვებული გამოვლენ ! ამიტომ პირველ ნაბიჯად ერთხმად საარჩევნო ურნებთან და დიდი უარი ნაცქოცმოქკავშირს სატელიტებიანად ,იქამდე აქტიურად სიების დადგენა , ამათი სიებით წავაგებთ !

რუბრიკის სხვა სიახლეები
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები