"რისთვის მემუქრება საკანი? თუ ხალხი დაუშვებს იმას, რომ ქართული სახელმწიფოს დამფუძნებელი გაუშვან ციხეში, მაშინ ყველაფრის ღირსი ვყოფილვართ "
24-09-2021
"რისთვის მემუქრება საკანი? თუ ხალხი დაუშვებს იმას, რომ ქართული სახელმწიფოს დამფუძნებელი გაუშვან ციხეში, მაშინ ყველაფრის ღირსი ვყოფილვართ "
თუ ქართველი ხალხი დაუშვებს იმას, რომ ივანიშვილმა, ამ „ბეზპრედელშიკმა“ გაიტანა ის, რომ ქართული სახელმწიფოს დამფუძნებელი გაუშვა ციხეში, მაშინ ყველაფრის ღირსი ვყოფილვართ. ქართველმა ხალხმა მიიღოს ეს გადაწყვეტილება. მე, არაფრის მეშინია, - ამის შესახებ საქართველოს მესამე პრეზიდენტმა მიხეილ სააკაშვილმა ტელეკომპანია „ფორმულას“ ეთერში განაცხადა.

სააკაშვილის თქმით, მისთვის გაუგებარია რისთვის ემუქრება საკანი საქართველოში.

„ხომ არ ბნელა მართლა! რისთვის მემუქრება საკანი? იმისთვის, რომ არაფერი ჩამიდენია? იმისთვის, რომ ქართული სახელმწიფო ავაშენე? იმისთვის, რომ ერთი კაპიკი არ
წამიღია საქართველოდან? იმისთვის, რომ თორმეტჯერ გავზარდე ბიუჯეტი? იმისთვის, რომ სიღარიბე სამჯერ შევამცირე? იმისთვის, რომ ოთხჯერ გავზარდე საქართველოს ეკონომიკა? იმისთვის, რომ საქართველო ყველაზე არაკორუმპირებულ ქვეყნად ვაქციე? რისთვის მემუქრება საკანი, ამ კითხვას რატომ არ სვამთ?“ - განაცხადა მიხეილ სააკაშვილმა.

მისივე განმარტებით, გადაწყვეტილება ქართველმა ხალხმა უნდა მიიღოს.

"თუ
ქართველი ხალხი დაუშვებს იმას, რომ ივანიშვილმა, ამ ტლუმ, „ბეზპრედელშიკმა“ გაიტანა ის, რომ ქართული სახელმწიფოს დამფუძნებელი გაუშვა ციხეში, მაშინ ყველაფრის ღირსი ვყოფილვართ. ქართველმა ხალხმა მიიღოს ეს გადაწყვეტილება. მე, არაფრის მეშინია. მე ვკარგავ ჩემ ქვეყანას. ჩვენ ვკარგავთ ჩვენ ქვეყანას და მე მივდივარ ბოლომდე. თუ ქართველი ხალხი მზად არის, მისცეს მას საშუალება, რომ სააკაშვილი გაუშვას ციხეში, კი ბატონო, ქართველმა ხალხმა მიიღოს ეს გადაწყვეტილება, მაგრამ მთავარი კითხვა აქ არის - ერთი კაპიკი არ წამიღია საქართველოდან. ნამდვილად, ყველა ის ბრალდება, რომელიც მე წამიყენეს, თავიდან ბოლომდე ყალბია და ეს ყველამ იცის, მათ შორის, ეს ყველაფერი იციან მათ.

კი ბატონო, არ შერცხვება ყველა იმას, მათ შვილთაშვილებს, ადამიანზე, რომელზეც ჩემს თავზე ლაპარაკი ძნელია, მაგრამ ამერიკის კონგრესში უწოდებენ ჩვენი რეგიონის ჯორჯ ვაშინგტონს, რომ ჩვენ ვიყავით თაობა, რომელმაც ეს ჯორჯ ვაშინგტონი, იმის მაგივრად, რომ მისთვის სადღაც ძეგლი დაედგათ - ჩემს თავზე ძეგლს არ ვითხოვ, მაგრამ მე ვამბობ ფიგურალურად, აიღეს და ჩვეულებრივად ჩაკეტეს დილეგში? კი ბატონო, რა პრობლემაა“, - განაცხადა მიხეილ სააკაშვილმა.

ყოფილი პრეზიდენტი დარწმუნებულია, რომ "ქართველი ხალხი ხმას ამოიღებს“.


მერაბ მაღლაკელიძე
26 სექტემბერი 2021 22:05
ზუსტად ციხეა შენი წამალი.
bejani
26 სექტემბერი 2021 16:51
მაგის ყველაზე კარგი გადაწყვეტა რეფერენდუმია. დარწმუნებული ვარ, რომ მიშას ციხეში ჩასმას ქართველების 60-70 % დაუჭერს მხარს.
25 სექტემბერი 2021 10:42
ისხლის დაღვრა გინდა მეტი არაფერი

რედაქტორის რჩევით
რუბრიკის სხვა სიახლეები
როგორ შეიცვალა თქვენი ოჯახის ფინანსური მდგომარეობა ბოლო ერთი წლის განმავლობაში?
თქვენი აზრი მნიშვნელოვანია!
როგორ შეიცვალა თქვენი ოჯახის ფინანსური მდგომარეობა ბოლო ერთი წლის განმავლობაში?
თვის კითხვადი სტატიები