"მალე სააკაშვილს უკრაინაში "დაადეპორტებენ" და საქართველოში კრება დარჩება მხიარული"
"მიხეილ სააკაშვილი არანაირი პოლიტიკური პატიმარი არ არის - ის ციხეში ბიძინა ივანიშვილთან შეთანხმებით პოლიტიკური მიზნის მისაღწევად ზის, რასაც ორივე მხარემ უკვე მიაღწია", - აღნიშნულ შეფასებას პოლიტიკურ ჯგუფ "გირჩის" წარმომადგენელი იაგო ხვიჩია აკეთებს.
ხვიჩიას თქმით, "მალე სააკაშვილს უკრაინაში "დაადეპორტებენ" და საქართველოში კრება დარჩება მხიარული".
"ექსტრადირება მოხდება. ეს წინასწარ შეთანხმებული თამაშია! მიხეილ სააკაშვილის ციხიდან გამოშვებაზე ცოტა ხანი აწუწუნებენ უკრაინის პრეზიდენტს, პარტნიორებს, ქართველ ხალხს და შემდეგ გაუშვებენ", - აღნიშნა იაგო ხვიჩიამ.