ახ, "ადესა"..., ანუ რას იზამს მარტის ამინდივით არეული ნაპრეზიდენტალ-ნაგუბერნატორალი
ახ, "ადესა"..., ანუ რას იზამს მარტის ამინდივით არეული ნაპრეზიდენტალ-ნაგუბერნატორალი
წინა პროვოკაციაში ვწერდი ბიძინას დიდ შესაძლებლობებზე. კოალიციის ყოფილ წევრებსა და "ნაციონალურ მოძრაობას" რა დღეც დამართა, კი იცით უკვე, მაგრამ თუ "სამ ჭორვილსკის" "მსახვრალი ხელი" ოდესასაც მისწვდებოდა, არ მეგონა! არადა, რომ ჰკითხო რიგით "ნაცს", ბიძინას და მთელი სამყაროს ყველა ტირანს მხოლოდ მიშა დაამარცხებს და სხვა ვერავინ!

საქართველოში თითქმის არავის ახსოვს ოქტომბრის დიდი რევოლუცია, რომელიც 1917 წლის 7 ნოემბერს ძია ლენინმა მოაწყო და არც პატარა კახად წოდებული ერეკლე მეორის მოხსენების დღე, სამაგიეროდ
კარგად გვახსოვს 2007 წლის 7 ნოემბერი, როცა "წარმატებულად" დაარბიეს მშვიდობიანი პროტესტანტები.

წლევანდელი 7 ნოემბერი უნებლიე სიხარულის საფუძველი აღმოჩნდა: მიშა ოდესის გუბერნატორის სკამიდან თავისი ნებით გადმობრძანდა! არადა, უკრაინის პრეზიდენტს ჰქონდა გადაწყვეტილი, მიშა გაეშვა და გუბერნატორმა დაასწროო. მოკლედ, ექსპრეზიდენტის სტატუსს უკვე დაემატა ექსგუბერნატორის წოდება! მაღალჩენკოდ წოდებულმა ნაპრეზიდენტალ-ნაგუბერნატორალმა
ვერც გვირაბი გაიყვანა სოლოლაკამდე, ვერც უმრავლესობით მოიყვანა "ნაცმოძი" და ვერც სანდრას პოლიტიკურ ლიდერად ჩამოყალიბება შეძლო! გემახსოვრებათ, შვებულების აღებით ბაქიბუქობდა მიშა და აჰა, აიღო! ნეტავ რას იზამს? ჩამოვა საქართველოში და შებრძანდება ციხეში თავისი ფეხით თუ უკრაინის ხელისუფლებაში მოსვლას განიზრახავს?!

ვიდრე მიშა მარტის ამინდივით არეულია, მანამდე "ქართული ოცნება" "სკამებსა" და "პორტფელებს" ანაწილებს. პარლამენტის "თლა უფროსი" "თმადაუვარცხნელი" კობახიძე იქნება და "თმადავარცხნილი" კობახიძე, ავი ენების თქმით, ფრიად შეურაცხყოფილია, რამეთუ არც საჩხერის მაჟორიტარობა და არც ვიცე-სპიკერობა უბოძა ბიძინამ! მხატვრულად თუ ვიტყვით, ჩამოალაბორანტ-ჩამოაკომიტეტეს ქალბატონი მანანა. ამ უკანასკნელს კი არ სურს ადამიანის უფლებათა დაცვის კომიტეტის თავმჯდომარეობა, რადგან მისთვის თავმოყვარეობაზე დაბიჯებაა ახლა "ჩამოკომიტეტება"!

სანამ "ქართული ოცნების" წევრების სკამებზე მორგების პროცედურები მიმდინარეობს, მანამდე ლარის ინფლაციით და ჩინელების მიერ გვერდების "დათბილვით" შეწუხებული ადამიანების ხმა ცას სწვდება. ვის ახსოვს ახლა ზვარელების აჭრელებული ზურგი ან ლარის გაუფასურება? თან ხარაგაულში! მთავარია, რომ ხარაგაულის საკრებულოს "რესპუბლიკელი" თავმჯდომარე თანამდებობიდან ბოლოკივით მოაძვრეს და ამიერიდან აღარც ჩხერიმელა ადიდდება, არც მუშებს სცემენ, არც ლარი გაუფასურდება, თავისთავად - არც ძაღლებს ჩაადელიკატესებენ!

ისევ "ქართული ოცნების" დეპუტატებზე მინდა ვთქვა ორიოდე სიტყვა. გორის მაჟორიტარი მაკრახიძე ადრე "ნაციონალურ მოძრაობას" რომ აფინანსებდა, ცნობილი ფაქტია... უარესია თუ უკეთესი ნეტავ, ახლა მაკრახიძისეული კომპანია ზორბა ტენდერებს რომ იგებს? მილიონობით შემოსავალი თუ გაქვს, რა ჯანდაბა გინდა პარლამენტში? თუ მილიონებს პარლამენტარის ათასების დამატებაც არ აწყენს?! მახსენდება ანდაზა: მელამ ზღვაში ჩააფსა, ეგეც მაგას ემატებოდესო! ამ პრინციპით ენდომება ალბათ ბატონ მაკრახიძეს პარლამენტარობა...

პ.ს. ბიძინას ეკითხებიან, ახლა მიშა უმუშევარი რომ დარჩა, რა უნდა ქნასო? - ჩამოვიდეს, საქართველოში ჩამოვიდესო! - კი, მაგრამ, არ დაიჭერენო? - არა, რას ამბობ, კი არ დავიჭერთ, სოლოლაკის სასახლეში მთავარ ვენტილატორად უნდა ვამუშაო, რაც მაგას წრიალი და ბრუნვა შეუძლია, მეტი არც ერთ ვენტილატორს არ შეეძლებაო!

პ.პ.ს. რატომ არ შედიხარ პარლამენტში? - ეკითხებიან "ნაციონალები" სანდრას. ეგ პარლამენტი კი არა, ბიძინას ბუტკაა და თქვენ მე ბესელია-კობახიძეში ხომ არ გეშლებითო...


ირაკლი ქუთაისელი
21 ნოემბერი 2016 15:19
გლახუნა რას ეწევი ამნაირს> დაანებე თავი დაგღუპავს საბოლოოდ
glaxuna
21 ნოემბერი 2016 03:04

ქეთი ნაც-ების მოყვანილი ბიუჯეტიდან ?!

მაგ ისედაც მ ო ხ დ ე ბ ო დ ა ნაც-ების მმართველობის დროს,მ ი ს თ ვ ი ს,ანუ სოციალური და ჯანდაცვის დაცვისათვის ი ზ რ დ ე ბ ო დ ა ყოველ წელს ხელფასები-პენსიები და დასაქმება...
უ კ ვ ე დაწყებულიც იყო და თან გაცილებით კ ო მ პ ე ტ ე ნ ტ უ რ ა დ და კიდევ უფრო შ ე უ ქ ც ე ვ ა დ პროგრესირებ ა დ ი ,და არა ისე- 2012 წლიდან ამ ,,ოცნების,, უწიგნურმა პოპულისტებმა - რის შედეგადაც მხოლოდ რეგრესირებადი ე.წ. ,,საყოველთაო ჯანდაცვაა,, მივიღეთ 4 წლის თავზე...დღესაც მოსახლეობას თხოვს პაციენტი ფინანსურ დახმარებას და წამლის ფასები ისევ იზრდება (?!!!!!!) ...
და +
დღეს
ეკონომიკური ზრდის მაჩვენებელი 7-10 %,
სახელმწიფო ბიუჯეტი მინიმუმ 16 მილიარდი,
ლარის კურსი მაქსიმუმ 1.7.-1.8,
პენსია ა რ ა ნ ა კ ლ ე ბ 200 &-რის ეკვივალენტი,
ხელფასები 700-8000&...

ინფრასტრუქტურული და ტურისტული ცენტრების ევროპული სტანდარტების რეკონსტრუირებული ,
აბაკლიის ახალი პორტის და ბათუმის და ფოთის პორტები გადატვირთული შ უ ა აზიის ტვირთებისათვის,

სტარეგიული მნიშვნელობის ეკონომიკური პროექტები დ ა ს რ უ ლ ე ბ უ ლ ი და ახალნიც დასრულების პროცესში,

ს რ უ ლ ი ენერგო დამოუკიდებლობა მოპოვებული და ელექტრო სატრანსპორტო საშუალებები პოპულარი,მით ეკოლოგიური
მდგომარეობა საპირისპირო
დღეს ევრობაზარზეც ქართული ნაწარმის შ ე ს ვ ლ ი ს პროცესი კარგა ხნით დაწყებული,მით ...

უ ვ ი ზ ო მიმოსვლა ასევე კარგა ხნით მიღებული ( მოლდაბეთთან ერთად!!!) ...
მზარდი დასაქმება და შეუქცევადი პროგრესი!!!

მაგრამ კრემლმა მ ი ზ ა ნ ი მ ა რ თ უ ლ ა დ შეაჩერა ეს ყოველივე 2012 წელს მის საბჭოთა წაკრიმინალო-წაბრუტუნო მენტალიტეტის ,,ქართველობ,,-თ... ა ზ რ ო ვ ნ ე ბ ი თ ამას ყოველივეს როგორ მიწვდებოდა ,ანუ გაიაზრებდა - რ ო გ ო რ დგება პ რ ო გ რ ე ს ი და ...

ამ 4 წლეულის ნაც-ების მოძულეების ,,მოღვაწეობის,, შედეგი იქნება ის რომ - ა რ ა ნ ა ი რ ი ლოგიკა ა ღ ა რ იარსებებს ნაც-ებისადმი ლანძღვა-გადაბრალება-დისკრედიტაცია- გსიძულვილის პროპაგანდას,

რადგან ხ ა ლ ხ ი მასობრივად დაინახავს ნაც-ების მოძულეების რ ე ა ლ უ რ სახესა და ინტერესებებს!
ქეთი
15 ნოემბერი 2016 09:51
ხალხი როგორი მშივრებიც უყვნენ ისეთივე დარჩნენ თითქოს ცოტა უფრო გაუმჯობესებულიც კი არის მდგომარეობა საავადმყოფოში დაწოლის გამო სახლის გაყიდვა აღარ გვიწევს საბავშვო ბაღებიც უფასოა განსხვავებით ნაცების დროსგან.სასაცილოა ნაცებს მყეფარი აღარავინ დარჩათ და ჭიაბეტაშვილს აკნავლებენ.

რუბრიკის სხვა სიახლეები
თვის კითხვადი სტატიები