"ჯანსუღოვნას" უთქვამს, არ მაიძულოთ, უმრავლესობით მოვიდე, თორემ ბიძინას თავზე დავაფშვნი იმ შუშის სასახლესო
26-07-2018
"ჯანსუღოვნას" უთქვამს, არ მაიძულოთ, უმრავლესობით მოვიდე, თორემ ბიძინას თავზე დავაფშვნი იმ შუშის სასახლესო
ხე თუ ნაყოფით შეიცნობა - ქვეყანა საპრეზიდენტო კანდიდატებითო, ანუ პოლიტკლოუნთა მარათონი

ვფიქრობ, ყველაზე ხარისხიანი იუმორი თაკო ჩარკვიანს აქვს, - არ მაიძულოთ, უმრავლესობით მოვიდე, თორემ "ქოცს" "ქოცზე" არ დავტოვებ და ბიძინასაც თავზე დავაფშვნი იმ შუშის სასახლესო. შესაძლოა, ეს იუმორად არ ჩათვალოთ და ამ პირიმზისაებრ საჩინო ქალბატონის კლინიკაზე გაამახვილოთ ყურადღება, მაგრამ რომელი კლინიკური ნიშნები აქვს, ოღონდაც მითხარით? დამიჯერეთ, თაკო ხუმრობს და იმიჯს უფუჭებს იმ პოლიტიკოსებს, ვის გვერდითაც ამ ბოლოს ხედავთ.
დიდი ოპოზიციური
გაერთიანება შემდგარა და ამ ეშმაკის კვალზე შემდგარ პარტიებს საერთო საპრეზიდენტო კანდიდატი ვაშაძე დაუსახელებიათ. კარგად ვერ ვასხვავებ, რომელი ვაშაძე - "იუსტიციის" ვაშაძე თუ ანანიაშვილის ქმარი?

მინდა, ცოტა გულუბრყვილოდ მოგაჩვენოთ თავი და რუსეთში კარიერაგაკეთებული ვაშაძის დამსახელებელი არ იქნებოდნენ ეს მედასავლეთეების სახელებს ამოფარებული "დიდი ოპოზიციონერები". დავიჯერო, ვაშაძეებს ერთი
წესიერი მრჩეველი არ შერჩათ ქვეყანაზე, რომ უთხრას ერთს ან მეორეს, - პოლიტკლოუნობას თავი დაანებეთ, თქვენი მატარებელი ჩავლილიაო? ჩანს, რომ ამ ბატონებთანაც ყველაზე გვიან კვდება იმედი და მაგათ გამოუსწორებელ-გადაჭარბებულ ოპტიმიზმს მხოლოდ საარჩევნო შედეგები თუ ჩაჩექმავს!

ვაშაძეები და რომელიღაც ორგანიზაციის მიერ ნომერ პირველ პოლიტიკოსად აღიარებული ბაქრაძე, როგორც საპრეზიდენტო კანდიდატები, წყალს წაუღია, ზედ მიუყოლებია კიდევ ის გაუმაძღარი პოლიტიკოსები, ბიძინას ხელდასმით რომ წამოტივტივდნენ და ხრავენ საქართველოს მომავალს.
ორი ყოფილი, უმაღლესი სახელისუფლებო პირი მინდა მოვახვედრო დღევანდელ პროვოკაციაში: ქუმსიშვილი და კვირიკაშვილი.

ქუმსიშვილი, რომელიც სასიცოცხლოდ მნიშვნელოვან მიმართულებას ხელმძღვანელობდა კარგა ხნის განმავლობაში, ახლა გახდა საეჭვო, მიუხედავად იმისა, რომ 4 წელში 372 პროექტი დაფინანსებულა 900 მილიონზე მეტით და 14 000-ზე მეტი კაცი დასაქმებულა. აი, ეს პატარა რამეა? სხვა თუ არაფერი, ბატონმა ქუმსიშვილმა ისეთი სამადლობელი წერილი მიიღო საერთაშორისო სავალუტო ფონდის ერთ-ერთი აღმასრულებელი დირექტორისგან, სულ დამბურძგლა მისი კითხვისას, ურყევი პატივისცემა მინდა გამოვხატო თქვენ მიმართო! რაც შეეხება კვირიკაშვილს, ეგ კაცი ნალღობი თოვლივით გაიპარა ქართული პოლიტიკიდან! თანაც, ერთდროულად ქუმსიშვილ-კვირიკაშვილს ახლა რომ ადანაშაულებენ მაქინაციებში, აქამდე რად არ გააჩერეს, თუ მართლა რაღაც ვერ იყო რიგზე? არ გინდათ ახლა "ქოცური" გაპრავება, აქაოდა, კვირიკაშვილს იმნაირი სახე აქვს, მაგისგან ფულის მოღუნვას ვერ წარმოვიდგენდითო!..

ისე, რომ იცოდეთ, მე ყველაზე გრძელსახელიანი სამინისტროს იმედი არ მაქვს. უიმედობის საფუძველი ისაა, ერთი ანდაზისა არ იყოს, რამდენი ვირიც ვიყიდეთ, იმდენი წიხლის სროლია გამოდგა და რაღა ეს "დამოკლებული" მინისტრთა კაბინეტი იქნება გამონაკლისი? ნეტამც ვცდებოდე, მაგის მეტი სურვილი და ოცნება არ დამრჩენია!

განახლებული მთავრობის იმედი მაშინ გამიჩნდება, თუ ნამდვილად ამოაცეცხლებენ ყველა იმ ადამიანს, რომლებმაც დაუმსახურებელი ლუკმები გადაუშვეს ხახაში! და კიდევ, არასდროს ვაპატიებ "ქოცობას" იმას, რომ დეპუტატი ჭიჭინაძე ამორიცხეს პარტიული სიიდან, ვითომ ის არ ეყოფოდა მაგას, "გეპეის" დიპლომიც რომ არ აქვს!

პ.ს. ერთი მეგობარი მყავს, კარგად იცნობს სახარებასა და ქართულ პოლიტიკურ რეალობას. მისი ნათქვამია: ხე თუ ნაყოფით შეიცნობა - ქვეყანა საპრეზიდენტო კანდიდატებითო (ვაშაძე, ბაქრაძე, ნათელაშვილი). ამავე მეგობარს აფიქრებს შემდეგი (სტილი სრულად დაცულია): "სამი რამაა ჩემთვის საფიქრალი: 1) რაფერ დებენ კარამელში ჯემს; 2) ვინ დააოკებს თაკო ჩარკვიანს; 3) ვის შევჩივლო, ჯანსუღი რო კტარია".


Karlo
29 ივლისი 2018 18:23
Ex jansugovna jansugovna ra atmi kurki tola tu ra chermi kurki tola...
Sad shen da sad dasavleti?
...
29 ივლისი 2018 18:02
კვირიკაშვილს და ქუმსიშვილს რით ჩამორჩებიან დანარჩენები? ერთი წლის შემდეგ სხვები რომ მიემატოს ამ ორს, "გაკვირვებით" იტყვის ივანიშვილი: ხედავთ, თურმე რას აკეთებდნენო? და ასევე "გაკვირვებით" დააკომენტარებენ სხვები...
vaxo
29 ივლისი 2018 10:26
ქალო დაასვენე მამასჰენი ,იყო კაგი პოეტი, გამსახურდიაზე მეტი დისიდენტი ნუ გამოგყავს ,ყველა პრივილეგიიტ სარგებლობდა .კრემლი ფაიფარად არავის არაფერს ......

რედაქტორის რჩევით