ახლა გახდა "პარიჟანკა" პუწინის "რეზიძენწი"? ანუ რით სჯობს სალომე გრიგოლსა და დავითს?!
ახლა გახდა "პარიჟანკა" პუწინის "რეზიძენწი"? ანუ რით სჯობს სალომე გრიგოლსა და დავითს?!
სულ იმას ვეუბნები ჩემს თავს, პროვოკატორო, არაფერი გაგიკვირდეს-მეთქი, მაგრამ მაინც ვერ ვაჯობე ემოციებს და კიდევ ერთხელ გავოცდი, როცა ახალი სატელეფონო ჩანაწერების კასკადი მოგვასმენინა "რუსთავი 2"-მა. იმან კი არ გამაოცა, ასეთ რამეს რომ კადრულობენ პოლიტიკოსის ნიღბებით სახედამალული ნაძირალები, იმან გამაოცა მხოლოდ, ასეთ პატარა ქვეყანაში ამდენი აუდიო და ვიდეოჩამწერი საიდან მოიტანეს? მგონი, "ჰოლივუდსაც" არ ექნება ამდენი ტექნიკური აღჭურვილობა.

გაოცდა მთელი საქართველო ახალი ფარული ჩანაწერებით. ამას რას ვხედვათ, რა გვესმის ჩხარტიშვილის, ოქუაშვილის, სპორტის
ყოფილი მინისტრის პირიდანო! ამის მერე მხოლოდ კომენტარები დაახვავეს ცნობილმა თუ ცნობადმა სახეებმა! წესით, ასეთი ბრალდებების მერე პროკურატურა უნდა აქტიურობდეს და ნათელს ჰფენდეს ყველა საკითხს, მაგრამ სადაა მართლის მთქმელ-დამდგენელი პროკურატურა?

პროკურატურა არ ადგენს სიმართლეს, მაგრამ, იქნებ ჩემს კოლეგებს ეთქვათ მართალი სიტყვა? თუმცა, დამოუკიდებელ მედიას (ისიც საკითხავია,
რამდენადაა ეს დამოუკიდებლობა სრულფასოვანი) რა უნდა მოვთხოვოთ, როცა ბიუჯეტით დაფინანსებული საზოგადოებრივი მაუწყებელიც არ წარმოგვიდგენს საჭირო ინფორმაციას... არ დაიწყოთ ახლა "საზმაუს" გაპრავება, კარგი გადაცემები აქვსო! გადაცემები კი არა, საზოგადოებას ესაჭიროება სრულყოფილი მაუწყებელი, რომელიც ზეპარტიულიცაა და მხოლოდ საზოგადოების ინტერესებს იქნება მორგებული და არა - ვიღაცების ხუშტურებს! ხალხი არ უყურებს-მეთქი, რომ ვთქვი, ტელევიზიის მსუქანი ჯიბის მხვრელებმა ისეთი პასუხი მომცეს, ლოგიკა სრულად დაანგრიეს: ეგრე არც ლუვრსა და ვერსალს უყურებს ქართველი ხალხი და დავხუროთო? აი, როგორი ჩამჭრელი პასუხი მივიღე! მართალია, "უმარილო" საზმაუს არ ჰყავს მაყურებელი, მაგრამ "რუსთავი 2"-მა შეიძინა მაყურებელთა დიდი არმია, რომელიც შედგება: 1. მიშისტებისგან, რადგან ეს ტელევიზია მთავარი პროპაგანდისტული საშუალებაა მათთვის; 2. ანტიმიშისტებისგან, რადგან მათი ინტერესის სფეროა, რას ღაღადებს "გამარჯვებული ხალხის ტელევიზია" ხელისუფლების საწინააღმდეგოდ; 3. სეირის მოყვარულებისგან, რადგან ან გვარამია დაიწყებს "ხარისხიან" ბილწსიტყვაობას, ან ნიკანორ მელია და მოგეხსენებათ, სანახაობა მუდამ აინტერესებს პუბლიკას! დავამატებდი იმასაც, რომ ფსიქიატრებსა და ფსიქოლოგებსაც აინტერესებს მოქალაქეების ფსიქიკური მდგომარეობა, რაც ხელისგულზე დადებულივით მოჩანს ტელეეკრანებიდან...

ვერ გეტყვით, რა დასკვნებს გამოიტანენ ფსიქოლოგები თუნდაც იმ ისტერიაზე, რაც ბიძინას რჩეულ სალომეზე წამოიწყეს პარიჟანკას ოპონენტებმა. რუსეთისკენ ხელის გაშვერა არაა რთული, იმპერიალიზმზე მინიშნებაც ადვილია, მაგრამ სალომეს პუტინის რეზიდენტობისა ვერ გავიგე ვერაფერი! ახლა გახდა სალომე პუწინის "რეზიძენწი"? მიშისტებს ვეკითხები ამას, მაშინ არ იყო პუწინის აგენტი სალომე, საგარეო საქმეთა მინისტრად რომ ჩამოიყვანა მიშამ? თუ არ ვცდები, ყველაზე დიდი ხელფასიც დაანიშნინა მისთვის. მერე, როცა არ იარა მის ჭკუაზე, კი ყარა ტლინკები საქართველოს სწორუპოვარმა პრეზიდენტმა! ასე ადვილად არაფერი გვავიწყდება ჩვენ, ბატონო მიშისტებო! არც ის გვავიწყდება, თქვენგან გადაპორტირებულ ასეულობით კადრს რომ გაუღო კარი "ქართულმა ოცნებამ" ფართოდ! ისიც მინდა გითხრათ, 400-ლარიანი პენსიის დაპირებაში ახლა რომ ხართ ყოჩაღები. 2012 წლამდე ვინმე გიზღუდავდათ პენსიონერების სოციალურ-ეკონომიკური მდგომარეობის გაუმჯობესებას? ან კიდევ, ვაშაძეს რა ბერკეტი ექნება, თუნდაც გაპრეზიდენტდეს, რომ 400-ლარიანი პენსია გასცეს? მაგას საპენსიო გადაცემები საპრეზიდენტო დაპირებების გაცემაში არ აერიოს... ან იმაზე რა პასუხი გაქვთ, ჩვენო "მიშმადიდებლებო", ამდენ ნაწილად რომ "გაგირჩევროპელნაციონალდით", ვის უნდა მისცეს ხმა მიხეილ სააკაშვილის ჭეშმარიტმა ფანმა?

პ.ს. კიდევ ერთი პოზიტივი დავინახეთ ივანიშვილის რჩეული სალომე ზურაბიშვილის გაპრეზიდენტების პერსპექტივაში. საზღვარგარეთ ვიზიტებისას სახელმწიფოს პირველი ლედისთვის (ან პირველი მისტერისთვის) ხარჯების გაწევა არ მოგვიწევს... ამითაც ხომ სჯობს, სალომე გრიგოლსა და დავითს?

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს
დათო
05 ნოემბერი 2018 12:34
არაააააა........,,ვაშაძე......ჩემი ხმა ქალ.სალომე ზურაბიშვილს არ დაბლოკოთ
მე
24 ოქტომბერი 2018 00:54
ვაშა-ძეს ურააა!
ალექს
23 ოქტომბერი 2018 11:20
ჰო,რა ,როგორ და რა შემთხვევაში შეიძლება,რომ უკიდურეს მემარჯვენე ნეოკონსერვატიულ შეხედულებათა მატარებელი , ერთდროს ნანაცარი სალომე,იყოს დამოუკიდებელი ზეპარტიული საპრეზიდენტო კანდიდატი,რომელსაც მხარს უჭერს რადიკალურად საპირისპირო , ღიად მოსოციალისტო , მემარცხენე ცენტრისტული იდეოლოგიის კონსტიტუციური უმრავლესობის მქონე მმართველი ძალა და უპირისპირდება ყოფილ რადიკალურად მემარჯვენე ერთ დროს მასთან ერთად კონსტიტუციური უმრავლესობის მქონე მმართველ თანაპარტიელებს ?!
მხოლოდ მაშინ,როცა მათ შორის არ არსებობს იდეოლოგიური განსხვავება,ანუ როცა ცრუა მათი ,სამივეს, მთავარი მსოფლმხდველობითი რწმენა ,დიახ ,როცა ეს განმასხვავებელი საერთოდ არ გააჩნია არცერთს, რადგან ერთნი არიან და კომკავშირლებია ,არაა აუცილებელი ამისათვის ლენინის მავზოლეუმის მონახულება ,ისედაც შესაძლებელია ,უკრემლოდ !
აგერ ინგოროყვაზე !
არის მეორე შემთხვევაც ,ერი ვერ ერკვევა მარქსიზმ ლენინიზმს ისტმატს და დიამატს შორის სხვაობებში და ჰეგელს და ბოკერიას შორის სხვაობაში !
აბა ,სხვა რა შემთხვევა შეიძლება კიდევ იყოს ?!

რუბრიკის სხვა სიახლეები
აპირებთ თუ არა არჩევნების მეორე ტურში მონაწილეობის მიღებას?
თქვენი აზრი მნიშვნელოვანია!..
აპირებთ თუ არა არჩევნების მეორე ტურში მონაწილეობის მიღებას?
თვის კითხვადი სტატიები