"კინაღამპრეზიდენტი" ვაშაძე, მისი მეუღლე კრემლში და ძმები ბერძენიშვილები, ანუ ვინ თქვა გახარია "პუწინის" პოლიციელიაო
"კინაღამპრეზიდენტი" ვაშაძე, მისი მეუღლე კრემლში და ძმები ბერძენიშვილები, ანუ ვინ თქვა გახარია "პუწინის" პოლიციელიაო
პოლიტიკურ-მეტეოროლოგიურად ივლისში ძალიან აგრილდა. ზოგან წვიმს, ზოგან მოთოვა კიდეც და უჩვეულო "კლიმატმა", რომელსაც გიორგი გახარიას სახელით ვიცნობთ, პარლამენტის შტურმით აღების მსურველ დესტაბილიზატორებს ცივი წყალი გადაავლო, მიწაზეც დაუშვა და მიახვედრა, რომ თვალპაჭუნა შს მინისტრი არაა ადვილად გასატეხი კაკალი.

თვალდათხრილი ადამიანების ბედი მეც მაღელვებს, გგონიათ, უგულო ვარ?! მაგრამ თუ ვიკითხავ, რატომ არ აპროტესტებდნენ მიშას დროინდელ ტრავმებს ახლა მოცოცხლებული პოლიტიკოსები, მაინც პროვოკატორი ვიქნები თუ ერთი ჩვეულებრივი ადამიანი, რომელსაც უნდა, სახელმწიფო დაემსგავსოს სახელმწიფოს? ან
თუ ამ კითხვაზე აქვს ვინმეს პასუხი, რატომ დაშავდნენ რიგითი მოქალაქეები 20 ივნისს და არა - პოლიტიკოსები? იცით, შაგრენის ტყავივით რატომ შემცირდა პარლამენტის წინ მოპროტესტეთა რაოდენობა? ალბათ იმიტომ, რომ პროტესტი სტუდენტურიაო და უცებ გამოტყვრნენ გუბაზი, ხოშტარია, დეკანოიძე, მელია და მისთანანი, მიეტმასნენ ახალგაზრდულ-სტუდენტურ აქციებს. ამ ბატონებსა და
ქალბატონებს, რომლებსაც უფრო ცუდი რეპუტაცია აქვთ, ვიდრე თავად ჰგონიათ, ქართველი ხალხი არ აჰყვება პროტესტში ერთი მიზეზით - აქამდე არაფერი უკეთებიათ სახელმწიფოსთვის სასარგებლო და რაღა ახლა გაუსკდათ პატრიოტიზმისა და სახელმწიფოებრიობის ბუშტი?

ანტირუსული ისტერია, რომლითაც ტრადიციულად, მიშისტები მანიპულირებდნენ მოსახლეობაზე, აღარ ჭრის, რადგან "კინაღამპრეზიდენტი" ვაშაძე ანტირუსულს "აწვება", გახარია პუწინის პოლიციელიაო და ამ დროს მისი მეუღლე კრემლთან რევერანსებსა და პა დე დეებს ასრულებს, ხოლო გახარია ამბობს გარკვევით, გავრილოვის ფეხი აღარ იქნება საქართველოშიო, ამიტომ დასკვნა მკითხველმა გამოიტანოს, ვინ უფროა პუტინის, ვაშაძეები (გვარი პირობითია და "ნაცმოძს" აღნიშნავს) თუ გახარია...

სასაცილო იქნებოდა, სატირლად არ გვქონდეს საქმე იმ დროს, როცა ვიღაც მიშისტი გამოხტება ისტერიული შეძახილით: "რუსეთი ოკუპანტია" და ვითომც მას ეკუთვნოდეს ეს აღმოჩენა! მსოფლიომ იცის რუსული იმპერიალიზმის შესახებ და შე მამაცხონებულო, გგონია, ახალი გვითხარი რამე? ახალი ბიძინამ გვითხრა, ნულოვანი ბარიერით პროპორციულად ჩატარდება 2020-ის არჩევნებიო. ძალიანაც კარგი, ასე რომ იქნება. აღარ დაგვჭირდება მაჟორიტარობის მსურველების მოსმენა და ეგებ პოლიტიკური პლატფორმებით წარდგნენ პარლამენტარობის მსურველები ამომრჩევლების წინაშე. კიდევ ერთი დადებითი მხარე ექნება ამ არჩევნებს: ნულსაც რომ ვერ ასცდება ზოგი პარტია, ეგებ შერცხვეთ და თვითლიკვიდაცია გამოაცხადონ! თუმცა, აქვე გაფრთხილებთ და ვამბობ, რესპუბლიკელები ისევ ვერ შევლენ პარლამენტში და სიკვდილამდე ძმები ბერძენიშვილები ჯიუტად გააგრძელებენ ოპოზიციონერობას! მაგათზე არც ნული მოქმედებს, არც ნულს ქვემოთა რეიტინგი!

წყალს წაუღია ეს არაფრის მაქნისი პარტიები, მე ლარის ბედი უფრო მადარდებს და მოსახლეობის დემოტივაცია. როდის მივხვდებით, რომ ხელისუფლება არ შექმნის კარგ ცხოვრებას, ჩვენ თავად თუ არ მოვკიდეთ ხელი ჩვენი ქვეყნის აშენებას? რუსეთი აგვაყვავებს თუ ევროპა-ამერიკა? ნუთუ არ უნდა ვიფიქროთ, რომ სხვა არავინ დაგლეჯს ნარ-ეკალს ჩვენს ნაცვლად? განათლებასა და შრომაშია ქვეყნის მომავალი, მაგრამ იოლი ცხოვრების სურვილით შეპყრობილებს გვგონია, რომ გავალთ რუსთაველზე, ჯოს, ჯოს ძახილით და გახარიას (ან სხვა რომელიმეს) გადადგომის მოთხოვნით ავყვავდებით!

პ.ს. ვრცელი ალეგორია მაქვს მკითხველისთვის ამჯერად: ყვავი ხის ტოტზე იჯდა. გამოიარა კურდღელმა, დაინახა ყვავი და ასძახა: - რას აკეთებ?

- არაფერს, - ჩამოსძახა ყვავმა. - მეც შევძლებ, რომ არაფერი ვაკეთო და ვიცოცხლო? - ჰკითხა კურდღელმა. - რატომაც არა? - უპასუხა ყვავმა. დაჯდა კურდღელი ხის ქვეშ. ზის და არაფერს აკეთებს... გამოიარა მელამ. დაინახა კურდღელი. მიცუნცულდა და გადასანსლა. მორალი: იმისათვის, რომ იჯდე, არაფერი აკეთო და იცოცხლო, ძალიან მაღლა უნდა იჯდე!

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს
ალექს
06 ივლისი 2019 07:38
მიამიტობაა ახლა გჯეროდეს,რომ სააკაშვილმა ,რაც ზემოთაა ,ერთი იმდენი რომ მიწისქვეშაა,არ იცოდა,რომ ჯვრიანი კომუნისტი ჩეკისტი გავრილოვი,კობახიძის სკამში მოკალათდებოდა,მერე ქართველობა აზვირთდებოდა, მიტინგები აბობოქრდებოდა ,პუტინი ფრენას და ჩვენს ღვინოებს აკრძალავდა ,ჩვენს ეკონომიკას შეფერხებებს აუგორებდა ,ხალხი დაიჩაგრებოდა ?!
მერე,არ გააფრთხილა თავისანები ესა მავნეა,შეცდომაა თუ წინასწარ ნაფიქრი ქოცთაგან, ქვეყანა დაზიანდება და გაემიჯნეთ დეკლარირებულად და ახალგზრდულ გულწრფელ მიტინგს ნუ გადააქცევთ რევოლუციად,ნაძირალების აღზევების გზაა ეგაო ?!
იქნება ჩვენი ეკონომიკის რუსეთზე დამოკიდებულების შესამცირებლად აღარ დამოძღვრა ნაცები მიშამ ,დე იქ გაწყდეს საცა ვიწროაო !?
იმ რუსეთზე,რომელსაც სწორედ კგბ-ს ჯარების ეფრეიტორმა მიშამ, მიშას ჩეკისტმა ბიძამ,ჩეკისტმა ბაბუამ და მოჩეკისტო დედამ ჩაახუტეს საქართველო !?

თბილისელი
05 ივლისი 2019 11:57
ყანდიაშვილი და რამიშვილი ერთმანეთს ეჯიბრებიან ტროლებში.
თბილისელი
05 ივლისი 2019 11:55
გამოუშვით მერაბიშვილი.ისიც პარლამენტს იცავდა.მეთოდები არ განსხვავდება ერთმანეთისგან.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.

რუბრიკის სხვა სიახლეები
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?
ბლოგერები
თვის კითხვადი სტატიები