უფასო საბავშვო ბაღებში ბავშვის მიყვანა ჩაწყობით ხდება?!
უფასო საბავშვო ბაღებში ბავშვის მიყვანა ჩაწყობით ხდება?!
სექტემბერი კარსაა მომდგარი და მშობლები სკოლისთვის, ზოგიც ბაღისთვის ამზადებენ შვილებს. მას შემდეგ, რაც პარლამენტმა უფასო საბავშვო ბაღები დაამტკიცა, შვილის მიყვანის მსურველთა რაოდენობამ საგრძნობლად იმატა, თუმცა უამრავი ბავშვი გარეთ დარჩა, რასაც მშობლების პროტესტი მოჰყვა. აღშფოთებული მშობლები ჩივიან, რომ ინტერნეტით რეგისტრაცია შეუძლებელი იყო. მეტიც, დირექტორებს წინასწარ ჰქონდათ შედგენილი მისღებ ბავშვთა სია.

გვანცა სუთიაშვილი (მშობელი) – წელს ჩემი 2 წლის შვილის ბაღში მიყვანა მინდოდა, ვიცოდი, ინტერნეტით უნდა გამევლო რეგისტრაცია და როგორც კი ეს
გამოცხადდა, მაშინვე დავიჭირე თადარიგი. თუმცა აღმოჩნდა, რომ ჩემთვის სასურველ ბაღში ადგილები უკვე შევსებული იყო. შემდეგ სხვა მისამართზე ვცადე და იქაც ანალოგიური სურათი დამხვდა... როგორ დავიჯერო, რომ ასე უცებ მოახდინეს დარეგისტრირება? მივედი ადგილზე სიტუაციის გასარკვევად და დირექტორმა მითხრა, ბავშვები წინასწარ იყვნენ ჩაწერილი და მეც ყურადღება უნდა
გამომეჩინაო. თუმცა დამამშვიდა, თუ რომელიმე ბავშვი უარს იტყვის, მაშინვე დაგიკავშირდებითო...

ნინო ლომიძე (მშობელი) - მიხაროდა, რომ ბავშვს უფასო ბაღში მივიყვანდი, მაგრამ თუ ასეთი სიტუაცია იქნებოდა, ისევ ფასიანი მერჩივნა. სამწუხაროდ, კერძო ბაღში მიყვანის საშუალება არა მაქვს და რაც სახელმწიფო ბაღში იყო გადასახდელი, იმას ნამდვილად შევძლებდი. ახლა იმის იმედად უნდა ვიყო, იქნებ რომელიმე მშობელმა უარი თქვას და ბავშვი ბაღიდან გამოიყვანოს, მაგრამ ჩემსავით ასობით მშობელია და საინტერესოა, ვინ მოასწრებს ამ ადგილის დაკავებას.

სიტუაციაში გასარკვევად თბილისის მერიის ბაღების სააგენტოს ხელმძღვანელს, რამაზ სულამანიძეს დავუკავშირდით:

- მას შემდეგ, რაც სწავლება უფასო გახდა, იმატა მოთხოვნამ. სხვათა შორის, უფასო სწავლებამ კერძო ბაღებიც დარტყმის ქვეშ დააყენა, რადგან სანამ სწავლა უფასო გახდებოდა, კონტიგენტი გადანაწილებული იყო სხვდასხვა კერძო ბაღში, ასევე უწყებრივ ბაღებშიც. მოგეხსენებათ, საუწყებო ბაღებიც გაუქმდა (რკინიგზას, რამდენიმე დიდ ქარხანას ქონდა საკუთარი უწყებრივი ბაღი). შესაბამისად, დარჩა მხოლოდ მერიის დაქვემდებარებაში მყოფი ბაღები. სამწუხაროდ, ამდენი ბავშვის ადგილი არ გვქონდა და წარმოიშვა ეს პრობლემა.

- ბუნებრივია, უფასო სწავლება გამოიწვევდა ბავშვთა ნაკადის მომატებას. რა ზომებს მიმართეთ, რომ ეს პრობლემა მოგვარებულიყო?

- ეს კანონი აგვისტოში მიიღეს და ერთ თვეში რა ზომები უნდა გაგვეტარებინა?!

- გასაგებია, რომ კანონი აგვისტოში მიიღეს, თუმცა მისი ინიცირება ბევრად ადრე მოხდა და ეჭვს არ იწვევდა, რომ პარლამენტი დაამტკიცებდა.

- ინიცირება მოხდა მაისში. 3 თვეში ახალი ბაღის აშენება ფატქობრივად, წარმოუდგენელია, მით უფრო მაშინ, როცა წელი დაწყებულია და თანხები ბიუჯეტით წინასწარ არის გამოყოფილი.

- თქვით, რომ გაუქმდა საუწყებო ბაღები, მათ ბაზაზე რომ მოხდარიყო ახალი ბაღის გახსნა?
- ჩვენ მივმართეთ ეკონომიკის სამინიტროს და ეს ბაღები გადმოგვეცემა, მაგრამ იქ არსებული პირობები სტანდარტებს ვერ აკმაყოფილებს, ხოლო რემონტს გარკვეული დრო სჭირდება, რაც დაახლოებით ნოემბრისთვის დასრულდება.

- ბევრი მშობელი ჩივის, რომ დირექტორებს წინასწარ ჰყავდათ ბავშვები ჩაწერილი და ინტერნეტრეგისტრაცია მხოლოდ ფორმალობა იყო.

- დირექტორები არ არეგისტრირებენ ბავშვებს, ეს საიტის მეშვეობით ხდება და ნებისმიერ მშობელს თანაბარი წვდომა აქვს.

- თუმცა რამდენიმე ბავშვს საერთოდ არ გაუვლია რეგისტრაცია, მაგრამ მიიღეს ბაღში.

- ეს აბსურდია. თუ კონკრეტულ მაგალითს დაასახელებთ, აუცილებლად დავიწყებთ მოკვლევას. ასე ჰაერზე შეიძლება თქვენ ტერაქტის მოწყობაც დაგბრალოთ და მართალი ვიქნები?!

P.S. იმედია, ეს პრობლემა მალე მოგვარდება და საბვაშო ბაღში ბავშვის მიყვანა ყვე
ლას შეეძლება.

ლადო გოგოლაძე
მკითხველის კომენტარი (19)
Tsira
26 აგვისტო 2013 16:06
ის რომ ბაღებში ჩაწყობითა ბავშვების მიღება აბსურდია, იმიტომ რომ მეც ანალოგიურად მითხრეს რომ მხოლოდ რეგისტრაციით ხდება ბავშვების მიღება ბაღში, მეც როგორც ყველა დანარჩენმა მშობელმა 19 აგვისტოს 11:45 წუთზე უკვე შევსებული სარეგისტრაციო ფორმით ველოდებოდი 20 აგვისტოს დადგომას რომ დამედასტურებინა. ანალოგიურად როგორც ყველას უცებ გამიჭედა საიტმა + ამას ვიყავი ქობულეთში და შუქიც ჩაქრა ზუსტად ამ მომენტში და ვფიქრობდი რომ იმედი აღარ იყო, ბავშვი გარეთ მრჩებოდა.. მაგრამ როგორც კი ჩაირთო საიტი ადგილების დეფიციტის მიუხედავად წამებში მოვახერხე ბავშვის დარეგისტრირება. მე ვფიქრობ არასწორია ვინმეზე ისეთი რამის დაბრალება რაც შენზეა დამოკიდებული. თან მე ბავშვი ვაკეში ჩემს სამსახურთან ახლოს დავარეგისტრირე სადაც 15 წუთში არცერთი ადგილი არ იყო. 21ში დავრეკე ბაღში და დირექტორმა დამიდასტურა ბავშვის ჩაწერა, მივიტანე საჭირო ცნობები და ამით მორჩა.
მაყვალა
23 აგვისტო 2013 14:57
საბავშო ბაღების საკითხი ბოროტების იმპერიასაც კი კარგად ქონდა მოწესრიგებული თან ბავშვებს ასწავლიდნენ სიმღერას, ცეკვას,მუსიკას თითქმის სასკოლოდ ამზადებდნენ ეხლა რა ხდენა ამ დემოკრატიის შუქურებმა რატომ ვერ მოახერხეს ასეთი მნიშნელოვანი საკითხის მოგვარება, თუმც ეს ვირთხა დემოკრატები მხოლოდ საკუთარი ჯიბეების გავსებაზე ზრუნავენ. ჰეი თქვენ ვერცხლის მოყვარენნო არ გეშინიად ღმერთის უმწეო ბავშვებს რომ უწევდ ექსპლოტაციას?
huhk
22 აგვისტო 2013 20:03
რათქმაუნდა ჩაწყობით მოხდა!!!11საათზე შევავსე ყველა მონაცემი ბავშვის და 1-ის 1-ელ წუთზე დავაჭირე რეგისტრაციას და დამიწერა, რომ აღნიშნულ ბაღში არ არის თავისუფალი ადგილიო. ელვის სისწრაფით მოვნიშნე სხვა ბაღები საბურთალოს უბანში და ყველაზე იგივე მიჩვენა. დარჩა ჩემი შვილი ბაღის გარეშე, მართლაც ჯობდა ფასიანი ყოფილიყო და ყველას ევლო ვისაც სურდა. ესაა სასაცილო, სატირალი რომ არ იყოს და გამოდიან ესენი კიდე და თვალში ნაცარს გვაყრიან, უსირცხვილოები!!!
vaso
22 აგვისტო 2013 17:41
იმ ქვეყანაში სადაც ბიზნესმენები სოც. დაუცველთა სტატუსს იყვნენ ამოფარებული რამე გიკვირთ???
ან ამ სნობი საზოგადოებისგან რომ ყველაფერია მოსალოდნელი ეგეც ხომ არ არის ახალი ასე რომ არაფერი არ ეშველება ამ დაქცეულ სახელმწიფოს
liderboi
22 აგვისტო 2013 16:57
ადგილებზე ხელის დაფარება, არ გამოგივათ! საერტო ჯამში!
mako
22 აგვისტო 2013 14:38
გია დარწმუნებული ვარ ჭორი იქნება
გია
22 აგვისტო 2013 13:38
იცით გუშინ გავიგე შესაძლებელია ბათუმში სამჯერადი კვების ნაცვლად ერთ ჯერად კვებაზე გადავიდესო რახან მშობლებიდან აღარ მოდის გადასახადიო და მგონი ამას სჯობდა ფასიანი ყოფილიყო
nnnn
22 აგვისტო 2013 12:43
მე კატეგორიულად ვაცხადებ, რომ პრობლემა დღეს არ დაწყებულა. ჩემს შვილებს შორის 8 წელია განსხვავება და რა პრობლემებიც იყო 8 წლის წინ იგივე დარჩა. და მინდა გითხრათ რომ უფრო მოიმატა კიდეც. მაგალითისათვის მოგახსენებთ, რომ გლდანში სადაც ძალიან დიდი კონტინგენტია, დაახლოებით 5 ბაღი დაიკეტა. დაიკეტა რბილად ვამბობ. უნდა ვთქვა გაპარტახდა. 1 მ/რ-ში საერთოთ არცერთი საბავშვო ბაღი არ დარჩა. შესაბამისად ბავშვები გადანაწილდა დარჩენილ ბაღებში.
nata
22 აგვისტო 2013 10:33
არანაირი ჩაწყობა არ შველის ისე რომ იცოდეთ,კომპიუტერით დავარეგისტრირე ჩემი შვილი,ყველაფერი სოციალურად დაუცველთა კონტიგენტმა განსაზღვრა მათ შეავსეს 99% ადგილები,მეც ვერ მოვხვდი იქ სადაც მინდოდა,შუაღამისას როგორც კი 20 ივლისი დაიწყო მხოლოდ მაშინ მოვახერხე,მერე დილით ადგილები აღარ იყო.მე-8 ლეგიონში 37-ე ბაღი დაანგრიეს და აღარ ააშენეს და ამდენი ბავშვი დარჩა ბაღის გარეშე,გარშემო კი არსად არ არის,სადღაც ვაზისუბანში ან ვარკეთილში თუ წაიყვანს მშობელი
mmm
21 აგვისტო 2013 21:30
არ მიკვის ეს აჟიოტაჟი, ნაციონალების 40% თავისასა შვება :-).. აბა რომელი ჭკუათამყოფელი იტყვის, რომ გაჭირვებული საქართველოსთვის უფასო ბაღებს ფასიანი ჯობიაო. თუ გაქვთ ფული, მიიყვანეთ ბავშვები ფასიან ბაღებში და მიეცით გაჭირვებულ ხალხს ცხოვრების საშუალება საქართველოში. საქართველო მარტო მდიდრების ხომ არ არის. თქვენ კი გინდათ ყველა გაჭირვებული გაიქცეს საქართველოდან, მაგრამ იმედია საქართველოში დარჩა კიდევ ჯანსაღი გონების ადამიანები.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.

რუბრიკის სხვა სიახლეები
დღის კითხვადი სტატიები
ბლოგერები
თვის კითხვადი სტატიები