სასჯელი ნაყოფის მკვლელებისთვის
02-06-2014
სასჯელი ნაყოფის მკვლელებისთვის
"დღეში დაახლოებით 200 აბორტი კეთდება"

რას ნიშნავს ე.წ. სირცხვილის აბორტი?


საქართველოს პარლამენტის ჯანდაცვის კომიტეტის ინიციატივით მომზადებული საკანონმდებლო ცვლილების მიხედვით, უკანონო აბორტების მკეთებელთა მიმართ სასჯელი მკაცრდება. ამასთან, იგეგმება აქტიური პროპაგანდა, რამაც ქალებს აბორტზე უარი უნდა ათქმევინოს. ცვლილების ინიციატორთა განცხადებით, ეს არის ქვეყანაში მოსალოდნელი დემოგრაფიული კატასტროფის თავიდან აცილების ერთ-ერთი გზა.

დიმიტრი ხუნდაძე, პარლამენტის ჯანდაცვის კომიტეტის თავმჯდომარე:

- გაეროს მონაცემების მიხედვით, 2050 წლისათვის მოსალოდნელია საქართველოს მოსახლეობის შემცირება 1 170 000 მოქალაქით. ამავე მონაცემებით,
ამიერკავკასიაში აზერბაიჯანელი მოსახლეობის რაოდენობა გაიზრდება 30%-ით, სომხეთის მოსახლეობის რაოდენობა კი - 7%-ით. ეს პერსპექტივა ამიერკავკასიაში დისბალანსის საფრთხეს ქმნის, ამიტომაც შესაძლებელია, დემოგრაფიული საკითხი პოლიტიკურ ჭრილში განვიხილოთ - ამიერკავკასიაში საქართველო დამბალანსებლის ფუნქციას ასრულებს და თუ მან პოლიტიკური გავლენა დაკარგა, ეს რეგიონში უფრო მძიმე პრობლემების მიზეზი გახდება... გარდა
ამისა, ბოლო 8 წლის განმავლობაში 162 სოფელი გაუკაცრიელდა, 158 სოფელში 8-10 კაცი ცხოვრობს, ზოგან კი მხოლოდ ერთი.  დაუცველი რჩება სასაზღვრო ზოლი. ჩვენ თუ აღარ ვიქნებით, სხვები ჩასახლდებიან, ანუ ჩნდება დემოგრაფიული ანექსიის საშიშროება. ომებით ტერიტორიის 20% დავკარგეთ, დემოგრაფიული პრობლემების შედეგად კი შეიძლება უფრო მეტი დავკარგოთ. უმძიმესია აბორტების თემაც. 2012 წელს ოფიციალურად რეგისტრირებულია 40 000 აბორტი. არარეგისტრირებული, შესაძლოა, მეტიც იყოს, ანუ ჩვენს ქვეყანაში დღეში დაახლოებით 200 აბორტი კეთდება. ეს ძალიან დიდი დარტყმაა ჩვენისთანა მცირერიცხოვანი ერისათვის. დემოგრაფიულ მდგომარეობას თავისი დაღი დაასვა ომებმა, ასევე ბოლო წლებში პატიმრების რაოდენობის კოლოსალურმა ზრდამ.

- რა მეთოდებით აპირებთ ამ უმძიმეს მდგომარეობასთან ბრძოლას?
-  პრემიერ-მინისტრის ხელმძღვანელობით შეიქმნა სამთავრობო კომისია და დემოგრაფიული საკითხი უკვე სახელმწიფო პოლიტიკის რანგში განიხილება. წლის ბოლომდე დასრულდება პროექტი, რომელიც 81 ამბულატორიის მშენებლობას გეგმავს. 30%-ით გავზარდეთ სოფლის ექიმის ანაზღაურება. მუშაობს ორსულთა პროგრამა, რომლის მიხედვით, 13 კვირამდე ისინი უფასოდ მიიღებენ ფოლიუმის მჟავას, მათ კი, ვისაც რკინადეფიციტური ანემია აქვთ, ექიმის მიმართვის საფუძველზე აფთიაქში უსასყიდლოდ შეუძლიათ მიიღონ პრეპარატი. თუ აქამდე,  გინეკოლოგს სამი დღის განმავლობაში უნდა გაემართა კონსულტაციები ორსულთან, აეხსნა, რა არის აბორტი და რა გართულებები მოჰყვება, ახლა ეს ვადა ხუთ დღემდე გაიზარდა. სამწუხაროდ, არ არსებობს არარეგისტრირებული აბორტების სტატისტიკა. ჩვენი კომიტეტის პოზიცია ასეთია: უნდა გამკაცრდეს სისხლის სამართლის ნორმები, რათა მოხდეს ამგვარი დანაშაულის პრევენცია.

- თქვენ თქვით, რომ ოჯახებს დაეხმარებით, უარი თქვან აბორტზე. როგორ დაიყოლიებთ იმ ქალებს, ვინც არაოფიციალური ურთიერთობის შედეგად დაორსულდა?
- ჩვენ უკანონო აბორტების აკრძალვას ვაპირებთ და არა - საერთოდ აბორტების, ჩვენთან დასაშვები იქნება აბორტი სამედიცინო ჩვენებით და ე.წ. სირცხვილის აბორტი. თუმცა, სირცხვილის აბორტი არ ნიშნავს იმას, რომ ქალს, რომელიც არაოფიციალური ურთიერთობის შედეგად დაორსულდა, ექიმი მყისვე დათანხმდეს აბორტზე. ხუთდღიანი კონსულტაციების დროს ყველაფერი უნდა გაკეთდეს, რომ მან შვილის გაჩენა ისურვოს. მომავალში ასეთი ქალებისთვის ვგეგმავთ ორსულთა სახლების შექმნას, სადაც მას ყველანაირ მომსახურებას გაუწევენ. ერთ წლამდე ბავშვს ადმინისტრაცია უპატრონებს და თუ ამ ხნის განმავლობაში მშობელს ამის სურვილი და პირობები ექნება, შეძლებს თავისი შვილის ოჯახში წაყვანას.

უკანონო აბორტისთვის სასჯელი მკაცრდება

უკანონო აბორტის გამკეთებელი პირველი შემთხვევისას დაისჯება 120-იდან 300 საათამდე საზოგადოებისთვის სასარგებლო შრომით ან თავისუფლების აღკვეთით ერთიდან ორ წლამდე. გამეორების შემთხვევაში პირს ორიდან ოთხ წლამდე აღეკვეთება თავისუფლება და სამი წლით აეკრძალება პროფესიული საქმიანობა. უკანონო აბორტით ორსულის სიცოცხლის მოსპობა დაისჯება თავისუფლების აღკვეთით ოთხიდან ექვს წლამდე, პროფესიული საქმიანობის უფლება კი სამი წლით ჩამოერთმევა.

სახელმწიფო დახმარებები


ფიზიოლოგიური მშობიარობისთვის სახელმწიფომ 500 ლარი გამოყო, საკეისრო კვეთისთვის - 800 ლარი. დეკრეტული შვებულება 6 თვემდე გახანგრძლივდა. გაიზარდა შემწეობაც - 600-დან 1 000 ლარამდე. პრემიერ-მინისტრის ინიციატივით, 2014 წლის 1-ელი ივლისიდან საქართველოს 6 რეგიონში, სადაც დემოგრაფიული ბალანსი უარყოფითია, ყოველ მესამე და მომდევნო ბავშვზე გაიცემა ყოველთვიური ფულადი დახმარება: ბარში - 150, მთაში კი - 200 ლარი.
ჯაბაs
09 ივნისი 2014 13:13
ჯაბა, გეტამხმები მარა ევროპაში რძე ნამდვილად არაა 25 ცენტი! ამდენად ტავად ფერმერები ვერ აწარმოებენ, ლიტრა რზე 55 ცენტია მინიმუმი.

საქარტველოს მტავრობა არაფერს აკეტებს ქარტველტა გამრავლებისტვის! ესენიც კარგი ღორები არიან! მხოლოდ ტავის ხელფასწებს და პრემიებს ზრდიან, ქარტველი ე რ ის გამყიდველები ქვიატ ამატ!
tamarrs-s
09 ივნისი 2014 08:00
ტქვენმა კომენტარმა გული დამწკვიტა. უპალი ტქვენსს შვილებსს აკურტხებსს და უკეტესს მომავალსს დააბედებსს. მე ტქვენსს ადგილზე სჰვილებსს გავამხნევებდიი და ვეტკოდი გამრავლდიტტ ერტი ატასდადდ რომმ ტქვენმა კეტილმა და პატიოსანნმა გენნმა მსოპლიო გადაჯამოსს. მე მაგალიტად მშურსს მექსიკელები, ჩინელები , მუსულმანები ტუნდაც ორტოდოქსი ებრაელები რომ მრავლდებიანნ 10-მდე ადიან .მატაც უჯირტ მაგრამმ აბორტებსს არ იკეტებენნ.ჩჰინელები ტავიანტ კვერცხუჯრედებსს დონორად იდლევიან და კინავენნ კიდეც . მეც მესჰინოდა ბავსჰვსს რამდენი რამე ესაჯიროება მაგრამ დიდება უპალსს ბავსჰვებტან ერტად უკეტესი პირობები შ ეგვექმნა. ბავსჰვებსს სიმდიდრე და სიხარული მოაქვსს ოჯახსჰიი გჯეროდეტ.
girchevt
05 ივნისი 2014 07:14
ყველა კომენტარი წავიკითხე და ყველა თავისას ითხოვს.აქ კონკრეტული მაგალითები არაა საჭირო მთავარია ქალს და კაცს იმდენი განათლება უნდა ჰქონდეთ რომ ყველა თვეში აბორტები არ იკეთოს ქალმა და რაც შეეხება ახალგაზრდა თაობას მათ სკოლაშივე უნდა აუხსნან და ასწავლონ თუ როდის და რა დროს დაიწყონ სექსუალური ურთიერთობა .როგორ უნდა დაიცვან თავი და რაც მთავარია სიყვარულში თუ რამე გაუთვალისწინებელი მოხდება ეს არ უნდა იყოს სამარცხვინო და მშობლები გვერდით უნდა დაუდგნენ შვილებს და შვილებს არ უნდა ეშინოდეთ მშობლების . თავისი შეყვარებული გააცნოს და მშობლები ორივე მხრიდან საქმის ყურში იყვნენ.ყველაფერი აკრძალვეის გამო ხდება და აბორტების რიცხვიც მეტია . როცა ბიჭმა იცის რომ გოგონას მშობლებმა მათი სიყვარულის შესახებ იციან ვერ გაბედავს გოგონა მოატყუოს და დედებმა გოგონები გათხოვებამდე 25 39 წლამდის ექიმთან უნდა მიიყვანოთ რომ ქალური გართულებები არ დაეწყოთ სასაცილოა 45 წლის ქალი თხოვდება და პირვლად მიდის გინეკოლოგთან .განათლებაა საჭირო ცივილიზაცია ჰიგიენა და აშ და არა მოგკლავ და ხალხი რას იტყვის.60 წლის ვარ და ხალხი ამბობს რომ პატიოსანი თბილი კეთილი ლამაზი კარგი მეოჯახე და ჩემი შესაფერისი არ გამოჩნდა სინამდვილეში კი ჩუმად სიყვარულის გამო 5 აბორტი გავიკეთე და უშვილოც დავრჩი.1 შეყვარებული ისე წავიდა ამ ქვეყნიდან არ ცოლი და არც შვილი არ ჰყოლია ჩუმად გვიყვარდა და ჩუმად დავშორდით მეორე აფრენდა და 5წელი ვუყვარდი ბოლოს ქალიშვილი რომ არ იყავი ცოლად ვერ წაგიყვანო და ისევ ჩუმად დავშორდით მესამეს ისეთი შეუყვარდი როგორიც ვიყავი 2 შეყვარებულს დაშორებული და შვილიც გვინდოდა გვყოლოდა მაგრამ აღარ მეყოლა და მას მე თვითონ დავშორდი.რომ არა მშობლები შიში და რას იტყვის ხალხი ასე არ დავრჩებოდი.შვილებთან ყველაფერზე ისაუბრეთ და ნუ შეაშინებთ და აუკრძალათ ყველაფერს/



რედაქტორის რჩევით