ციცქას ნამუშევრები თბილისის ისტორიის მუზეუმში
25-05-2015
ციცქას ნამუშევრები თბილისის ისტორიის მუზეუმში
ციცქა ქართული ვაზის ჯიშია, რომლის ხსენებაზეც ქართული ღვინო გაგახსენდება კაცს... მაგრამ ციცქა მხატვარსაც ჰქვია - ზაზა ციცქიშვილს, რომელიც ჩვენს ქალაქში ცხოვრობს და ალბათ, მოსწონს კიდეც თავისი სახელი, რომელიც მეგობრებმა შეარქვეს.

მან ზუსტად იცის, რას ნიშ­ნ­ავს ვაზი საქართველოსთ­ვის, არაერთხელ გაჰყოლია ფიქრებს­ წარსულისკენ, სადაც, ჯერ კიდევ ისტორიის გარიჟ­რაჟზე, ველურ ვაზს დაპატრონებული ადამიან­ები სწორედ აქ, ჩვენს მიწაზე ცდილობდნენ­ ამ ჯადოსნური მცენარის "მოშ­ინაურებას"...

ინტუიცია უბიძგებს, რომ საწყისი იმ შორეულ ფესვებში­ ეძებოს. მისი პორტ­რ­ეტები, როგორც
ქვის ხანის ადამიანები,­ ისე იკვეთებიან ფერე­ბ­იდან. მათი უხეში, თითქოს გამოჩ­ორკნილი ნაკვთები და მძიმე და­რდი, რომელიც თან­ სდევთ, წარსულშიც და აწმყოშიც ერთიანად გახედებს და ადამი­ანის უმწეობასა და შესაძლებლობებს­ ერთდროულად გაჩვენებს...

"მხოლოდ ინტუიცია" ჰქვია­ მხატვარ ზაზა ციცქიშვილის გამოფენას, რომელიც თბილ­ისის ისტორიის მუზეუმში გაიხსნა.

შეულამაზებელი გრძნობა­ მხა­ტვარმა­ ასევე
შეულამაზებლად გად­აიტანა ტილოზე, ამიტომაც მისი ნამუშევრები გაკვირვებს.­ შემთხვევითი­ არ არის, რომ მის პორტრეტებს სიმარტ­ივით გამო­რჩეულს”უწოდებენ. არც ის არის შემთხვევითი, რომ ეს ამაღლებული სიმარტივე სხვა­დ­ასხვა ქვეყნის კერძო და კორპორაციულ კოლექციებშია დაცული, მათ შორის "დოიჩე ბანკისა"­ და "დრეზდენ ბანკის" კოლექციებშიც...

ზაზა ციცქიშვილის ნამუშევრები თავიანთ თავგადასავალსა და სიცოცხლეს ქმნიან... საგამოფენო დარბაზის სიღ­რმეში თითქოს ფეთქავს თეთრი ძაღლი, რომელიც შავ ფონზე დაუხატავს მხატვარს. ამ სურათთან ბავ­შვებიც დიდი ხალ­ისით მიდიოდნენ... მხატვარმა მთავარ მიზანს მიაღწია, ინტუიციურად გააცოცხლა ყველა ფიქრი და ეს დამ­თვალიერებელმაც იგრძნო.

შემთხვევითი არ არის, რომ ზაზა ციცქიშვილს ციცქას ეძა­ხიან: ძალიან ქართული სახელია, ქართული ვაზის ჯიშსაც რომ ჰქვია და შუშხუნა ღვინოსაც, რაც დრო გავა, კიდევ მეტად რომ ეხვეწება გემო და ფერი...
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით