საფრანგეთში მცხოვრებ ქართველ წყვილს 11 წლის მარიამის შვილად აყვანა სურს
08-06-2015
საფრანგეთში მცხოვრებ ქართველ წყვილს 11 წლის მარიამის შვილად აყვანა სურს
"უმისოდ არ შემიძლია. ვერ გადავდგამ მაგ ნაბიჯს. რაც შემეძლება, იმას გავუკეთებ"

თეა ყალიონაშვილი: "მირჩევნია, გაჭირვებული ვიყო და ძმისშვილი ჩემთან მყავდეს"


ჟურნალისტისთვის ყველაზე დიდი საჩუქარია, როდესაც მის მიერ მომზადებულ სტატიას თუ სიუჟეტს გამოხმაურება მოჰყვება და ამით ვიღაცის ცხოვრება უკეთესობისკენ შეიცვლება...
გაზეთის წინა ნომერში 11 წლის ზაჰესელი გოგონას ტრაგედიაზე ვწერდით, რომელსაც 2007 წლის 25 დეკემბერს ავტოკატასტროფაში 27 წლის მამა და 6 წლის ძმა დაეღუპა. პატარა მარიამის დედას კი გასული წლის ოქტომბერში სიმსივნის
მეოთხე სტადია დაუდგინეს. დიაგნოზის დასმიდან ორ თვეში გოგონამ დედაც დაკარგა. მარიამ ყალიონაშვილი ამჟამად ბებიასთან, მამიდასა და ოთხ მამიდაშვილთან ერთად ზაჰესში ფიცრულში ცხოვრობს. ნაგებობა ავარიულია და ყოველ წუთს შეიძლება ჩამოინგრეს.


სტატიის გამოქვეყნების შემდეგ უამრავი მოქალაქე გამოგვეხმაურა, მათ შორის - ემიგრანტებიც. ყველა მარიამისა და მისი ოჯახის დახმარების
სურვილს გამოთქვამდა. რამდენიმე მათგანი უკვე დაეხმარა, ნაწილი უახლოეს დღეებში გეგმავს მათთან ჩასვლას. სოციალურ ქსელშიც არაერთმა უცნობმა მომწერა - მარიამის მისამართს მთხოვდნენ. ერთ-ერთი საფრანგეთში მცხოვრები გოგონაა. როგორც მომწერა, მის მეგობარ 50 წლამდე ასაკის უშვილო ქართველ წყვილს, რომელიც ასევე საფრანგეთში ცხოვრობს, მარი­ამის შვილად აყვანა დიდად გაახარებს...

ისინი საფრანგეთის მოქალაქეები არიან და საკუთარი ბიზნესიც აქვთ. მარიამს უზრუნველი ცხოვრება და ნათელი მომავალი ექნება. როცა მოესურვება, საქართველოში ჩამოსვლასა და ნათესავების მონახულებას შეძლებსო.
უნებურად ზღაპარი "კონკია" გამახსენდა. წარმოვიდგინე, როგორ რადიკალურად შეიცვლება 11 წლის გოგონას მომ­ავალი და მაშინვე მარიამის მამიდას, თეა ყალიონაშვილს დავუკავშირდი.

- სტატიის გამოქვეყნებისთანავე გამოგვეხმაურა მოძღვარი, რომელიც არქიტექტორთან ერთად გვესტუმრა და სამშენებლო მასალით დახმარება აღგვიქვა, ერთმა ტელევიზიის თანამშრომელმა კი ბავშვებისთვის ტანსაცმელი და სხვადასხვა­ ნივთი გადმოგვცა. იმავე დღეს დაგვირეკეს დიდი ბრიტანეთიდან, ემიგრანტები ვართ და გვინდა, ბავშვებს დავეხმაროთო.

რაც შეეხება საფრანგეთიდან მიღებულ შემოთავაზებას, მირჩევნია, გაჭირვებული ვიყო და ძმისშვილი ჩემთან მყავდეს, ვიდრე... უმისოდ არ შემიძლია. ვერ გადავდგამ მაგ ნაბიჯს. რაც შემეძლება, იმას გავუკეთებ.

- ჩვენთან ინტერვიუში ბრძანეთ, რომ თქვენი უფროსი შვილი მეცხრე კლასიდან იმის გამო გამოიყვანეთ, რომ ჩასაცმელი არ ჰქონდა... მარიამის მომავ­ალი როგორი იქნება?

- მთავარია, ჩვენთან იქნება. დიდი მადლობა მინდა გადავუხადო­ ყველას, ვინც ჩვენი გაჭირვება გულ­თან მიიტანა. მადლობა "კვირის პალიტრის" რედაქციას, რომე­ლმაც ჩვენი გასაჭირი მთელ საქრთ­ველოსა და საზღვარგარეთ მყოფ ჩვენს თანამემამულეებს მიაწვდინა.

თორნიკე ყაჯრიშვილი

იხილეთ ასევე
Vaska
18 იანვარი 2016 22:30
Dabogmilo xalxo visac survili gakvt ertaderti sisxli da xorci gaashvilebinot tkven gasagonat vambob zogieertebo bogmis amontxevas sjobs ro patara mariams davexmarot kvelam ertad konkis zgaparivt uqcuiot cxovreba
Magda
18 იანვარი 2016 22:16
Me vicnob mag ojaxs arahveulrivi mamida kavs mariams erti procenti ar arseboibs aravis ditmobs tavis ertadert dmishvils romelsac sakutar shvilebze tin akenebs dalian gtxovt xalxo tavi sheikavot eseti komentarebit
dekanozi melqisedeki
22 ივნისი 2015 11:46
მოგესალმებით ყველას,.....მათ, ვინც კი გულთან მიიტანა პატარა მარიამის და მისი მცირეწლოვანი მამიდაშვილების მდგომარეობა, უმორჩილესად გთხოვთ გავერთიანდეთ მათ გადასარჩენად. ის ეგრეთწოდებული საცხოვრებელი ხის ქოხი საკმაოდ სავალალო მდგომარეობაშია. მოგეხსენებათ, რომ
არაგვისა და მტკვარის შესართავია ის ადგილი სადაც პატარები ცხოვრობენ. ამ ადგილზე ხშირია დიდი ქარიშხალი რომელსაც აქამდე როგორ გაუძლო ამ ქოხმა ნამდვილად გასაკვირია. გემუდარებით, თუ გვინდა რომ კიდევ ერთი სტქიისაგან გამოწვეული მსხვერპლის მომსწრენი არ შევიქმნათ, ვისაც რა შეგიძლიათ დაეხმარეთ ამ მცირეწლოვან პატარებს.
მარიამის სახელზე საქართველოს ბანკში გახსნილია ანგარიში და გთხოვთ რასაც შეძლებთ გადმორიცხოთ გარკვეული თანხა. აგრეთვე სამშენებლო მასალების ან საყოფაცხოვრებო მივთების შეგროვების შემთხვევაში მე თვითონ ჩემივე სახსრებით ვუზრუნველყოფ ყოველივე შემონაწირის ოჯახში ტრანსპორტირებას.
ჩემი ტელ.N;574-74-34-74
თქვენდამი დიდი პატივისცემით და უფლისმიერი სიყვარულით მლოცველი, თბილისი, ორხევის წმ. ნინოს სახ. ტაძრის წინამძღვარი დეკანოზი; მელქისდეკი ხვედელიძე.
უფალი იყოს შემწე ყველა თქვენთაგანისა ა მ ი ნ !

რედაქტორის რჩევით