“ბერძნები გვეუბნებიან – წაეთრიეთ თქვენს საქართველოშიო” – რა დღეში არიან ქართველი ემიგრანტები
01-07-2015
“ბერძნები გვეუბნებიან – წაეთრიეთ თქვენს საქართველოშიო” – რა დღეში არიან ქართველი ემიგრანტები
"ისეთი გაღიზიანებულები არიან,  რომ სულ ყვირიან და საბოლოოდ,  ჩემზე ტყდება ჯოხი ცოტა ხნის წინ მოლდოველი ემიგრანტი სცემა ოჯახის უფროსმა და ისე გამოაგდო,  ხელფასიც არ მისცა, საწყალმა ვერაფერი ვერ უთხრა"

საბერძნეთში ეკონომიკური კრიზისი პიკს აღწევს. ქვეყანას დეფოლტი და ევროზონის დატოვება  ემუქრება. კვირას დაგეგმილ რეფერენდუმზე მოსახლეობამ უნდა გადაწყვიტოს, მხარს უჭერს თუ არა მკაცრი ეკონომიკური რეფორმების გატარების შესახებ საერთშორისო კრედიტორების მოთხოვნას. პროგნოზების გაკეთება რთულია, თუმცა, ნათელია, რომ საბერძნეთში შექმნილი ეკონომიკური ჩიხი ქართველ ემიგრანტებზე
მნიშვნელოვან გავლენას მოახდენს. საბერძნეთში არაოფიციალური მონაცემებით, დაახლოებით 250 000 ქართველი ემიგრანტი ცხოვრობს. მათი უმეტესობა არალეგალურად ცხოვრობს და შემოსავალს საქართველოში გზავნიან. ბევრ მათგანს ძალიან მძიმე პირობებში უხდება მუშაობა, თუმცა ეს მათთვის ერთადერთი გამოსავალია.  

ნინო ქებაძე ( 45 წლის, ემიგრანტი)
- მესამე წელია საბერძნეთში ვარ, ჩემი მეგობრის
დახმარებით ჩამოვედი. Mმას შემდეგ სულ ერთ ოჯახში ვმუშაობ. დალხენილი ყოფა არც თავიდან მქონია, მაგრამ ბოლო თვეების განმავლობაში აქ ყოფნა გაუსაძლისი გახდა. . თვითონ ადგილობრივებს უჭირთ და ბუნებრივია, ჩვენი დარდი აღარავის აქვს. მე სადაც ვმუშაობ, ოჯახის უფროსს ბიზნესი ჰქონდა,  გაკოტრდა და ოჯახს შემოსავალი აღარ აქვს. ისეთი გაღიზიანებულები არიან,  რომ სულ ყვირიან და საბოლოოდ,  ჩემზე ტყდება ჯოხი, მეც ვითმენ,  რადგან რომც გამოვთქვა პროტესტი,  რა შეიცვლება?! ვარ ჩუმად,  რათა ამ თვის ხელფასი მაინც მომცენ. რამდენიმე დღის წინ ფულის გადმორიცხვა მინდოდა საქართველოში და ბანკში მითხრეს,  რომ თანხის  მხოლოდ გარკვეული რაოდენობის გადარიცხვის უფლება მქონდა, უკვე გადარიცხვების კონტროლიც დაიწყეს,  რომ ქვეყნიდან ფული არ გავიდეს. მერე ბანკის თანამშრომელს მივეცი 50 ევრო და მომცა საშუალება გადმომერიცხა.? მართლა წარმოუდგენლად რთული სიტუაციაა, ჩვენ კი არა ადგილობრივები ვერ ხვდებიან,  რა გამოსავალი შეიძლება მოიძებნოს. ყოველდღე იკეტება მაღაზიები და ქარხნები.

-  რას აპირებთ?
- ალბათ წამოვალ. აქ გაჩერება უკვე შეუძლებელია, ადრე თუ იმიტომ ჩამოვდიოდით რომ იაფი მუშა-ხელი გვერქვა, ახლა იმდენმა დაკარგა სამსახური რომ ჩვენზე იაფად თვითონ იმუშავებენ ოღონდ სამუშაო იყოს. თქვენ არ იცით აქ რა ხდება. ბანკებმა მუშაობა შეაჩერეს, ამბობენ,  რომ მხოლოდ 6 დღით, მაგრამ ხალხი ფიქრობს,  რომ ზოგი ბანკი აღარც გაიღება და მათი ფული უბრალოდ დაიკარგება. ბანკომატიდან მხოლოდ ლიმიტირებულადაა შესაძლებელი თანხის განაღდება. ხალხი ზომაზე მეტადაა გაღიზიანებული და ემიგრანტების მიმართ აგრესიულები გახდნენ, თითქოს ჩვენ ვართ რამეში დამნაშავეეები. ხშირია შემთხვევა, რომ ბერძნები გვეუბნებიან: წაეთრიეთ თქვენს საქართველოშიო.

ანი ქორიძე (55 წლის, ემიგრანტი )
- "წამოვედი იმიტომ,  რომ ოჯახში ვერავინ მუშაობს, მეუღლე შშმ პირია, შვილები სტუდენტებია არიან და იძულებული გავხდი,  ეს ნაბიჯი გადამედგა. 2 წელია აქ ვარ და ასე თუ ისე ოჯახს ვარჩენდი, ახლა რომ დაბრუნებამ  მომიწიოს ( და დიდი ალბათობით მომიწევს) არ ვიცი რა უნდა გავკეთო. შვილებს რომ ვურეკავ,  ვუმალავ, რა პირობებში მიწევს მუშაობა.  მძიმეა ემიგრანტის ყოფა, მაგრამ რა ვქნა? ჩამოვიდე და მეუღლის პენსიით ვიცხოვრო? ცოტა ხნის წინ მოლდოველი ემიგრანტი სცემა ოჯახის უფროსმა და ისე გამოაგდო ხელფასიც არ მისცა, საწყალმა ვერაფერი ვერ უთხრა, ღმერთმა დაგვიფაროს და ხვალ შეიძლება ჩვენ აღმოვჩნდეთ ასეთ დღეში, ვერავინ დაგვიცავს. ქვეყანას 400 მილიარდამდე საგარეო ვალი აქვს, დღე-დღეზე დეფოლტი გამოცხადდება და ვის აინტერესებს შენი ქართველი ემიგრანტები?!  ჩამოვალ, ჩემს საქართველოში ყოფნაზე მეტად არაფერი მიყვარს, მაგრამ რა ვაჭამო ჩემ შვილებს? ჩემ მეუღლეს, რომელსაც დამოუკიდებლად გადაადგილებაც უჭირს". 

ლადო გოგოლაძე
ალბინა
23 ივლისი 2015 01:30
ზოგიერთების კომენტარებს რომ ვკითხულობ ნერვები მეშლება,ვითომ კარგებად გამოყავთ თავი თუ კარგ ოჯახში მოხვდნენ,ეს იმას არ ნიშნავს თქვენ ხართ სხვებზე უკეთესი,უბრალოდ გამართლებაა,ერთი ამბობს აქ,წლებია ბერძნები გვაჭმევენ პურსო,პურს ბერძნები კი არა ჩემი შრომა მაჭმევს,მაშინ ყველამ ასე უნდა თქვას,იტალიაში- იტალიელი,საფრანგეთში-ფრანგი,გერმანიაში- გერმანელი გვაჭმევს პურსო,რა სულელური აზროვნებაა,პურს ვინ გაჭმევს შრომის და ტანჯვის გარეშე?უბრალოდ ქვეყნის მადლიერი ვიყოთ რომ ვართ აქ.....რაც შეეხება ბერძნებს,მაშინ არიან კარგები როცა თავად არიან კარგად,ფული რომ ქონდათ იყვნენ მშვიდად,თავაზიანები და ყურადღებიანები,გაქრა ფული და გაქრა ეს ყველაფერი მათში,ეს სიყალბე არაა?იყავი ბუნებრივად რაც და ვინც ხარ,ამიტომ არ მჯერა არავისი,სიყალბეში ვცხოვრობდით ოდითგანვე და ასე იქნება მუდამ......ზოგს ადრე ჩაურიცხეს ბანკებში ფული,ზოგს ადრე გადაუხადეს ხელფასი,მე რატომ არ მერგო ეს ბედი?იმიტომ ხომ არა თქვენზე ნაკლები დაფასება მაქვს ან არ დავიმსახურე?მეც ველოდებოდი ერთი კვირით ადრე გადამიხდიანთქვა, რომ ევროს საშიშროების შემთხვევაში მოვასწრებდი ლარებში გადაყვანას,მაგრამ ეს არ მოხდა,და რატომ?ზოგიერთივით გამომძალველი არა ვარ,ვარ თავაზიანი ადამიანი და ველოდები მათგან... (პატიოსან ხალხს ყველგან აფასებენ)რა გინდათ ამით თქვათ,ჩვენო და სხვა არაო?არც იცით კომენტარებში რა დადოთ და როგორ ილაპარაკოთ,ბერძნები კი არა თავი თქვენი შეიფასეთ,ვის როგორი ოჯახი და ხალხი შეხვდა იმის მიხედვით მსჯელობს,აქ ზოგიერთები კი ხალხის აზრს შეურაცყოფას აყანებთ,ერთ რამეში გეთანხმებით,მართლა კარგი ხალხია ბეძნები ჩვენ რომ გვიტანენ,რადგან ერთმანეთი ვერ აგვიტანია და ბერძნებს ავიტანთ?სანამ რამეს დაწერდეთ საკუთარ თავზე დაფიქრდით
ალექს
05 ივლისი 2015 18:42
გვძარცვავენ კანონის დაურღვევლად.
მიზეზი არ ვთქვათ არასოდეს?
როგორ მოხდა ,რომ კანონის დაურღვევლად შესაძლებელია ერის ქონების მითვისება ერთი მუჭა ოლიგარქების მიერ?!(ოლიგარქია სახელმწიფო მოხელე ,თან რომ ბიზნესი აქვს,და ბიზნესმენი, თან რომ სახელმწიფო მოხელეა, არ რის აუცილებელი მილიონერი ან ,მილიარდერი იყოს).
უკანასკნელი 25 წლის განმავლობაში ხალხის ქონებამ გადაინაცვლა,ფული იმათ ჯიბეში,ქონებაც ან გამოუდეგარი გახდა ,ფასი დაკარგა.
70-80 მილიარდია დაკარგული და მითვისებული.
მიზეზი ისაა რომ მოქალაქეთა კავშირმა და ნაცმომ შეინარჩუნეს ფსევდოდემოკრატიული ფასადური სოციალიზმის სახელმწიფო მოწყობის ბოლშევიკურ-კომუნისტური მოდელი ,რომელიც ლეგალურად სახელმწიფო ინტერესს მოქალაქის ინტერესზე წინ და მაღლა აყენებდა,ამ სახელმწიფო უპირატესობის განმახორციელებული იყო რიგითი მოქალაქეების მიერ დელეგირებული სახელმწიფო მოხელე ,მოქალაქე ,პროლეტარიატის დიქტატურის ძალით აღჭურვილი,ქაღალდზე იყო სახელმწიფო საკუთრების განმკარგავი ,სინამდვილეში მოქალაქე იყო უუფლებო მოწყვლადი ჭანჭიკი და კომპარტიის ფუნქციონერი იყო ბატონპატრონი ყველაფრის,მას შეეძლო დაეჭირა ,დაეხვრიტა,გადაესახლებინა,განეკულაკებინა რიგითი მოქალაქე.
ქოცებმა ვერაფერი ქნეს იმისათვის ,რომ ეს სისტემა შეეცვალათ.
ეს სისტემაა ჩვენი სახელმწიფოებრივი მოწყობის მოდელის ხერხემალი დღესაც,ამიტომაც შეუძლიათ გვძარცვონ კანონის დაურღვევლად,ამ კანონს წერენ და აღასრულებენ თანამედროვე ფუნქციონერები,რომელთაც მართავენ ბობოლა ოლიგარქები.
ის ავბედითი სისტემა აგებული იყო საზოგადოების კლასობრივ მტრებად დაყოფის პრინციპზე,მტერი იყო მესაკუთრე,მდიდარი სუბიექტი ,მისთვის უნდა წაერთვა სახელმწიფოს და ღარიბი პროლეტარისთვის მიეცა,წართმევის ნაწილში ეს ბრწყინვალედ სრულდებოდა , ოღონდ ღარიბის მაგივრად წართმეული მიიმართა სახელმწიფო საკუთრებაში(ხომ არაფერს გახსენებთ ?),სინამდვილეში ის რეალურად მიითვისა ნომენკლატურამ ან განუკითხავად სარგებლობის შეუზღუდავი უფლება მიიღო .
იმ სამართლის მთავარი პრინციპი იყო სახელმწიფო ყოველთვის მართალია,ეს პრინციპი გადადიოდა საზოგადოებრივი აქტივობის ყველა სეგმენტზე,ეკონომიკაზეც ,რა თქმა უნდა.
მაგალითად რკინიგზა,ის სამხედრო სტრატეგიული დანიშნულების განსაკუთრებული უფლებების მქონე სუბიექტი იყო,სახელმწიფო სახელმწიფოში,მას თავისი ჯარიც ყავდა და პოლიციაც,სამართლებრივად მასთან ბრძოლა წყლის ნაყვა იყო,ორმაგი ბუნება ქონდა, სახელმწიფო მართვის ორგანოც იყო და სამეურნეო ობიექტიც,ამ გაორების მემკვიდრეობით,დღეს შპს საქართველოს რკინიგზის,(სახელმწიფო საწარმო,ბუნებრივი მონოპოლისტი), დირექტორი თავად ადგენს ტარიფებს,ანუ უშვებს ნორმატიულ აქტს,ანუ ატარებს სახელმწიფო მართვის ორგანოს ფუნქციონალურ ნიშანს,რაც რბილად რომ ვთქვათ ხელისუფლების მითვისებაა.
უფრო მარტივად,რკინიგზაა სუბიექტი რომელსაც უფლება აქვს დაგაჯარიმოს უზომო ოდენობით,ჯარიმა მოგეხსენებათ სასჯელია დანაშაულისათვის,ანუ რკინიგზა იძიებს შენს დანაშაულს-გიწერს ვაგონის მოცდენის აქტს,(პროკურატურაა ?!)თავისივე დადგენილი (პარლამენტია თუ ეკონომიკის სამინისტროა?!) ტარიფის ოდენობით გაჯარიმებს (გაგასამართლა,მოგისაჯა სასჯელი-სასამართლოა ?)და აღასრულებს კიდეც(ინკასოს დაგიდებს ბანკში ან კიდევ იმ ბარათიდან მოგიხსნის თავისთან რომ აქვს,)ანუ სასჯელაღსრულებითი ფუნქციაც აქვს და თუ ბიჭი ხარ უჩუვლე,ვერაფერს უზავ,კანონებში მისი ეს უფლებები გამაგრებულია ლეგალურად.
იგივეა თელასი,ყაზტრანსგაზი,სსიპ მრავალგვარი,წყალი,მერიის ზედამხედველობა,ფიტო და ვეტსანიტარია,თავი რომ დავანებოთ საგზაო პატრულის და რაც მთავარია საგადასახადო სამსახურის შეუზღუდავ უფლებებს.
ამათ ყველას თავის დროზე კორუფცია ამოძრავებდა და არა სახელმწიფო ინტერესები,ახლა ეს შეიფუთა ასე:
სემეკი და მსგავსი მისი ადგენენ ტარიფს მონოპოლისტი ყოველდღიური სარგებლობის მომსახურების სუბიექტებისათვის ,რომელიც სუპერმოგებას უზრუნველყოფს,ხოლო საკანონმდებლო ინიციატორი,საკანონმდებლო უზრუნველყოფის მიმღები პარლამენტში,მაკონტროლებელი და აღმმასრულებელი გაუპირწონასწორებული უკონტროლო ერთიანი პოლიტიკური კლანია ,რომლის სხვადასხვა იერარქიულად ვერტიკალურად სუბორდინირებული შრე სხვადასხვა ზომით სარგებლობს მოსახლეობიდან ამოღებული ფულით ან ამ ფულით შეძენილი ქონებით(ჯიპები,აგარაკები,მივლინებები,ხელფასები,კაბინეტები).
საზარელი სურათია,მაგრამ ასეა.
ამ ფონზე ტელეშოუების და სერიალების ტყვეობაში ერთი გაყალბებული არჩევნებიდან ,მეორე სხვა მეთოდით გაყალბებულ არჩევნებამდე,“იცვლება „ ხელისუფლება,სინამდვილეში კლანის შიდა კარუსელი ტრიალებს!
ალექს
05 ივლისი 2015 18:41
ეკა
01 ივლისი 2015 23:23
ალექს ეგებ გვიშველო ა?მასე ადვილი თუა ყველაფრის დალაგება ,რატომ არ ლაგდება?


ადვილი არ არის ,მაგრამ შესაძლებელია,რამდენიმე ნაბიჯია გადასადგმელი:
1.უნდა შევთანხმდეთ ყველა, ან უმეტესობა- არ მივცეთ არცერთი ხმა იმ ძალას და იმ პირებს ვინც ამ 25 წლის განმავლობაში აქტიურად ანგრია და ძარცვა ქვეყანა და ისეც შეეცდება დარჩეს პოლიტიკურ ორბიტაზე,რათა გაიხანგძლივოს ხალხის დამონების და ძარცვის ლეგალური უფლება,უკლებლივ სახეზეა ყველა,არ შეგეშლებათ ამოცნობა, ურთიერთცვლადი პოზიცია,ოპოზიცია,არასამთავრობოები,ჟურნალისტები!
2.ხმა მივცეთ იმ ძალას,რომელშიც უმეტესობა იქნება 1985 წელს აქეთ დაბადებული,ანუ დამოუკიდებელი საქართველოს კბილა დაახლოებით!
3.ამ ახალ ძალას უნდა მივცეთ საზოგადოებრივ პოლიტიკური შეკვეთა 1921 წლის კონსტიტუციის ბაზაზე და ახალი კონსტიტუციის დონეზე გაემიჯნოს საბჭოთა და პოსტსაბჭოთა პროკომუნისტურ ფასადური დემოკრატიის პოლიტიკურ წარსულს,რომელიც მოიცავს 1921 წლის 25 თებერვლიდან მომავალი არჩევნების დღემდე პერიოდს ,დაემშვიდობოს საბჭოთა და პოსტსაბჭოთა ფსევდოდემოკრატიულ სამოხელეო დიქტატურას და მის წარსულ და თანამედროვე რუსულ პროსაბჭოთა "სოციალისტურ" სამართლებრივ უზრუნველყოფას,სამართლებრივად "წაშალოს " ის 25 წლიანი კანონშემოქმედებითი ნამოღვაწარი,რაც მოქკავშირმა,ნაცმომ და ქოცებმა,მათმა სატელიტებმა შექმნეს.
4.შექმნას სამრთლებრივი დემოკრატიის სოციალურად ორიენტირებული თავისუფალი კონკურენციის საბაზრო ეკონომიკის სახელმწიფო მოწყობის სამართლებრივი საფუძვლები,მიაღწიოს კანონის უზენაესობას მოქალაქის პირადი ინტერესების სამართლებრივად სახელმწიფო ინტერესზე მაღლა დაყენებით,მოხელის რეპრესიული ინსტიტუტის დაქვეითებით და რეალური სასამართლო დამოუკიდებლობის მიღწევით.
5.სხვა ნაბიჯები რეალური თანასწორუფლებიანობის,თანაბარი შანსების და საკუთრების ,სიცოცხლის,შრომის და ჯანმრთელობის დაცვის მაღალი სტანდარტების მისაღწევად.

რედაქტორის რჩევით