გაიცანი საქართველო!
05-10-2015
გაიცანი საქართველო!
ფოტოალბომი 23 ნოემბ­რიდან­ გაზეთ "კვირის პალიტრასთან" ერთად იქნება ხელმისაწვდომი, პირვ­ელი ალბომი კი სრულად აჭარის რეგიონს მიეძღვნება. სერიის პირველ გამოცემაში განთავსებული ფოტოები ზღვისპირა რეგიონზე­ დეტალურ ინფორმაციას მოგაწვდით

დროს, როდესაც საზ­ღვარ­გარეთ მოგზაურობაზე ხშირად ოცნებობთ, ერთხელ მაინც თუ დაფიქრებულხართ, რამდენად კარგად­ იცნობთ საკუთარ ქვეყანას? თუ მოგივლიათ საქართველ­ოს­ რომელიმე კუთხე ფეხით, ცხე­ნით­ ან თუნდაც, მანქანით? თუ იცით, რამდენი ღირსშესანიშნავი ადგილია საქართველოში, მაგალითად, აჭარაში, მდინარე ჭოროხის შესართავთან, გონიოს ისტორ­იული ციხესიმაგრე თუ გინახავთ,­ ან აჭარის მთებში
გიმოგზაურ­იათ და ბუნების საიდუმლოებებს ჩასწვდომიხართ? ალაზნის გადაღმა, გრემში ან ყვარლის რაიონში,­ ნეკრესში თუ ყოფილხართ, ან მარ­ტვილის კანიონით დამტკბარხართ და დინოზავრის ნაკვალევზე გაგივლიათ? ან სვანეთში კავკასიონის ქედის სამხრეთ კალთები­ თუ დაგილაშქრავთ და მდინარე­ ცხენისწყლის ტალღები გაგიპიათ?­ ან... აქ შევჩერდები, რადგან საქართველოს ღირსშესანიშნაობათა ჩამოთვლა დაუსრულებლად შეიძლება. სამწუხარო
მხოლოდ ის არის, რომ ხშირად მათ შესახებ მხოლოდ გადმოცემით ვიცით, ან უარესი - ისტორიულ ძეგლებსა და ბუნების მრავალფეროვნებაზე,­ რომლითაც საქართველო გამოირჩევა, არასოდეს გვსმენია და გვინა­ხავს. ქვეყანაში უამრავი ადგილია, რომელთაც აუცილებლად უნდა ესტუმროთ!

პარადოქსია, მაგრამ ხშირად­ საქართველოს კუთხეებსა და ღირსშე­სანიშნაობებს ადგილობრივებზე უკეთ უცხოელი ტურისტები იცნობენ. პირად გამოცდილებაზეც მოგიყვებით: ამ ზაფხ­ულს ფრანგი ტურისტები გავიცანი, ახალგაზრდა ცოლ-ქმარი იყვნენ და თაფლობის­ თვის გატ­ა­რება საქართველ­ოში გადაეწყვ­იტათ. ქართულმა­ ცნობი­ს­მოყვარეობამ მძლია და მათი მარშრუტით დავინტერესდი. გაოცებას ვერ ვმალავდი, როდესაც რუკას დავხედე: ისეთი ადგილები ჰქონდათ მონიშნული, დარწმუნებ­ული ვარ, მოსახლეობის უმრავლესობა ამ ადგილებში ერთხელაც კი არ ყოფილა. მაგალითად, პირადად მე აბუდელაურის ტბებზე ფრანგი ტურისტების მოყოლილმა ისტორიებმა გამაკვირვა. დეტალურად იცოდნენ, რომ ამ ტბაში თევზი­ არ არის და თოვლის, მყინვარისა და წვიმის წყლით საზრდოობს. ამასთან, გამდინარეა და ტბის ირგვლივ ნამდვილი სამოთხეა. ანალოგიური სიზუსტით დიდხანს მიყვებოდნენ სხვა ღირსშესანიშნაობებზეც...

ვისაც მოგზაურობა, ლაშქრობა ან საკუთარ ქვეყანაზე მეტი ინფ­ორმაციის მიღება გინდათ, გამ­ომცემლობა "პალიტრა L"-ის ახალი პროექტი საქართველოს უკეთესად გაცნობაში შეუცვლელ მეგზურობას გაგიწევთ. ილუსტრ­ირებული წიგნების ახალი სერია­ საქართველოს კუთხეებსა და მის ღირსშესანიშნაობებს არა მხოლოდ­ გაგაცნობთ, საკუთარ ქვეყანას განს­ხვავებული რაკურსით დაგანახებთ.

ფოტოალბომი 23 ნოემბ­რიდან­ გაზეთ "კვირის პალიტრასთან" ერთად იქნება ხელმისაწვდომი, პირვ­ელი ალბომი კი, სრულად აჭარის რეგიონს მიეძღვნება. სერიის პირველ გამოცემაში განთავსებული ფოტოები ზღვისპირა რეგიონზე­ დეტალურ ინფორმაციას მოგაწვდით.
აჭარის შემდეგ კი გურიას, იმერეთს, კახეთს, მცხეთა-მთიანეთს, რაჭა-ლეჩხუმს, სამეგრელოს, სამცხე-ჯავახეთს, სვანეთს, ქვემო ქართლს, შიდა ქართლს, აფხაზე­თსა და თბილისსაც ხელახლა გაიცნობთ.

გამომცემლობის მორიგი მას­შტაბური პროექტი იმითაც გამო­რჩეულია, რომ მასში მონაწილ­ეობა როგორც გამოცდილ, ისე დამწყებ ფოტოგრაფებსაც შეუძლიათ.

სოციალურ ქსელ Facebook-ში შექმნილ გვერდზე – Palitra L Publishing და ელექტრონულ ფოსტაზე Photopalitra@gmail.com ნებისმიერ მსურველს მარტივად შეუძლია თავის მიერ გადაღებული ფოტოს გაგზავნა, რომელიც დიდი ალბათობით, "პალიტრა L"-ის უნიკალურ ფოტოალბომში მოხვდება. პარალელურად, გამარჯვებული ფოტოს ავტორსა და თავად ფოტოს ისტორიაზე ინფორმაცია გაზეთ "კვირის­ პალიტრაშიც" გამოქვეყნდება.

არ გამოტოვოთ უნიკალური შანსი, საკუთარი ნამუშევრები მთელ ქვეყანას გააცნოთ და, მეორე მხრივ, თანამოქალაქეებს საინტერესო აღმოჩენების გაკეთებაში დაეხმაროთ!

რუსუდან შელია
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით