სვეტიცხოველი - ქვეყნის გაუტეხლობის სიმბოლო!
12-10-2015
სვეტიცხოველი - ქვეყნის გაუტეხლობის სიმბოლო!
"არსებობს ბოლო ჟამის წინასწარმეტყველება, რომ მაცხოვარი თავის კვართს მოაკითხავს, სიდონიაც კვართთან ერთად აღდგება..."

"1911 წლის შემდეგ, როდ­ესაც საქართველოს ეკლესიამ ავტოკეფალია­ დაკარგა და ქვეყანაში ეგზარქოსი მოგვევ­ლინა, პირველ რიგში, სვეტიცხოვლის გათხრა დაიწყეს. ბუნებრივია, მტრებმა მიზანს ვერ მიაღწიეს და კვართსაც ვერ მიაგნეს, თუმცა საზოგადოების მოსატყუებლად მიწაში სხვა სუდარა ჩადეს და გამოაცხადეს, უფლის კვართს მივაგე­ნითო. მოგვიანებით, მათ მიერვე დამალული­ სუდარა რუსეთში გაიტანეს. სხვათა შორის, რუსებს დღესაც სჯერათ და გვეკითხებიან­, თუ თქვენთან მაცხოვრის კვართიინახება,­ რუსეთში
რას ვინახავთო?"


ჩვენს წელთაღრიცხვამდე I ათასწლ­ეულში­ საქართველოს ტერიტორიაზე ორი სამეფო ჩამოყალიბდა: იბერიის - აღმოსავლეთში­ და კოლხეთისა - დასავლეთში. ქალაქი მცხეთა 800 წელზე­ მეტი იბერიის სამეფოს პოლიტიკურ, ეკონომიკურ და რელიგიურ ცენტრს წარმოადგენდა. ცნობების მიხედვით, მცხეთა დიდ საქარავნო გზაჯვარედ­ინზე არსებობდა, რომელიც ხიბლავდა ბერძენ, რომაელ, ებრაელ, არაბ თუ
ჩინელ­ სტუმრებს. ქრისტიანობის გავრც­ელებამდე მცხეთა ქვეყნის სულიერ ცენტრსაც წარმო­ადგენდა, რადგან ქალაქში არმაზის, ზადენის, გაცის, გაიმის, აინანას, დანანასა და აფროდიტეს­ კერპებიც იდგა. ამიტომ მცხეთა და მისი რეგიონი­ მდიდა­რია არქიტექტურული ძეგლებითა­ და არქეოლ­ოგიური მონ­აპოვრებით. ქვეყნის ამ ნაწილში 200-ზე მეტი არქიტექტურული ძეგლია, რომელთა შორის ცენტრალური ადგილი მცხეთის საპატრიარქო ტაძარს - სვეტიცხოველს უკავია.

სვეტიცხოველი - ქართული კულტ­უ­რის, ხელოვნებისა და არქიტექტურის უმნ­იშვნელოვანესი ძეგლი - არა მხოლოდ­ მხატვრული ღირსებით, დიდებულებითა და ჰარმონიულობით გამოირჩევა, ტაძ­რის მშენებლობის პერიოდიც საქართველოს ისტორიის მეტად რთულ და საინტ­ერესო ეპოქას დაემთხვა. პირველი ნაგებობის მშენებლობა ქართლის სამეფოს მიერ ქრისტიანობის მიღებასა­ და ფეოდალიზმის ჩასახვის პირველსავე ხანას­ უკავშირდება. ტაძარი არაერთ­ხელ შემუსვ­რილა მტერთა შემოსევების შედეგად, არაერთ დამპყრობელს უცდია მისი დანგრევაც, მაგრამ ძველი დიდებულებით კვლავაც­ აღმ­დგარა - სვეტიცხოველი ქვეყნის გაუტეხლობის სიმბოლოდ იქცა... ის პირველ რიგში, საქართველოს რელიგიურ ცენტრს­ წარმოადგენდა, ეკლესიის მეთაურთა­ რეზიდენცია გახლდათ. სწორედ სვეტიცხოვე­ლში აკურთხებდნენ ქართველ მეფეებსა­ და ეკლესიის მეთაურებს, იწერდნენ ჯვარს და ნათლავდნენ უფლისწულებს. ამავე ტაძარში კრძალავდნენ ქართველ მეფეებს,­ დედოფლებს, ბატონიშვილებსა­ და კათო­ლიკოს-პატრიარქებს. ტაძარში რამდენიმე­ საფლავი დღემდეა შემ­ორჩენილი. მტრის შემოსევისას აქ აფარებდა თავს მცხეთისა და მისი შემოგარენის მოსახლეობაც.
მდიდარი ბიბლიოთეკით სვეტიცხოველი მწიგნობრობის გავრცელების კერასაც წარმოადგენდა. უძველესი წიგნები ტაძრის კედლებში მოთავსებულ სამალავ­ ოთახებში,­ სხვა ძვირფასეულობასთან ერთად ინახებ­ოდა... XI საუკუნეში დაზიანებ­ული ბაზილიკის ადგილზე ქართლის კათ­ოლიკოსმა მელქისედეკმა ახალი ტაძარი ააგო. მან ხუროთმოძღვრად არს­უკისძე მიიწვია. მშენებლობა 1010 წელს დაიწყო და 1029 წელს დამთავრდა.

დეკანოზი ალექსანდრე ბეჟიტაშვილი:
- მოგეხსენებათ, სვეტიცხოველში­ მაცხოვრის კვართი ინახება, რომლის მოპარ­ვასაც საუკუნეების განმავლობაში ცდილ­ობდნენ. 1911 წლის შემდეგ, როდ­ესაც საქართველოს ეკლესიამ ავტოკეფალია­ და­კარგა და ქვეყანაში ეგზარქოსი მოგვევ­ლ­ინა, პირველ რიგში, სვეტიცხოვლის გათ­ხრა დაიწყეს. ბუნებრივია, მტრებმა მიზანს ვერ მიაღწიეს და კვართსაც ვერ მიაგნეს, თუმცა საზოგადოების მოსატყუებლად მიწაში სხვა სუდარა ჩადეს და გამოაცხადეს, უფლის კვართს მივაგე­ნითო. მოგვიანებით, მათ მიერვე დამალული­ სუდარა რუსეთში გაიტანეს. სხვათა შორის, რუსებს დღესაც სჯერათ და გვეკითხებიან­, თუ თქვენთან მაცხოვრის კვართი ინახება,­ რუსეთში რას ვინახავთო? მოგვიანებით, ისტორიაც გადაიწერა და ფაქტების სწავ­ლება აბსოლ­უტურად განსხვავებული მიმა­რთულებით გაგრძელდა. სვეტიცხოველში არაერთი სასწაული მომხდარა - რწმენას­ დიდი ძალა აქვს, ყოველივე მოგეცემა თუ გულით, და არა ანგარებითა და გამომცდელად ითხოვ. არსებობს ბოლო ჟამის წინასწარმეტყველება, რომ მაცხოვარი­ თავის კვართს მოაკითხავს, სიდონიაც კვართთან ერთად აღდგება...
საქართველოს მართლმადიდებელი ეკლ­ესია 14 ოქტომბერს სვეტიცხოვლობის დღესასწაულს აღნიშნავს. მკითხველ­ისთვის საჩუქარს გამომცემლობა "პალიტრა L"-იც ამზადებს.

ააშენეთ ტაძარი თქვენი ხელით


სპეციალურად სვეტიცხოვლობის დღესასწაულისთვის ქართული ეკლ­ესიის უმთავრესი ტაძრის ე.წ. პაზლი გამოიცემა. პაზლი 30 ნაწილისგან შედგება და მისი აწყობის შემდეგ, 3D ფორმატში სვეტიც­ხოვლის ზუსტ ანალოგს მიიღებთ. პაზლი გასულ წელს "კვირის პალ­იტრასთან" ერთად იყიდებოდა და ძალიან დიდი მოთხოვნა იყო. მსურველები რედაქციაში გვირეკავდნენ და ითხოვდნენ, კიდევ გამოგვეშვა. "პალიტრა L" წელსაც აძლევს შესაძლებლობას ყველას, შეიძინონ პაზლი­. ამჯერად ის გაზეთთან ერთად კი არა, დამოუკიდებლად გაიყიდება და მისი შეძენა სპეციალურ ფასად მხოლოდ 31 ოქტომბრამდე იქნება­ შესაძლებ­ელი.­ ყველას ვურჩევთ, იჩქარონ და შეიძინონ!

რუსუდან შელია
...
14 ოქტომბერი 2015 21:19
ავტოკეფალია საკარტველომ დაკარკა 1811წელს
kaxa
14 ოქტომბერი 2015 15:10
მცხეთაში ბებრის ციხიდან გადახედეთ არაგვის მეორე მხარეს რა სიმახინჯეებია აშენებული! დღესაც გრძელდება მშენებლობა მიუხედავად გამოცხადებული მოროტორიუმის. თუ ვინმეს გული შეგტკივათ გადაიხედეთ! მალე ბებრის ციხე2 გვექნება

რედაქტორის რჩევით
თქვენი აზრით, აქვს თუ არა ადგილი ხელისუფლების მხრიდან ბიზნესზე ზეწოლას  დღეს საქართველოში?
თქვენი აზრი მნიშვნელოვანია!
თქვენი აზრით, აქვს თუ არა ადგილი ხელისუფლების მხრიდან ბიზნესზე ზეწოლას დღეს საქართველოში?
თვის კითხვადი სტატიები