"სიდედრმა სიძეზე გაიწია" - მხიარული და უცნაური ამბები ქართული ქორწილებიდან
15-02-2016
"სიდედრმა სიძეზე გაიწია" - მხიარული და უცნაური ამბები ქართული ქორწილებიდან
მშენებარე ობიექტზე ჩვენი ყველაზე გულადი თანამშრომელი წავიდა. არ ვიცი, რატომ მოუნდათ მაინცდამაინც ხარაჩოებზე ხელის მოწერა, მაგრამ ჩვენი საწყალი რეგისტრატორი იქ ჯახირითა და წვალებით ააპორწიალეს, "პროფილაქტიკისთვის" კი თავზე ჩაფხუტი ჩამოამხვეს

წყვილი­ დელტაპლანით დაეშვა ტრაქტორთან. მუხლებამდე ტალახში ჩაფლული, გაოცებული შევყურებდი. მერე ტრაქტორის ბორბლებზე გამაშლევინეს დოკუმენტაცია და ხელიც მოაწერეს... რომ მცოდნოდა, სად მივყავდი, არ გავყვებოდი. ახალთახალ ქუსლიან ფეხსაცმელს მაინც არ ჩავიცვამდი, რომელიც ტალახმა ისე მომიქცია, გადასაყრელი გამიხდა...


საქართველოში დღეს მდიდრულ ქო­რწილებს ძირითადად, ძლიერნი
ამა ქვეყნისანი იხდიან, თუმცა, საინტერესოა უცნობ წყვ­ი­ლთა მოკრძალებული ქორწილებიც­, რომლებიც ხშირად უცნაურობებითა და კურიოზებით გამოირჩევა... ეს ისტორიები სამუდამოდ რჩება ქორწინ­ების რეგისტრატორთა მეხსიერებაში. ერთ-ერთ მათგანს ისე ვთხოვე, უცნაურ ქორწინებებზე მოეთხრო, უარი ვერ მითხრა, მაგრამ თვითონაც მთხოვა, ჩემს ვინაობას ნუ გაამხელ და ნურც წყვილთა­ სახელებს მომთხოვო. დავთანხმდი.

- საიდან დავიწყო - მშენებარე ობიექტზე ჩაფხუტი რომ ჩამოგვამხვეს და ხარ­აჩოებზე აგვიყვანეს ქორწილის რეგისტრაციისთვის, თუ დიდუბის გამოფენის პავილიონში ნეფე-პატარძალი ბუჩქებიდან რომ ამოხტა?

- საიდანაც გინდათ, ჯერ კარგი ამბავი მიამბეთ, მერე - ცუდი...
- ქორწინების დროს ცუდს ვინ ელის, იმის მიუხედავად, რომ შეიძლება ნეფეც "უსტვენდეს" და პატარძალიც... მაგრამ ამ დროს სადედამთილომ ან სასიდედრომ თუ გაიწია, აი, მაშინ არის საქმე ცუდად.

- ასეც ხდება?
- რამდენიც გინდა. თუმცა, ტრაქ­ტორით დავიწყებ, რომლის გვერდით ლილოს მინდვრებში აღმოვჩნდი.

- ტრაქტორთან რა გინდოდათ, წყვილი დაქორწინების შემდეგ მიწის­ მოხვნას აპირებდა?!
- არ ვიცი, ქორწინების რეგისტრაციის შემდეგ ტრაქტორს რა მიზნით გამოიყენ­ებდნენ, მაგრამ იქ რომ მიმიყვანეს, წყვილი­ სწორედ იმ დროს დაეშვა დელტაპლანით ტრაქტორთან და მეც მიმიხმეს,­ აქ მობრძანდითო. მუხლებამდე ტალახში ჩაფლული, წყვილს გაოცებული შევყურებდი. მერე ტრაქტორის ბორბლებზე გამაშლევინეს დოკუმენტაცია და ხელიც მოაწერეს. როგორც კი ხელმოწერა დავადასტურე, ქაღალდებს ხელი დავავლე და იქაურობას გავეცალე. რომ მცოდნოდა, სად მივყავდი, არ გავყვებოდი. ახალთახალ ქუსლიან ფეხსაცმელს მაინც არ ჩავიცვამდი. ტალახმა ისე მომიქცია, გადასაყრელი გამიხდა...
მშენებარე ობიექტზე კი ჩვენი ყველაზე გულადი თანამშრომელი წავიდა. წინასწარ გაგვანდეს, ფუნიკულიორზე რომ ძველ რესტორანს რესტავრაცია უტარდება, ხელის მოწერას მის ხარაჩოებზე ვაპირებთო. არ ვიცი, რატომ მოუნდათ მაინცდამაინც იქ აძრომა, მაგრამ ჩვენი საწყალი თანამშრომელი იქ ჯახირითა და წვალებით ააპორწიალეს, "პროფილაქტიკისთვის" კი თავზე ჩაფხუტი ჩამოამხვეს. თუმცა,­ დღემდე ვერ ხვდება, იქიდან რომ გადმოვარდნილიყო, ჩაფხუტი რას უშველიდა!

2015 წელს ჩაქვში ხობის­ მილიონერი დეპუტატის, გოდერძი ბუკიას ქალიშვილის უმდიდრესმა­ ქორწილმა ყველა­ აალაპარაკა...

- მან სადღა გაშალა დოკუმენტაცია?!

- სასიძოს ზურგზე! თუ დავფიქრდებით, ზურგი უფრო მოსახერხებელია, ვიდრე ტრაქტორის ბორბლები.

- დიდუბის გამოფენის პავილიონში ბუჩქებიდან წყვილის ამოხტომის ამბავიც მიამბეთ...
- წყვილმა გამოფენაზე დაპატიჟა ახლობლები. ყველას ეგონა, გამოფენის დასათვალიერებლად გვეპატიჟებიანო, მაგრამ ამ დროს შეკრებილთა თვალწინ ბუჩქებიდან საქორწილო ტანსაცმელში გამოწყობილი წყვილი ამოხტა და რეგისტრატორიან-სტუმრიანად ყველა გადარია.

- მართლაც კურიოზულ სიტუაციებში მოხვედრილხართ...
- უარესშიც! ტყუილად არ მითქვამს, სადედამთილოს ან სასიდედროს რამე თუ არ მოეწონა, ცუდად არის საქმე-მეთქი. ქორწინების რეგისტრაც­იისას არის ასეთი კითხვა: "გვარს ხომ არ იცვლით?" აი, მაშინ იწყება, რაც იწყება! ზოგიერთი­ სასიძო პატარძალს იქ სთხოვს გვარის გამოცვლას, პატარძალი კი ქვას აგდებს და თავს უშვერს, არ მინდაო, მაგრამ ქორწინების რეგისტრაციისას სასიძო­ ამით "ვაჭრობს". ერთხელ, სწორედ ამ დროს, ისეთი­ ტკაცანი შემომესმა (რეგისტრაციას სხვა ატარებდა, მე გვერდით ოთახში ვიჯექი)­, უნებურად ფეხზე წამოვხტი, ოთახიდან გამოვვარდი და რას ვხედავ: სასიდედრო სასიძოსკენ ისე იწევს, ხალხი აკავებს, ბიჭს ლოყაზე ცეცხლი უკიდია, პატარძალი­ კი ცხარე ცრემლით ტირის. თურმე, როცა რეგისტრატორმა პატარძალს ჰკითხა, გვარს ხომ არ შეიცვლითო, იმან კი უარის ნიშნად თავი გააქნია, სასიძო გადაირია, გინდა­ თუ არა, ჩემს გვარზე უნდა გადმოხვიდე, თორემ ცოლად არ შეგირთავო. ჰოდა, მტრისას, იქ ამბავი დატრიალდა! სასიდედრო სასიძოს ჯერ თმაში ეცა, მერე კი სულ სახეში ულაწუნა. საწყალმა ბიჭმ­ა ხელის შებრუნება ვერ გაუბედა, მხოლოდ თავის დაცვას ცდილობდა, მაგრამ გამწარებული სასიდედრო ისე იწევდა, ათი კაცი ვერ იჭერდა... ბოლოს, როგ­ორც იქნა, გავაშველეთ, პატარძალმაც თავისი გვარით მოაწერა ხელი... სამწუხაროდ, არ ვიცი, ახლა როგორი ურთიერთობა აქვს სიძე-სიდედრს­...

- შერეული ქორწინებების რეგისტრაცია ხშირად გიწევთ?

- არცთუ იშვიათად. ქართველების სასიძოებში ინდოელები ჭარბობენ, მეორე­ ადგილზე თურქები არიან, მერე კი - სხვა უცხოელები. ფერა­დკანიანი სასიძოც ბევრი გვყავს. დღეს საქართველოში ფეხბურთის სხვადასხვა გუნდში სათამაშოდ მოწვეული­ თით­ქმის ყველა ფერადკანიანი ქართველ გოგონაზე ქორწინდება... რაც შეეხება განქორწინ­ების სტატისტიკას, აშკარად მატულობს, რაც ძალიან ცუდია.

2015 წლის ყველაზე გახმაურებული ქორწინებები

პოლიტიკოსების, მათი შთამომავლებისა და შოუბიზნესის "ფეისების"­ ქორწილები ხშირად საჭორაო თემად იქცევა ხოლმე. ეს ტრადიცია არც ბოლო წლებში დარღვეულა - 2015 წელს ჩაქვში ხობის­ მილიონერი დეპუტატის, გოდერძი ბუკიას ქალიშვილის უმდიდრესმა­ ქორწილმა ყველა­ აალაპარაკა... აჟიოტაჟი მოჰყვა "თავის­უფალი დემოკრატების" ერთ-ერთი ლიდერისა და ყოფილი მინისტრის, ბუკა პეტრ­იაშვილის და ჟურნალისტ ეკა მიშველაძის ქორწინებას. ეს იყო 2015 წლის ყველაზე გახმაურებული ქორწილი, წყვილის მოულოდნელმა კავშირმა ინტერნეტსივრცეს ქარიშხალივით გადაუარა და ყველა აალაპარაკა...

საქორწილო ხარჯები

საშუალო­ დონის­ რესტორანში­ კაცის გამასპინძლება 50-60 ლარი ჯდება,­ უფრო მდიდრულში­ - 80-90 ლარი. რა დაჯდება 300-კაციანი ქორწილი? ამას თუ დავამატებთ ნიშნობის ბეჭედს, პატარძლის კაბას, ვარცხნილობას, ტორტს, ვიდეო და ფოტოგადაღებებს, ხელმოწერის ცერემონიალს, საქორწილო ცეკვის სწავლას (სუხიშვილებთან კაცი 300 ლარამდე ღირს) -­ ხარჯი ძალიან იზრდება. ვისაც­ ქორწილი ამ თანხად უღირს, ქორწილების საორგანიზაციო კომპანიასაც აკითხავს. საკუთარ თავს იაფად არც ესენი აფასებენ და 100 სტუმრისთვის ქორწილის გამართვაში 5.000 ლარს ითხოვენ.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით