მის მარპლი -"ხნიერი, ჭკვიანი, ტრადიციული ინგლისელი ლედი"
29-08-2016
მის მარპლი -"ხნიერი, ჭკვიანი, ტრადიციული ინგლისელი ლედი"
შინაბერა მარპლის პროტოტიპი მწერლის ბებიაა, რომელიც, ავტორის თქმით, უბოროტო ადამიანი იყო, მაგრამ მუდამ,­ ყველასა და ყველაფრისგან ცუდსა და უარესს ელოდა.­ მისი მოლოდინი კი პერიოდულად მართლდებოდა­...

პირობითად, სწორედ ასე შეიძლება ვუწოდოთ წიგნების სერიის - "ჩემი რჩეული მსოფლიო" - აგათა კრისტის­ სამტომეულს, რომელიც "გზის" მკითხველს შესაძლებლობას აძლევს, გაამდიდროს საკუთარი ბიბლიოთეკა­ "დეტექტივის დედოფლად" წოდებული მწერლის რომანებით, სადაც მთავარ გმირად სახელგანთქმული დეტექტივი ქალი, მის მარპლი გვევლინება.

ამ ჟანრის მოყვარულებს მოეხსენებათ, რომ კრისტის მთავარი გმირები
- მაძე­ბრები ერკიულ პუარო და მის მარპლი გახლავთ. პუაროს საქმიანობა ჩვენი მკითხველისთვის ხელმისაწვდომი იყო მრავალტომეული სერიით - "დეტექტივების ოქროს კოლექცია", რომელიც გამომცემლობა "პალიტრა L"-მა ცოტა ხნის წინ შემოგთავაზათ. ჰოდა, მის მარპლს "დაჩაგრულად რომ არ ეგრძნო თავი", მისი ნამოღვაწარიც სათანადოდ დავაფასეთ.

განსაკუთრებით მნიშვნელოვანია,­ რომ სამტომეულში შეტანილია
ოთხივე რომანი, რომელიც საგანგებოდ ამ სერი­ისთვის ითარგმნა და პირველად გამოიცა ქართულ ენაზე. ესენია: "მკვლელობა მღვდლის სახლში", "გვამი ბიბლიოთეკაში",­ "ჭვავით სავსე ჯიბე" და "პადინგტონის სადგური - 16:50".

ამასთან, აქვე აღვნიშნავთ, რომ შინაბერა მარპლის პროტოტიპი მწერლის ბებიაა, რომელიც, ავტორის თქმით, უბოროტო ადამიანი იყო, მაგრამ მუდამ,­ ყველასა და ყველაფრისგან ცუდსა და უარესს ელოდა.­ მისი მოლოდინი კი პერიოდულად მართლდებოდა­...

თუ კრისტის შვილიშვილს, მეთიუ პრიჩარდს დავუჯერებთ, თავად მწერალს თავის დეტექტივებს შორის ყველაზე მეტად სწორედ მის მარპლი - "ხნიერი, ჭკვიანი,­ ტრადიციული ინგლისელი ლედი" - მოსწონდა. ამ აზრს მსოფლიოს სხვადასხვა კუთხეში მილიონობით მკითხველი იზიარებს.

ბუნებრივია, პოპულარობა არც პუაროსა და კრისტის სხვა დეტექტივების პერს­ონაჟებს აკლია, რომლებიც მწერალს 60 დეტექტიურ, 6 ფსიქოლოგიურ რომანში, მოთხრობების 19 კრებულსა და 16 პიესაში ჰყავს გამოყვანილი.

ზურაბ აბაშიძე
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით