როგორ გავხდეთ ნამდვილი ოქროს 16-გრამიანი მონეტის მფლობელი?
05-09-2016
როგორ გავხდეთ ნამდვილი ოქროს 16-გრამიანი მონეტის მფლობელი?
19 სექტემბრის "კვირის პალიტრის" მკითხველს საშუალება ექნება ნამდვილი ოქროს მონეტის მფლობელი გახდეს

"ქართული მონეტების ოქროს კოლექცია" ეროვნული მუზეუმის, "პალიტრა L"-ისა და გაზეთ "კვირის პალიტრის" ერთობლივი პროექტია


19 სექტემბრიდან გაზეთ "კვირის პალიტრის" მკითხველს საშუალება ექნება, ნამდვილი ოქროს მონეტის მფლობელი გახდეს. მონეტები 585 სინჯის ოქროსგანაა ჩამოსხმული და ეს უნიკალური ნაკეთობა მხოლოდ 3 იღბლიან მკითხველს შეხვდება. ოქროს მონეტები საიუველირო სალონმა "დიადემამ" მაღალი საუიველირო ოსტატობით შეასრულა.

ისტორიული პროექტი, "ქართული მონეტების ოქროს კოლექცია", უკვე სამი
თვეა მიმდინარეობს. იგი უნიკალურ წიგნ-ალბომსა და ყოველთვიურად გამოსული ქართული ნუმიზმატიკის ისტორიაში არსებული მონეტების ზუსტი ასლების კოლექციას აერთიანებს.
"ქართული მონეტების ოქროს კო­ლექ­ცია" ეროვნული მუზეუმის, "პალიტრა L-"-ისა და გაზეთ "კვირის პალიტრის" ერთობლივი პროექტია.
უნიკალურ წიგნ-ალბომში გაეცნობით ქართული ნუმიზმატიკის განვითარების სხვადასხვა ეტაპს ეროვნულ მუზეუმში დაცული არქეოლოგიური მასალისა და
ხელოვნების ნიმუშების თანდართული ფოტომასალით. ეს გამოცემა საქართველოს სახელმწიფოებრიობის ერთგვარი მატიანეა - მასში ჩვენი ქვეყნის ისტორიას ქართული მონეტები მოგვითხრობენ. მონეტები საქართველოს ეროვნულ მუზეუმში დაცული ექსპონატების ზუსტი ასლები გახლავთ.

პროექტი შექმნილია როგორც ისტორიის მოყვარულთათვის, ასევე აკადემიური წრეების წარმომადგენელთათვის და მათთვის, ვისაც ქართული ნუმიზმატიკა აინტერესებს.

ამ უპრეცედენტო წამოწყებამ მალევე მიიქცია მკითხველის ყურადღება. დღეს უკვე თამამად შეიძლება ითქვას, რომ "ქართული მონეტების ოქროს კოლექცია" ქართულ საგამომცემლო სივრცეში ერთ-ერთი წარმატებული პროექტია, რომელსაც ქვეყნის მასშტაბით ანალოგი არ აქვს.
ბუნებრივია, გაინტერესებთ, როგორ გამოვლინდება ოქროს მონეტის მოპოვების ათასობით მსურველთა შორის 3 იღბლიანი. ამისათვის გაზეთ "კვირის პალიტრის" 19-26 სექტემბრის ნომერთან ერთად, შეიძინეთ გამომცემლობა "პალიტრა L"-ის პროექტის, "ქართული მონეტების ოქროს კოლექცია", ფარგლებში გამოსული მე-4 მონეტა - ალექსანდრე მაკედონელის სტატერი.

შეფუთვაში ნამდვილი ოქროს მონეტის ნაცვლად მეტალის ასლი დაგხვდებათ. კარგად დააკვირდით მას და თუკი თქვენს მონეტაზე, გვერდითა მხარეს სპეციალური სამნიშნა კოდი იქნება დატანილი, ოქროს მონეტის მფლობელი გახდით.
სწორედ ამ კოდის მიხედვით მოხდება გამარჯვებულის იდენტიფიცირება.

მოგების შემთხვევაში პრიზის - ნამდვილი ოქროს მონეტის - მისაღებად 26 სექტემბრიდან 24 ოქტომბრის ჩათვლით, გამომცემლობა
"პალიტრა L"-ში უნდა წარმოადგინოთ მომგებიანი მონეტა თავისი შეფუთვით, რის საფუძველზეც გადმოგეცემათ პრიზი, ნამდვილი ოქროს 16-გრამიანი მონეტა. გამარჯვებულმა თან უნდა იქონიოს პირადობის მოწმობა.

პროექტის ფარგლებში უკვე 3 მონეტა გამოვიდა. თუკი ამჟამად აპირებთ მონეტების კოლექციის შეგროვებას, უკვე გამოსული მონეტებისა და წიგნი-ალბომის შეძენა შეგიძლიათ "ბიბლუსის" მაღაზიათა ქსელში.

ეკა სალაღაია
>>>>>>>>
09 სექტემბერი 2016 20:42
ქართველ ხალხს კიდეც გაგიჟება უნდა?
gega
09 სექტემბერი 2016 13:58
და წიგნის გამყიდველი ამ კოდს თვითონ ვერ დააკვირდება, თუ წიგნს ბოქლომი ადევს. არ იციან როგორ მოატყონ ხალხს. ვინ რას მოგაგებინებთ ეჰ.....
დათო
06 სექტემბერი 2016 11:41
გუშინ დავდე კომენტარი სადააააა?აი კიდევ ვიმეორებ ეს ბოდვაა რადგან გათამაშების არსს ვერ ვიგებთ.

რედაქტორის რჩევით