ბუთურაულის წყარო დიაბეტს არჩენს?!
17-07-2017
ბუთურაულის წყარო დიაბეტს არჩენს?!
"ჩემი ხელით ამოვიტანე უჟანგავი ლითონის ბაკი ბათუმიდან, მეზობლები დავიხმარე და წყაროს წყლით წესიერად რომ ისარგებლონ, ადგილი ისე მოვაწყვე"

თუ შესაბამისმა გამოკვლევებმაც დაადასტურა, შუახევის მუნიციპალიტეტის სოფელ ბუთურაულიდან გამოგზავნილი შეტყობინება შესაძლოა, უნიკალური მოვლენის სათავედ იქცეს - მოსახლეობის თქმით, სოფელში შემთხვევით აღმოჩენილმა წყარომ უამრავი ადამიანი განკურნა დიაბეტისაგან. ჩვენც დავინტერესდით და სოფელ ბუთურაულის რწმუნებულ ამირან მახაჩაძეს ვესაუბრეთ.

- ამ წყაროს ძალა საკუთარ ჯანმრთელობაზე გამოვცადე და მართლაც სასწაული ქნა.

- წყარო როგორ აღმოაჩინეთ?

- სოფელში
ერთი ვაკე ადგილია, ნატბეურებს ვეძახით, ირგვლივ ფერდობებზე მშვენიერი ფიჭვის ტყეებია. სწორედ აქ მინდოდა სიმინდის დათესვა. რახან ყამირი იყო, ფერდობზე ტრაქტორი ჩავიყვანე, მაგრამ ტრაქტორს მიწა ჩაექცა და უზარმაზარი ღრმული გაჩნდა. შევნიშნე, რომ ღრმული შიგნით ნელ-ნელა სველდებოდა წყლით. მივხვდით, რომ მიწისქვეშა წყალს მივადექით.

ტექნიკაზე უარი ვთქვი და
ხელით შევუდექი მიწის დამუშავებას. მუშაობისას ბუნებრივია, დაღლილ კაცს წყალი მოუნდება. ჩემს თავს ვუთხარი, რაღა შინიდან წამოღებული გამთბარი წყალი ვსვათ, აგერ, ეს წყალი დავლიოთ-მეთქი. ცივი წყალი იყო, ოღონდ, ბოლო ყლუპზე გადაყლაპვისას ვიგრძენი, რომ წყალი ჩვეულებრივთან შედარებით, თითქოს ბლანტი იყო. ეს ბიჭებმაც თქვეს, - თითქოს სქელია, მაგრამ, გემრიელია და სანამ ვმუშაობთ, ვსვათო. მაშინ განსაკუთრებული არაფერი მიფიქრია, მაგრამ ერთი ეგ კი იყო, რომ რაღაცნაირად ჩიტივით შევმსუბუქდი. დიაბეტი მაქვს და ხშირად ვგრძნობ სისუსტეს. მოკლედ, სისხლში შაქრის დონე საგანგებოდ გავიზომე და 85 ნიშნულზე აღმოჩნდა. რა თქმა უნდა, იმწამს არ დავიჯერე, რომ ეს წყაროს მოქმედებით მოხდა, მაგრამ რაღაც ეჭვმა გამკრა და შაქრიანი დიაბეტი ვისაც აქვს, ყველას ვთხოვე, - ჩვენი წყაროს წყალი დალიეთ-მეთქი. დალიეს და ყველას სისხლში შაქარი ნორმის ფარგლებში დადგა.

წყალი ლაბორატორიაშიც გავგზავნეთ, მაგრამ გვითხრეს, - მაგის გამოკვლევას დიდი დრო სჭირდებაო. ჩვენ კი არ დაგვიცდია და ეს ამბავი ყველას შევატყობინეთ, ვისზეც ხელი მიგვიწვდა - შაქრიანი დიაბეტით უამრავი ადამიანია დაავადებული. თუკი მათ ვუშველით, ამაზე დიდი წყალობა რაღა უნდა იყოს! ჩემი ხელით ამოვიტანე უჟანგავი ლითონის ბაკი ბათუმიდან, მეზობლები დავიხმარე და წყაროს წყლით წესიერად რომ ისარგებლონ, ადგილი ისე მოვაწყვე.

ამას წინათ, ეს უკვე მეორედ, კახელი კაცი ამოვიდა, ილოცებოდა, - ხუთი წლის შვილი მყავს დიაბეტით დაავადებული და ამ წყალმა მომირჩინაო. ისიც კი გავიგეთ, რომ ვიღაცამ წყალი წაიღო და გაყიდა. ეს არ გამიხარდა - ზეციერის ბოძებულს პირადი კეთილდღეობისთვის არავის დავანებებთ - წყარო ხალხის უნდა იყოს.…

ეთერ ერაძე
24 აგვისტო 2018 11:23
ქარელიდან გახლავართ ჩდვენც ვისარგებლეთ ,,ბუთურაულის"წყლით მაგრამ მაგრამ შედეგი 0,გამოიწვია შაქრის აწევა 400 ამდე თანდათან ძალა მეკარგებოდა და ისევ წამლის სმა დავიწყე.
Nino
15 მაისი 2018 03:22
Ambobs patroni rom ckali ar ikidebao da aba tqven vis uxdit fuls?
მელსი სილაგაძე
13 აპრილი 2018 13:09
ბატონებო დ ქალბატონებო! არ დაიჯეროთ ეს ყველაფერი ბლეფია. შარშან მეც გავბრიყვდი ( ქიმიის დოქტორი გახლავართ) , ტვინი გავუბურღე მეუღლეს და დედულეთ-მამულეთიდან, კერძოდ მარტვილიდან , სადაც ერთი თვე გავატარე დავადექით ბუთურაულის წყაროსკენ მიმავალ გზას. კიდევ კარგი მერსედესის ტიპის ჯიპით ვიყავით. კითხვა-კითხვით მივაგენით დანიშნულების ადგილს, წყარომდე კი ადგილობრივმა მკვიდრმა გვარად მიქელაძემ მიგვიყვანა. ადგილზე მისულს გვიშუამდგომლა კდევაც წყაროს ვითომ მფლობელ " ყოჩთან" ,რომელმაც მკაცრად გაგვაფრთხილა ,რომ ხალხი რიგში დგას და 6 საათი მაინც მოგიწევთ დაცდაო. მოკლედ ბევრი ,რომ არ გავაგრძელო დიდი ცაწყობით მომყიდეს 30 ლიტრი წყალი და გავაგრძელეთ გზა თბილისისკენ გოდერძის უღელტეხილით . დამმოძღვრეს, რომ წამალი არ უნდა მიმეღო და მესვა მხოლოდ ეს წყალი. შაქარმა ძალიან ამიწია და ძლივს გადავრჩი. ამ პოსტს იმიტომ ვწერ, რომ შეცდომაში არ შეხვიდეთ და ჩემსავით არ გაბრიყვდეთ. ის ვაი ქართველები ჩემი აზრით მაგარი გასატყეპები არიან , ასეთი აფიორის აგორებისთვის. მე იქ უამრავი ავადმყოფობით დატანჯული ადამიანი ვნახე საქართველოს სხვადასხვა კუთხიდან, რაც ძალიან სამწუხარო ფაქტია

რედაქტორის რჩევით