"აღენიშნება დამწვრობითი შოკი" - როგორია ქავთარაძის ქუჩაზე აფეთქების შედეგად დაშავებული მამაკაცის ჯანმრთელობის მდგომარეობა?!
"ქავთარაძის ქუჩაზე აფეთქების შედეგად დაშავებული მამაკაცის მდგომარეობა კრიტიკულად მძიმეა, მას სახის, სასუნთქი გზების და ოთხივე კიდურის დამწვრობა აღენიშნება", - ამის შესახებ "ინტერპრესნიუსს" იაშვილის სახელობის თერმული დაზიანებისა და აღდგენით ცენტრში განუცხადეს.
"გაუკეთდა შეხვევა და დაეწყო ინტენსიური მკურნალობა. მოთავსებულია რეანიმაციაში. აღენიშნება დამწვრობითი შოკი, თუმცა პაციენტი კონტაქტურია", - აცხადებენ საავადმყოფოში.
ამასთან, ექიმების ინფორმაციით, მამაკაცს სხეულის 45 %-იანი დამწვრობა აქვს მიღებული. დაზიანებულია სახე, სასუნთქი გზები და ოთხივე კიდური.
"უახლოეს წუთებში დაგეგმილია პაციენტის მართვით სუნთქვაზე გადაყვანა. ოპერაციული ჩარევის შესახებ პროგნოზის გაკეთება ჯერჯერობით რთულია", - აღნიშნეს ექიმებმა.
შეგახსენებთ, რომ ქავთარაძის ქუჩაზე ბუნებრივი აირის აფეთქების შედეგად საცხოვრებელი კორპუსის პირველი სართულის კედელი ჩამოინგრა. დაშავებულია ერთი ადამიანი.