"ძლიერი მეგონა თავი, მაგრამ არ ვყოფილვარ, გიორგიმ მაჯობა..." - რას ყვება გიორგი მახარაძის დედა?
"ჯერ კიდევ ვერ ვხდები, რომ კარგად ვარ... ძალიან რთული პერიოდი გავიარე... ახლა ყველაფერი კარგად არის. უფრო ძლიერი მეგონა ჩემი თავი, მაგრამ არ ვყოფილვარ. გიორგიმ მაჯობა..." - ამის შესახებ მსახიობი გიორგი მახარაძის დედამ თეონა ჩივაძემ "ნანუკა ჟოროლიანის შოუში" ისაუბრა.
"თავიდან დარტყმა იყო სასწაული. სიტყვა ქიმიის ხსენებაზე საერთოდ გადამეკეტა... შევყარე მსოფლიო, მიშველეთ, დამეხმარეთ-მეთქი. ვიფიქრე, რომ დამთავრდა ჩემი ცხოვრება, რომ მითხრეს ავთვისებიანი სიმსიმვნეაო... ერთხელაც 24-საათინი ტირილის შემდეგ შემოვუძახე ჩემს თავს, გიორგისთან მაინც ნუ იმჩნევ-მეთქი", - ამბობს მახარაძის დედა.
მსახიობი გიორგი მახარაძე, რომელსაც რამდენიმე ხნის წინ სიმსივნის დიაგნოზი დაუსვეს, თავს კარგად გრძნობს. თურქეთიდან დაბრუნების შემდეგ, ამის შესახებ მან თავად აცნობა საზოგადოებას "ინსტაგრამის" პირადი გვერდიდან.