"2 500 ლარში იყიდით სახლს, სადაც არ დაგაწვიმთ, არ შეგცივდებათ და..." - მიტოვებულ ოდებს პატრონი გამოუჩნდება?
"2 500 ლარში იყიდით სახლს, სადაც არ დაგაწვიმთ, არ შეგცივდებათ და..." - მიტოვებულ ოდებს პატრონი გამოუჩნდება?
ცოტა ხნის წინ სოციალურ ქსელში გამოჩნდა ადამიანი, რომელიც ხალხს მიტოვებული სოფლის სახლების ყიდვისკენ მოუწოდებს. ყველამ ვიცით, რა ბედი ეწევათ სახლებს, რომელთა კარიც წლობით არ იღება. ამავე დროს ბევრს სოფელი არ აქვს და ასეთ სახლზე ოცნებობს. ამიტომ ლექსო ჩარკვიანის უცნაურ განცხადებას ძალიან ბევრი ადამიანი გამოეხმაურა. აი, რას სთხოვდა ის ინტერნეტმომხმარებლებს:

"იყიდეთ, გთხოვთ. არ არსებობს ადამიანი, ვისაც ერთხელ მაინც არ უთქვამს, ნეტა მომწყვიტა ყველაფერს და სადმე წყნარ ადგილას დამაგდოო. "თაკვერი", ალბათ არ
გეცნობათ, ეს ლეჩხუმია. და რა მინდა ვთქვა, ამ ფოტოებში რასაც ხედავთ, ეს ყველა ლეჩხუმური ოდები და ქილიქიანი სახლებია, რომლის ფასები მერყეობს 2 000 ლარიდან 8 000 ლარამდე. მაგალითად 2 500 ლარში იყიდით სახლს, სადაც არ დაგაწვიმთ, არ შეგცივდებათ და გექნებათ გემრიელი თავშესაფარი მთაში. ნატური ხილი
ეზოში, კარგი ჰაერი, წყალი, ზამთარშიც მშვენივრად გაატარებთ რამდენიმე დღეს. ქუთაისიდან 62 კილომეტრი, ასფალტის საფარია ისეთი წვერს გაიპარსავს კაცი ზედ. მოკლედ, თუ ვინმე დაინტერესდით კონსულტაციას გაგიწევთ, და მოგაწვდით დამატებით ინფორმაციას ამ კუთხეზე, სოფლებზე და სახლებზე."

სოფლად მიტოვებული სახლების პრობლემაზე ლექსო ჩარკვიანს ვესაუბრეთ:

- ჩემ სოფელში, ცაგერის რაიონი სოფელი აღვი - 650 კომლი ცხოვრობდა. ერთ-ერთ ასვლაზე 9 კილომეტრი ისე გავიარე, გზაზე ერთი კაცი არ შემხვედრია. მერე ჩამოვიარე, გადავხედე ხავსებში გახვეულ სახლებს და აღმოვაჩინე, რომ სოფელში სულ ათიოდე ოჯახი ცხოვრობს. მაშინ დამებადა იდეა და დავწერე სტატუსი. სოფელ-სოფელ დავდივარ და ვარჩევ სახლებს, შემდეგ მეპატრონეებს ვუკავშირდები, ვეკითხები - გაყიდიან თუ არა? თანხმობის შემთხვევაში, ფასს მეუბნებიან და მეც ვდებ ჩემს გვერდზე.

- ქილიქიანი სახლი რას ნიშნავს, განგვიმარტეთ?
- ხის სახლია, ძალიან მარტივია მისი დაშლა და აწყობა. ასეთი სახლების კუთხეებში ფიცრები ერთმანეთშია გადაბმული, ჭრილები აქვთ გაკეთებული. ამ ტიპის სახლს ლურსმანი არ სჭირდება. გაგრძელება

ლალი
14 ივნისი 2019 00:40
როგორ დაგიკავშირდეთ აღმოსავკეთში არსად არაა ასეთი სახლები?
ნატო
27 იანვარი 2019 16:04
ოდას რამდენად ვიყიდი და სადმე თუ გაქვთ ინფორმაცია?
ქეთინო
26 იანვარი 2019 20:42
არაჩვეულებრივი საქმეა ნამდვილად ეროვნული გაიხარეტ

რუბრიკის სხვა სიახლეები
როგორ შეაფასებთ საქართველოში დემოკრატიის მაჩვენებელს გასულ წლებთან შედარებით?
თქვენი აზრი მნიშვნელოვანია!
როგორ შეაფასებთ საქართველოში დემოკრატიის მაჩვენებელს გასულ წლებთან შედარებით?
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა