"უცხოელებზე გაყიდული ბინების 53% რუსეთის მოქალაქეებზე მოდის" - რატომ ყიდულობენ რუსები საქართველოში უძრავ ქონებას?
"უცხოელებზე გაყიდული ბინების 53% რუსეთის მოქალაქეებზე მოდის" - რატომ ყიდულობენ რუსები საქართველოში უძრავ ქონებას?
რუსული გამოცემაში "Деловой Петербург" გამოქვეყნდა სტატია, სათაურით: "ქართული რბილი კლიმატი რუსული ხისტი პოლიტიკის წინააღმდეგ - რა იზიდავს რუს ინვესტორებს საქართველოში?"

გთავაზობთ სტატიდან ნაწყვეტებს:

"თბილის-მოსკოვს შორის არსებული რთული ურთიერთობა რუსებს ხელს არ უშლის საქართველოში უძრავი ქონება შეიძინონ. ყიდვას სტიმულს აძლევს ქვეყნის კარგი კლიმატი, ხელსაყრელი ფასები და ფართო საინვესტიციო შესაძლებლობები.

არის რამდენიმე მიზეზი, რატომ უნდა ჩაიდოს თანხები საქართველოში, უძრავი ქონების სფეროში, განსაკუთრებით დღევანდელ სიტუაციაში: კერძო პირებისათვის უძრავი ქონების საყიდლად გადასახადები არაა, გარიგებები
სწრაფად სრულდება, ნებადართულია ბანქოს სათამაშო ბიზნესი, საქართველოს უვიზო რეჟიმი აქვს მსოფლიოს 100 ქვეყანასთან, აქტიურად ვითარდება ტურიზმი, მსოფლიოში განთქმულია ქართული სამზარეულო და მისი გასტრონომიული მრავალფეროვნება, საქართველო სამხრეთ კავკასიის რეგიონში ყველაზე მიმზიდველი ქვეყანაა ინვესტიციების ჩადების თვალსაზრისით", - ამბობს დეველოპერული კომპანია ORBI Group-ის გენდირექტორი ირაკლი კვერღელიძე გაზეთ «Деловой
Петербург»-ის კორესპონდენტთან საუბარში.

იგი ხაზს უსვამს, რომ კერძო საკუთრების უფლება ქვეყანაში წმინდათა-წმინდაა, განსაკუთრებით არის კანონით დაცული და არანაირი პოლიტიკური ასპექტი მასზე არ მოქმედებს. გარდა ამისა, საქართველოში არ არის გადასახადი კაპიტალის მატებაზე, სიმდიდრეზე ან მემკვიდრეობით მიღებულ ქონებაზე, საგადასახადო კოდექსი კი კომპანიებს საშუალებას აძლევს ზარალის გამო მოგების გადასახადების გადახდა ათი წლის ვადით გადაიტანოს.

საქართველოში ცხოვრება, ევროპასა და რუსეთთან შედარებით, საკმაოდ იაფია. თანხის ჩადების ყველაზე პოპულარული სახეა საკურორტო უძრავი ქონება, რომელიც შეიძლება მართოს როგორც მფლობელმა, ასევე დამქირავებელმა კომპანიამაც. "უცხოელები ყველაზე ხშირად საცხოვრებელ სახლებს ბათუმსა და თბილისში ყიდულობენ. ეს, როგორც წესი, საკურორტო უძრავი ქონებაა, დროებითი საცხოვრებელი ბიზნესის წარმოებისთვის ან ე.წ. "სათადარიგო აეროდრომი", - განმარტავენ ORBI Group-ის ექსპერტები.

ზამთრის სპორტის სახეობათა მოყვარულებს საცხოვრებელი ფართის ყიდვა გუდაურში შეუძლიათ, თუმცა იქ შეთავაზება მაინცდამაინც ფართო არ არის - კვადრატული მეტრს 1400 დოლარზე იაფად ვერ იყიდით. ამასთან, სამაგიეროდ, უძრავი ქონებაში დახარჯულ თანხას მალე აანაზღაურებთ: სეზონის დროს დამქირავებელი უფრო მეტია, ვიდრე შეთავაზებელი.

კიდევ ერთი უპირატესობა საქართველოში უძრავი ქონების შეძენის თვალსაზრისით: თქვენ იქ ბინადრობის უფლება ძალზე იოლად შეგიძლიათ მიიღოთ - საკმარისია მხოლოდ ქვეყნის ეკონომიკაში დააბანდოთ 110 ათასი დოლარი ან იყიდოთ უძრავი ქონება 35 ათას დოლარად.

საქართველოს საჯარო რეესტრის მონაცემების მიხედვით, 2012-2016 წლებში რუსეთის მოქალაქეებმა 18 ათასი ობიექტი შეიძინეს, ანუ მათ წილზე მოდის უცხოელებზე გაყიდული საცხოვრებელი ბინების 53%". წყარო


მოამზადა სიმონ კილაძემ

simartle
10 სექტემბერი 2018 20:41
ილკარ-ს
აუცილებლად ვინმე კოცონზე უნდა დაწვან და ერთ-ერთი ფეხბურთელი უნდა დააკუწმაწონ რომ დაინახოთ?ფაშიზმი მარტო ოსვენციმი და დახაუ არ არის,ფაშიზმი მსოფლმხედველობაა როცა სხვა (ფერის,ეროვნების,სარწმუნოების) ადამინი მიგაჩნია დამნაშავედ შენს უბედურებაში და დარწმუნებული ხარ,რომ მათ თუ მოიცილებ(მოკლავ,დაწვავ,ჩაქოლავ)მაშინ აყვავდები და ცხოვრება ვარდისფერი გახდება.სხვა დეფინიცია თუ გაქვთ,მომწერეთ,მეც იქნებ დაგეთანხმოთ.როცა 35 ლიტრა ღვინის დალევის გარდა არაფერი შეგწევს,თუმცა ამ დროს შენი მეუღლე საბერძნეთში მოხუცს საჯდომს უწმინდავს(არ ეგ არის სათაკილო,მაგრამ...) და მიგაჩნია რომ პლეხანოვზე თუ თურქული რესტორნები დაარბიე და ამით გეშველება-ან იდიოტი ხარ,ანდა უბრალოდ მოფაშისტე ბრბოს წარმომადგენელი(თქვენ პირადად არ მყევხართ მხედველობაში).
ჯერ თვითონ იდეა,რომ რუსი სჯობია თურქს,ირანელს,სირიელსა თუ სომეხს,ითვალისწინებს იმას რომ დღევანდელი გადასახედიდან სწორე უქნია რუსეთს რომ აფხაზეთი და სამაჩაბლო წაიღო(მაინც ჩვენები არიან და რა მნიშვნელობა აქვს თუ სად იქნება აფხაზეთი)
მოკლედ,თუ გსურთ,ნუ დამეთანხმებით,მაგრამ ამ დუგინის ფულით მუცელგასიებულ შავოსნებსა და მათ მეთაურებს(კორკოტაშვილ,ბრეგაძეებიანდ) ფაშისტსაც ვერ დაარქმევ.ეგენი უბრალოდ ფულის მეძავეები არიან ,ასე იცის მუდმივმა უსაქმურობამ და ლოთობამ,ფული სჭირდებათ და რა ქნან?
ილკარი
10 სექტემბერი 2018 15:31
სიმართლეეე,- მოდი რააა არგინდა სიტყვა ფაშიზმის ასე პანტაპუნტად ძახილი და ეს შენი ვითომ ტოლერატული დვიჟენიების ჩაკვეხება იქ სადაც არაა მისი ადგილი... ქვეყანაში რო..დომხალია რა ვერხედავ..
simartle
10 სექტემბერი 2018 01:16
აააა-ს
და რითი სჯობია? ჩერნოჟოპი აბეზიანად რომ გეძახის?ანდა საერთოდ რას ნიშნავს,რომ ეს ერი იმას სჯობია?ფაშიზმზე გაგიგიათ რამე?ვინ გაგზარდათ?და თუ გაგზარდათ,სად?
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.

რუბრიკის სხვა სიახლეები
თქვენი აზრით, არსებობს თუ არა დღეს საქართველოში კორუფციის პრობლემა  ხელისუფლებაში?
თქვენი აზრი მნიშვნელოვანია!
თქვენი აზრით, არსებობს თუ არა დღეს საქართველოში კორუფციის პრობლემა ხელისუფლებაში?
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
ბლოგერები
თვის კითხვადი სტატიები