"ჯერ არ იციან ქორწილს სად გადაიხდიან" - რას ჰყვება ბიძინა ივანიშვილის ოჯახის ახლობელი? - კვირის პალიტრა

"ჯერ არ იციან ქორწილს სად გადაიხდიან" - რას ჰყვება ბიძინა ივანიშვილის ოჯახის ახლობელი?

"დღესაც ვესაუბრე და... ბიძინა ივანიშვილი ძალიან ოპტიმისტურად არის განწყობილი"

საყოველთაოდ ცნობილია, მხატვარი ნიკუშა შენგელაია და მისი მეუღლე ეკა ჭიჭინაძე ბიძინა ივანიშვილის ოჯახთან განსაკუთრებულად მეგობრობენ. ეკა ჭიჭინაძე ამჟამად ამერიკაში იმყოფება, მაგრამ, როგორც ამბობს, ივანიშვილებთან ტელეფონით ხშირად საუბრობს. ესაუბრა თუ არა ბიძინა ივანიშვილს ბოლო ხანს გავრცელებულ ფარულ ჩანაწერებსა და გიორგი შენგელაიას მწვავე კრიტიკაზე? - ამ საკითხებზე ქალბატონი ეკა აშშ-დან გვესაუბრება.

- მართალი გითხრათ, ბიძინა ივანიშვილს ფარულ ჩანაწერებზე საუბარს არც ვაკადრებ! ეს ყველაფერი ჩვეულებრივი "ნაცური" მეთოდებია და ასეთი ჩანაწერებით და ბოდვებით ბევრი წელია თავს იგიჟებენ! აბა, ჩვენ არ გვჯერა ამ დადგმული სპექტაკლების და თვითონ ერთმანეთში განიხილონ გაკვირვებული სახეებით... არ არსებობს ადამიანი, რომ ამ ტუტუცური ჩანაწერების შემდეგ, წავიდეს და გრიგოლ ვაშაძეს მისცეს ხმა! ეს ხომ სასაცილოა?! ასე, რომ სულ ტყუილად ირჯებიან! ვფიქრობ, ისე დაღალეს და დაზაფრეს ხალხი, რომ ვინც არ აპირებდა არჩევნებზე წასვლას და ინდეფერენტულად იყო განწყობილი ან ოცნებით უკმაყოფილო, ყველას ერთი სული აქვთ ხმა მისცენ სალომეს და დამთავრდეს ეს კოშმარი! მე, მგონი, ესენი სალომეს პიარით არიან დაკავებულები... არ ვიკადრებ ვინმე ცუდად და უზრდელად მოვიხსენიო, რადგან ვითვალისწინებ, რომ ვიღაცას შვილი ყავს, დედა, მამა და ასე შემდეგ და და ამიტომ, ვფიქრობ, მორალური უპირატესობა არის ჩვენსკენ. ვიცი, რომ ყველაფერი მიდის ისე, როგორც საჭიროა. ხომ გაგიგიათ, კატამ თხარა თხარაო... ვშიშობ, "ნაციონალები" დიდ კატას გამოთხრიან...

ერთსაც დავამატებდი, ეს პატარა კაცუნები ბიძინას მასშტაბებს ვერ ათვითცნობიერებენ... დღესაც ვესაუბრე ეკას. რაც შეეხება ქვეყნის ამბებს, ოპტიმისტურად არიან განწყობილნი ისიც და ბატონი ბიძინაც. თუ ტელევიზორს გამოვრთავთ, მივხვდებით რომ არც ისე ცუდად არის საქმე. ისე ჩვენი მოპოვებული დემოკრატიით და სიტყვის თავისუფლებით ძალიან სარგებლობენ "ნაცები"! აბა, ამდენს ვინ გაბედავდა მაგათი მმართველობისას!? მეთოდები გაუცვდათ, აგრესიის, ტყუილების და ძალადობის მეტი არაფერი არ იციან...

- ბერას საცოლე გაიცანით, სად გეგმავენ ქორწილს?

- თითქმის ერთი თვეა ამერიკაში ვარ და მარტო მილოცვა მოვახერხე, ქორწილი არ გამომაპაროთ-მეთქი, - ეკას ვუთხარი... ჯერ არ იციან ქორწილს სად გადაიხდიან. ბერა ივანიშვილი საცოლესთან, ნანუკა გუდავაძესთან ერთად ძალიან ლამაზი გოგოა ბერას რჩეული, კარგი ოჯახიშვილი! ბერა კი არაჩვეულებრივი ბიჭია, კარგი, ნიჭიერი, იუმორის საუკეთესო გრძნობით... მთელი ოჯახი ბედნიერია ამ სიახლით.

- თქვენმა მამამთილმა გიორგი შენგელაიამ ბიძინა ივანიშვილი მწვავედ გააკრიტიკა, ეს ბიძინა ივანიშვილს არ სწყინს?

- ეს ამბავი ძალიან ვინერვიულე და განვიცადე, მაგრამ ბიძინამ და ეკამ იქით დამაწყნარეს, გიორგიაო მაინც, თან მოხუციაო...

- გიორგი შენგელაიას პრეზიდენტობის სურვილს როგორ შეხვდით?

- არასერიოზულია... ვიცინეთ მე და ნიკუშამ, მაგრამ ვერ მოვერიეთ, ვერ გადავაფიქრებინეთ, ბოლოს თვითონაც მიხვდა...

- "ფეისბუკში" პროფილის ფოტოდ სალომე ზურაბიშვილის საარჩევნო ნომერი - 48 გაქვთ დაყენებული...

- კი, მე ვარ სალომე ზურაბიშვილის მხარდამჭერი! ვიცი რომ გაიმარჯვებს გაამართლებს! გვარამიას კიდევ ვეტყვი, ჰა, დამიმახსოვროს... ეკა ჭიჭინაძე, ბიძინა ივანიშვილთან, მის ეუღლესთან - ეკა ხვედელიძესა და სალომე ზურაბიშვილთან ერთად საუბრის დასასრულ, ბიძინა ივანიშვილის ოჯახზე ვიტყოდი, რომელსაც მე არ ვაიგივებ პოლიტიკასთან! ეს დიდი ქველმოქმედი ოჯახია და არავინ იცის რამდენ სიკეთეს აკეთებს მარტო ეკა! ძალიან დიდ პატივს ვცემ და მინდა მადლობა გადავუხადო იმისთვის, რასაც ჩემი ქვეყნისთვის აკეთებენ! რაც ვიცით, ვიცით, რაც არ ვიცით, ეს კიდევ სხვაა... ასეთ ადამიანებს ნებისმიერ ქვეყანაში დიდი პატივით მოიხსენიებენ. ამას რომ მივხვდეთ, როგორც ჩანს, ცოტა კიდევ უნდა გავიზარდოთ!

იხილეთ ასევე: "ჩხარტიშვილთან, სუფრაზე მე გახლდით თამადა... ბერა დავლოცეთ, ბატონი ბიძინა ძალიან გახარებულია"