როდიდან ამოქმედდება ნორმა, რომლის მიხედვითაც ნარკოტიკის ზემოქმედების ქვეშ მანქანის მართვა პატიმრობით დაისჯება - კვირის პალიტრა

როდიდან ამოქმედდება ნორმა, რომლის მიხედვითაც ნარკოტიკის ზემოქმედების ქვეშ მანქანის მართვა პატიმრობით დაისჯება

მომავალი წლის 1-ელი აპრილიდან შევა ძალაში ნორმა, რომლის მიხედვით, სატრანსპორტო საშუალების ნარკოტიკული ნივთიერების ზემოქმედების ქვეშ მართვა სისხლის სამართლის წესით - ჯარიმით ან თავისუფლების ერთ წლამდე აღკვეთით დაისჯება.

ნორმის ამოქმედების ახალი თარიღი იურიდიულ საკითხთა კომიტეტის სხდომაზე განისაზღვრა, სადაც კანაფის მოხმარებასთან დაკავშირებული სამართლებრივი რეგულაციები დღეს მესამე მოსმენით განიხილეს.

“კანონპროექტის განხილვის პროცესში დაისვა კითხვები, იყო თუ არა მზად სამართალდამცავი ორგანო შესაბამისი ტესტებითა და შემოწმების შესაბამისი პროცედურისთვის. ეს ნორმა 2019 წლის აპრილამდე არ ამოქმედდება. იქამდე მოხდება სრულად მომზადება, მოწესრიგდება, რათა მძღოლის შემოწმება კანონის სრული დაცვით მოხდეს და მოესწროს მოქალაქეთა ინფორმირებულობა“, - განაცხადა იურიდიულ საკითხთა კომიტეტის თავმჯდომარემ ეკა ბესელიამ.

"ინტერპრესნიუსი"