"ვიყავი ქორწინებაში, რომელიც მალე დამთავრდა... ამ პერიოდზე კარგი მოგონებები არ მაქვს"
15-11-2018
"ვიყავი ქორწინებაში, რომელიც მალე დამთავრდა... ამ პერიოდზე კარგი მოგონებები არ მაქვს"
პარლამენტარი სალომე სამადაშვილი მიიჩნევს, რომ თავისი ასაკის კვალობაზე ბევრი რამ მოასწრო, თუმცა კიდევ უფრო მეტის გაკეთებაც შეეძლო. წუხს, რომ ამ ბოლო დროს სოციალურ ქსელში გავრცელდა დეზინფორმაცია, თითქოსდა მან განაცხადა, რომ ჩვენი ქვეყნის ყველაზე დიდი პრობლემა პატრიარქი და ეკლესიაა და რომ "ნაციონალური მოძრაობა" გრიგოლ ვაშაძის გამარჯვების შემთხვევაში სამუდამოდ შეუკრავს ხელ-ფეხს ეკლესიას. საუბრისას აღნიშნა, რომ ფულს დაუნანებლად ხარჯავს წიგნებსა და ფეხსაცმელში და როგორც მივხვდი, ფულის უძრავ ქონებაში დაბანდებაზეც არ ამბობს უარს.

გთავაზობთ
ამონარიდებს ჟურნალ "გზაში" გამოქვეყნებული ინტერვიუდან:

"18 წლისა ვიყავი და დამოუკიდებლად ცხოვრებამ დიდი როლი ითამაშა ჩემს ჩამოყალიბებაში, თუმცა ეს იოლი ნამდვილად არ ყოფილა. რთული იყო ოჯახთან, მეგობრებთან განშორება, 5 დოლარი ღირდა 1 წუთი საუბარი და ხშირად ვერ ვეკონტაქტებოდი ჩემიანებს, მაგრამ ყველაფერს აქვს თავისი დადებითი და უარყოფითი
მხარეები და ყველაფერს აქვს თავისი ფასი. ბევრი სირთულე გამოვიარე, მაგრამ საბოლოოდ ღირდა, რადგან მომეცა შესაძლებლობები, რაზედაც ჩემს ქვეყანაში ვერც ვიოცნებებდი..."

"მე ვიყავი ქორწინებაში, რომელიც მალე დამთავრდა და შემიძლია გითხრათ, რომ ჩემი ცხოვრების ამ პერიოდზე მაინცდამაინც კარგი მოგონებები არ მაქვს..."

"ისეთი შემთხვევა, რომ გამოწვევების წინაშე დავმარცხებულიყავი, ნამდვილად არ მახსენდება. მიმუშავია ომის ზონაში, ლიბიაში, მის დედაქალაქ ტრიპოლში მაშინ, როცა ყველა დიპლომატიური სამსახური ევაკუირებული იყო, ფაქტობრივად, სიცოცხლის რისკის ფასად. ალბათ ყველაზე რთული იყო, როდესაც ჩავდიოდი ისეთ რეგიონში, სადაც შეიძლებოდა ისლამურ სახელმწიფოს გავეტაცებინე და მოვეკალი; სადაც დაუცველი ვიყავი..."

"მაღალი ხელფასი მქონდა, ფაქტობრივად, სიცოცხლის რისკის ანაზღაურება ამით ხდებოდა. სიცოცხლე დაზღვეულიც კი მქონდა და ყველაფერი ჩემს ძმაზე გადავაფორმე, სხვათა შორის, ანდერძიც დავწერე. ჩემი ძმაცა და ძმისშვილებიც ირლანდიის მოქალაქეები არიან და ამიტომაც გადავწყვიტე, მთელი ჩემი დანაზოგით (და ამაში მშობლებიც დამეხმარნენ) ირლანდიაში სახლი მეყიდა..." (იხილეთ სრულად)

მათე
18 ნოემბერი 2018 16:02
იყავით ბედნიერი, ღირსი ხართ!
მერი
17 ნოემბერი 2018 01:22
ჭკვიანი და ღირსეული ადამიანი , გვიმრავლოს ასეთები
მზეონა რატიანი
17 ნოემბერი 2018 00:37
ასეთი განათლებული და პოლიტიკურად ბეცი მართლა იშვიათობაა,ამას კიდევ დემაგოგობაც ემატება და ამთ ფარავთ იმას,რითიც წესით უნდა ამაყობდეთ.... თვალი გაახილე სალომე და აცალე ადამიანებს ლაპარაკი, პირში რომ ახტებით ყველას,ამით თავს იმცირებთ და სასაციო პოზაში იგდებთ.

რედაქტორის რჩევით
რუბრიკის სხვა სიახლეები