როგორი ამინდი იქნება საქართველოში 16-19 დეკემბერს - კვირის პალიტრა

თელავში ხვალ უნალექო ამინდი იქნება. დილის საათებში შესაძლებელია ღრუბელი და ნისლი, ჰაერის ტემპერატურა 7-8 გრადუსამდე გათბება.

როგორც გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ განაცხადა, უახლოეს დღეებში საქართველოს ცალკეულ რაიონებში მოსალოდნელია მცირე ნალექი, მაღალ მთაში თოვლის სახით.

"19 დეკემბერის ჩათვლით დასავლეთ საქართველოს დაბლობში დათბება და ღამით 3-8 გრადუსი სითბო იქნება, დღისით 15 გრადუსი. მთიან რაიონებში ღამე მოსალოდნელია -4; +1, დღისით 5-10 გრადუსი სითბო. მაღალმთიან რაიონებში ღამე მოსალოდნელია -7;-2 გრადუსი, დღისით კი 0-5 გრადუსი სითბო. 17-19 დეკემბერს, აღმოსავლეთ საქართველოს ბარში ჰაერის ტემპერატურა 0-5 გრადუსია მოსალოდნელი, დღისით 4-9 გრადუსი სითბო იქნება“, - განაცხადა დოდო გვზავამ.

მისივე ინფორმაციით, ყინვაა ასევე მოსალოდნელი აღმოსავლეთ საქართველოს მთიან რაიონებშიც.

"რაც შეეხება დედაქალაქს, თბილისში 16 დეკემბერს ღრუბლიანი ამინდი იქნება, უმეტესად უნალექოდ. ხვალ ტემპერატურა 9 გრადუსამდე მოიმატებს, ღამით კი მოსალოდნელია 1-3 გრადუსი სითბო. 17-19 დეკემბერს ჰაერის ტემპერატურა დაიკლებს და 5-7 გრადუსის ფარგლებში იქნება“, - განაცხადა დოდო გვაზავამ.

"ინტერპრესნიუსი"