გაგარინის ქუჩაზე ხანძრის შედეგად 52 წლის ირანელი ქალი დაიღუპა
თბილისში, გაგარინის ქუჩაზე საცხოვრებელი კორპუსის მე-3 სართულზე მომხდარი ხანძრის შედეგად 52 წლის ქალი დაიღუპა. ამის შესახებ "ინტერპრესნიუსს" საგანგებო სიტუაციების მართვის სამსახურში განუცხადეს. მათი ინფორმაციით, გარდაცვლილი ირანის მოქალაქეა. შემთხვევა გამთენიისას მოხდა.
"ხანძარმა კორპუსში დიდი დაკვამილანება გამოიწვია. მეხანძრე-მაშველებმა და პოლიციის თანამშრომლებმა მოქალაქეები კორპუსიდან უსაფრთხოდ გამოიყვანეს. კორპუსში ნაპოვნია 52 წლის ქალის ცხედარი, რომელიც ირანის მოქალაქეა", - განმარტეს საგანგებო სიტუაციების მართვის სამსახურში.
მათივე თქმით, ადგილზე მობილიზებული იყო 6 სახანძრო-სამაშველო ბრიგადა. მომხდარზე შინაგან საქმეთა სამინისტრომ გამოძიება 188-ე მუხლის მე-3 ნაწილით დაიწყო, რაც გულისხმობს ქმედებას, რამაც გამოიწვია ადამიანის სიცოცხლის მოსპობა ან სხვა მძიმე შედეგი.
"ინტერპრესნიუსი"