რუსეთი ოკუპანტია !
"მოპარულ საყურეებსა და სხვა სამკაულებს თურმე ხმარობდა კიდეც" - ვინ გაქურდა ირინა ონაშვილი?
28-02-2019
"მოპარულ საყურეებსა და სხვა სამკაულებს თურმე ხმარობდა კიდეც" - ვინ გაქურდა ირინა ონაშვილი?
სამართალდამცველებმა "მის საქართველო 2003"-ის, ირინა ონაშვილის ბინის გაქურდვის ბრალდებით 39 წლის ქალი დააკავეს. დაკავებული ონაშვილის სახლში დამხმარედ მუშაობდა. როგორც ირკვევა, სახლიდან დაახლოებით, 10 000 ლარის ღირებულების ოქროს სამკაულებია წაღებული. მოდელი ირინა ონაშვილი ადასტურებს, რომ განცხადება პოლიციაში თავად შეიტანა და სამართალდამცავებმა მისი განცხადების შემდეგ ოპერატიულად დააკავეს ბრალდებული.
ჟურნალი "გზა", რომელიც ესაუბრა ირინა ონაშვილს, მომხდარის დეტალებს აქვეყნებს. გთავაზობთ ამონარიდებს:

როგორც ირკვევა, ქალს მოპარული ნივთები გაყიდული არ ჰქონდა. ნაწილი სახლში უპოვეს, ნაწილს სად ინახავდა
ისიც მითითებული აქვს, რომელიც როგორც ნივთმტკიცებები საქმეს დაერთო. იმასაც ამბობენ, რომ "მოპარულ საყურეებსა და სხვა საკმაულებს თურმე ხმარობდა კიდეც". ქურდობაში ბრალდებულ ახალგაზრდა ქალს სასამართლომ წინასწარი პატიმრობა უკვე შეუფარდა. ბრალის დამტკიცების შემთხვევაში, დამნაშავეს, რომელიც 3 მცირეწლოვანი შვილის დედაა, 6-დან 9 წლამდე თავისუფლების აღკვეთა ემუქრება.

ირინა ონაშვილი:
თავიდანვე მქონდა ეჭვი, მაგრამ არ ვიცი, რატომ დავაგვიანე პოლიციაში გაცხადება. შევიკავე თავი, მაგრამ ფიქრებმა არ მომასვენა. საბოლოოდ დავრწმუნდი, რომ ეს დანაშაული მისი ჩადენილი იყო და განვაცხადე. მალევე დააკავეს, ნივთები ამოღებულია, მოხდა ნივთების ამოცნობა და როგორც ვიცი, ყველა ჩემი ნივთი გამოძიებას აქვს.

- ნივთები ხელმისაწვდომ ადგილას გქონდათ? ყველაფერი ერთდროულად დაიკარგა თუ ოქროულობა ნაწილ-ნაწილ გაჰქონდა სახლიდან?
- ხელმისაწვდომ ადგილას მქონდა ეს ნივთები. არ ვიცი, ერთიანად გაატანა თუ ნაწილ-ნაწილ. მე ერთდროულად აღმოვაჩინე, რომ აღარ მქონდა. ამის შემდეგ, ის მოულოდნელად წავიდა ჩვენი სახლიდან, არანაირი ახსნა-განმარტება არ გაუკეთებია, არც ის უთქვამს, რომ მიდიოდა. მე ვურეკავდი ტელეფონზე, გათიშული ჰქონდა და ვერ ვუკავშირდებოდი. როგორც ახლა ვიგებ, ჩვენი სახლიდან წასვლის შემდეგ ის საზღვარგარეთ იყო სამი თვით წასული და მერე დაბრუნდა.

ინტერვიუს სრულად ჟურნალ "გზის" 28 თებერლის ნომერში წაიკითხავთ.

თეა ხურცილავა


სოფი
25 მარტი 2019 10:24
არანაირად არაა "ცოდო" თქვენთვის რომ გაეკეთა იგივე, შეიცოდებდით ? მეტის ღირსია უნამუსო ქალი..შერცხვეს მთელი ცხოვრების მანძილზე ამ საქციელით !!!
yvelas
01 მარტი 2019 16:46
tumca es ikneba gakvetili yvelastvis
maia
01 მარტი 2019 16:32
ras kvia codoa sami shvilis deda adamiani ojaxs andobda da ndoba borotad gamoiyena zustadac sasjelis girsia nemsis qurdi da aqlemis qurdi orive qurdia

რედაქტორის რჩევით
თქვენი აზრით, ვის ეკისრება პასუხისმგებლობა რუსთაველის გამზირზე 20-21 ივნისს განვითარებულ მოვლენებზე?
თქვენი აზრი მნიშვნელოვანია!
თქვენი აზრით, ვის ეკისრება პასუხისმგებლობა რუსთაველის გამზირზე 20-21 ივნისს განვითარებულ მოვლენებზე?