შაგუს "მესამე ანგელოზი"
11-03-2019
შაგუს "მესამე ანგელოზი"
ფოტო:ილო ბეროშვილი და ანი ბებია
"ჩემი ცხოვრების ამ ეტაპზე მთავარი ანი და ბავშვებია"

"ჩემი ცოლის დაქალებიდან" შაგუს ცხოვრებაში ანი ბებიას გმირის გამოჩენასთან ერთად მითქმა-მოთქმა დაიწყო, რომ ანიმ ილო ბეროშვილის ცხოვრებაშიც მნიშვნელოვანი ადგილი დაიმკვიდრა. "აქამდე ჩემს ცხოვრებას ჩემი შვილების სახით ორი ანგელოზი ალამაზებდა, ახლა მესამე ანგელოზიც შემოგვემატა," - ამბობს ილო. ჩემი ინტერვიუ სწორედ "მესამე ანგელოზთან" დაკავშირებული სიახლეებით დავიწყე.

- ერთმანეთი ერთი წლის წინ გავიცანით, როდესაც რადიო "ჯაკოში" დავიწყე მუ­შაობა. გადაცემის თემა"ჯანსაღი­ ცხოვრების წესი იყო და ანი
სტუმრად მოვიდა. როცა ჩვენი პირველი შეხვედრის ამბავს იხსენებს, ამბობს, რომ დავინახე, ვიფ­იქრე, ეს უზრდელი ვინ არის, არც მომესალმაო. არადა, ისე მომეწონა, დავიმორცხვე და უხერხულობისგან ტელეფონში ჩავიხედე, თან ვფიქრობდი, ნეტავ ვინ არის ეს გოგო­-მეთქი.­ თან ლამაზი იყო, თან გემოვნებით ეცვა. კარგი რესპონდენტიც აღმოჩნდა­ - თავმდაბალი, გულწრფელი,
რაც იშვიათობაა. ეთერის შემდეგ მივწერე, რა კარგი რესპონდენტი ხარ-მეთქი, მეტი არაფერი... ორი-სამი თვის შემდეგ კიდევ მოვიკითხე­ და მანაც მიპასუხა. მერე მართლა­ დავმეგობრდით, მისი მონაწილეობით სპექტაკლს დავესწარი. ასე ნელა-ნელა მეგობრობა ახლანდელ ურთიერთობაში გადაიზარდა.

- თქვენს დღევანდელ ურთიერთობას ზუსტად რა ჰქვია?
- დღეს ერთად ვართ. ცოლქმრობა­ ჩვენთვის შემდეგ ეტაპზე გადა­სვლის­ თემატიკა არ არის. ეს სტატუსი არ ასერიოზულებს ჩვენს ურთიერთობას. ისედაც სერი­ოზული ურთიერთობა გვაქვს, ამაზე მეტი, არ ვიცი, რა შეიძლება იყოს. მთავარია, მიყვარს, ვუყვარვარ და ვცხოვრობთ ბედნიერად. დანარჩენი რა იქნება, კაცმა არ იცის.

- სერიალ "ჩემი ცოლის დაქალებში" ანი ბებია თქვენი ინიცია­ტივით გამოჩნდა?
- ანი მანამდეც მონაწილეობდა "ფორმ­ულა­ კრეატივის" სერიალში "ხელოვნური სუ­ნთ­ქვა",­ "ჩემის ცოლის დაქალებშიც" ჰქონდა ეპიზოდი და კარგად იცნობდნენ კასტინგმენეჯერებიც და რეჟისორებიც. გაუჩნდათ იდეა, რომ შაგუს ახალი გატაცება ანის განესახიერებინა.
გავგიჟდი, ეს რომ გავიგე. ამ დროს უკვე ერთად ვიყავით და გა­დაღება­ზეც ერთად მივედით. სულ მეხუმრებიან, ანი რომ მოდის,­ იმ გადაღებაზე უფრო ხალისიანი ხარო.
ილო ბეროშვილი შვილებთან ერთად
- რამდენი ხანია, ერთად ხართ?
- შვიდი თვეა. წარსულში ანისაც ჰქონდა ოჯახი. ჩემი შვილები და ანი კარგად უგებენ და ძალიან შეუყვარდათ ერთმანეთი.

- ოჯახში მოვალეობები განაწილებული გაქვთ?
- მე მიყვარს საჭმლის მომზადება, თუმცა ცოტა ფეთხუმი ვარ და ანი რაღაცებს არ მაკარებს, მაგალითად, ჩემი დარეცხილი ჭურჭლით მტერმა დალია ყავა, მაგრამ ჩემი მომზადებული ბოლონეზე ყველ­აზე გემრიელია დედამიწაზე. ამას ანიც აღიარებს.

ძალიან ვგავართ ერთმანეთს - ტემპერამენტით, ხასიათით, გარეგნობითაც კი გვამსგავსებენ, ხშირად უთქვამთ, და-ძმასავით­ ხართო. შეიძლება ბევრს ჰგონია­, რომ მე ოჯახშიც ისეთივე მარტივი ვარ, როგორიც ეკრანზე, თუმცა სინამდვილეში­ მძიმე­ ხასიათი­ მაქვს. მე და ლუი დე ფიუნ­ესი ეგეთები ვართ. პირდაპირი ვარ, ეს მინუსია­ თუ პლუსი, არ ვიცი, მაგრამ რაც მომდის თავში, ყველაფერს ვეუბნები. ასეა ანიც.

- "ჩემი ცოლის დაქალების" მომდევნო სეზონში ორივეს გიხილავთ?
- მე რამდენიმე გადაღება უკვე მქონდა.­ ანის გმირს რა ბედი ელის, ჯერ მხოლოდ რეჟისორმა და სცენარისტმა იციან.
ვცდილობ, დიდი დრო გავატარო ჩემს შვილებთან. პარასკევი-შაბათი­-კვირა ერთად­ ვერთობით მე, სესილი და ევა. ჩემი ცხოვრების ამ ეტაპზე მთავარი­ ანი და ბავშვებია. თავისუფალ დროს ვსეირნობთ.

ანი 27 წლისაა, მე - 37-ის, მაგრამ არ მეტყობა. ხუმრობა იქით იყოს და, ყველამ კარგად მიიღო ჩვენი დაწყვილების ამბავი,­ გვილოცავენ, გვეფერებიან, გვეუბნებიან, რომ ჩვენგან დადებითი ენერგია მოდის.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით