თემქაზე მე-7 სართულიდან 4 წლის ბავშვი გადმოვარდა
თბილისში, თემქაზე საცხოვრებელი სახლის მე-7 სართულიდან 4 წლის ბავშვი გადმოვარდა და გადარჩა. როგორც "ინტერპრესნიუსს" სასწრაფო სამედიცინო სამსახურის პრესსამსახურში განუცხადეს, მცირეწლოვანი ბავშვთა მე-3 საავადმყოფოში ტრავმებით გადაიყვანეს. ამ წუთებში ბავშვს გამოკვლევები უტარდება.
მომხდარზე გამოძიება სისხლის სამართლის კოდექსის 124-ე მუხლით მიმდინარეობს, რაც ჯანმრთელობის ნაკლებად მძიმე ან მძიმე დაზიანებებს გაუფრთხილებლობით გულისხმობს.
"ინტერპრესნიუსი"