"მოდი და მოგვიხადე გენაცვალე ბოდიში!" - ლევან ვასაძე გიორი გახარიას მიმართავს
"მოდი და მოგვიხადე გენაცვალე ბოდიში!" - ლევან ვასაძე გიორი გახარიას მიმართავს
ვეძახი გიორგი გახარიას - რომ მიხვედი შე კაი კაცო და ბოდიში ნარკომანებს უხადე, აგერ ვდგავართ ჩვენ - მოდი და მოგვიხადე გენაცვალე ბოდიში! თქვი, რომ მაპატიე, რომ აქამდე მივიყვანე ჩვენი ისედაც გაწვალებული საზოგადოება, - ამ სიტყვებით შს მინისტრს მთავრობის კანცელარიასთან მყოფმა ბიზნესმენმა ლევან ვასაძემ მიმართა.

"რა უფლებით დააკავეს ჩვენი აღშფოთებული თანამოქალაქეები - ნარკომანებთან და პერვერტებთან ხომ უყვართ ბოდიშების მოხდა, მოვიდნენ და მოგვიხადონ ბოდიში! მაინცა და მაინც ისე უნდა ვხაოდეთ და ვღნაოდეთ,
როგორც ნარკომანები ღნაოდნენ ამ მოედანზე?!", - განაცხადა ლევან ვასაძემ.

ვასაძემ კიდევ ერთხელ განაცხადა ისიც, რომ საელჩოების მხრიდან ადგილი აქვს ეკლესიასა და საზოგადოებაზე უპრეცედენტო ზეწოლას, რაც მისი შეფასებით, გაუგონარი თავხედობაა.

"ამ ღონისძიებას არ ჩავატერებინებთ, მთელი მსოფლიოს ამერიკელი ელჩები რომ ჩამოვიდნენ", - აღნიშნა ლევან ვასაძემ.

"ინტერპრესნიუსი"
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები