გიურზამ უკბინა ნასვამ მამაკაცს, რომელმაც ქვეწარმავალი დაიჭირა და ეთამაშებოდა
15-07-2019
გიურზამ უკბინა ნასვამ მამაკაცს, რომელმაც ქვეწარმავალი დაიჭირა და ეთამაშებოდა
რუსთავში, 40 წლამდე ასაკის მამაკაცს გველმა უკბინა. სასწრაფო სამედიცინო დახმარების ბრიგადა მამაკაცი რუსთავის ცენტრალურ საავადმყოფოში გადაიყვანა.

როგორც "ინტერპრესნიუსს" სასწრაფო სამედიცინო დახმარების ცენტრში განუცხადეს, მამაკაცმა, რომელიც ნასვამ მდგომარეობაში იყო, ქვეწარმავალი სახლის ეზოში დაიჭირა და ეთამაშებოდა, რა დროსაც გიურზამ ხელზე უკბინა.

რუსთავის საზოგადოებრივი ჯანდაცვისა და უსაფრთხო გარემოს ცენტრის ხელმძღვანელის დავით ბეგაშვილის ინფორმაციით, მამაკაცს გიურზამ ხელზე ორჯერ უკბინა, ის დროულად იქნა გადაყვანილი საავადმყოფოში, ჩაუტარდა შესაბამისი აცრა და მის სიცოცხლეს საფრთხე არ ემუქრება.

დავით
ბეგაშვილი მოსახლეობას მოუწოდებს, ქვეწარმავლის ნახვის შემთხვევაში თავად ნუ შეეცდებიან მის დაჭერას და დარეკონ შესაბამის სამსახურში, რომელიც 24 საათის განმავლობაში მუშაობს.

"ინტერპრესნიუსი"


რედაქტორის რჩევით