"სულ დიმას თვალები მიდგას თვალწინ... გული მტკივა, ასე რომ წავიდა"
"სულ დიმას თვალები მიდგას თვალწინ... გული მტკივა, ასე რომ წავიდა"
"ფილმშიც ისეა, რომ ტბაში თევზებთან მიდის და ამ ცხოვრებამაც არ მისცა საშუალება, ზემოთ ეტივტივა..."

მხატვრული ფილმი "ტბა" ალბათ ბევრს გაქვთ ნანახი, დიმა შველიძე ამ ფილმში მთავარი გმირის - ზურას როლს ასრულებს. ნიჭიერ ყმაწვილს წარმატებულ მომავალს უწინასწარმეტყველბდნენ, თუმცა მისი ცხოვრების გზა ტრაგიკული აღმოჩნდა. დიმა 2014 წელს 39 წლის ასაკაში უკურნებელი სენით გარდაიცავალა. გთავაზობთ სტატიას "კვირის პალიტრის" არქივიდა:

მეგობარს იხსნებს მისი თანაშეზრდილი კოკა კვინიკაძე:

- ერთ დღესაც აღმოჩნდა, რომ ჯამრთელობის ძალიან დიდი
პრობლემები ჰქონდა და ჩვენ არაფერი ვიცოდით. საავადმყოფოში რომ მიიყვანეს, გამოკვლევებმა აჩვენა, რომ თავში ჰქონდა სიმსივნე. ვერც კი მოასწრეს ნორმალურად გამოკვლევა, ისე გარდაიცვალა. სრულიად ახალგაზრდა - 39 წლის წავიდა ამ ქვეყნიდან...

მისი ცხოვრება მეგობრებით შემოფარგლებოდა... ყოველი დღე მათთან ერთად იწყებოდა და ღამდებოდა. ცდილობდა, სულ მათთან ერთად
ყოფილიყო. ისეთი ხასიათი ჰქონდა, გაბრაზებაც იცოდა და შეიძლება ზედმეტადაც გამოეხატა გაბრაზება, მაგრამ წყენას გულში არ იტოვებდა. თუ უთანხმოება მოუვიდოდა სხვასთან, ცამდე მართალიც რომ ყოფილიყო, ამას ძალიან განიცდიდა... დიმა ჩვეულებრივი ახალგაზრდა თბილისელი ბიჭი იყო, რომელსაც ქუჩაც უყვარდა, ახლობლებიც და ყველაფერი თბილისური...

- ოჯახი ჰყავდა?
- მეუღლეს გაშორებული იყო. ერთი შვილი ჰყავს - ელენე.

ნათია გოგოჭური (მსახიობ ზაზა კოლელიშვილის მეუღლე, რომელმაც ფილმში ”ტბა” დიმას დედა განასახიერა):

- სულ დიმას თვალები მიდგას თვალწინ, წამი არ არის, მასზე არ ვფიქრობდე და იმდენად მტკივა გული, ასე რომ წავიდა, რომ მგონია, რაღაც ნაწილი დამაკლდა... მასთან სულ მქონდა ურთიერთობა, მაშინაც როდესაც პრობლემური პერიოდები ჰქონდა.

თეატრალურ უნივერსიტეტში რეზო ჩხეიძის ჯგუფში სწავლობდა, შემდეგ უცებ ამერიკაში წასვლა გადაწყვიტა. ამერიკაში ვიღაც შავკანიანმა თავში რაღაც ჩაარტყა და ტრავმა მიიღო. შემდეგ ისევ საქართველოში ჩამოვიდა...

თავიდანვე სევდიანი ბიოგრაფია ჰქონდა: მშობლები ადრე დაეღუპა. დიმას მეზობელ, უკეთილშობილეს ქალბატონს მისი ტოლა ბიჭი - კოკა კვინიკაძე ჰყავდა და ფაქტიურად მარტოხელა დედამ დიმაც შეიკედლა და ზრდიდა. კოკა ხომ ფანტასტიური პიროვნებაა, მაგრამ დიმა ბავშვობიდან ”ხულიგანი” იყო. ფილმში გადაღებისას სრულიად ახალი სამყარო ნახა. შემდეგ, სამწუხაროდ, ძალიან დაიძაბა მისი ცხოვრება. ამერიკაში წავიდა, მაგრამ იქ ვერ აეწყო. საქართველოში რომ დაბრუნდა, დაოჯახდა, მაგრამ ვერც პირადი ცხოვრება აეწყო. სულ ვფიქრობდით მე და ზაზა, რამე ფილმში გადაგვეღო და ეს ბიჭი ისევ მსახიობობისკენ შემოგვებრუნებინა.. შემდეგ გავიგე, რომ დაიჭირეს და ძალიან გული მეტკინა...

”ტბაში” დედის როლს ვთამაშობდი.. ყველაფერს ფართოდ გახელილი თვალებით უყურებდა. სულ დაძაბულად და კაცურად იქცეოდა, ვინმეს მისთვის ცუდი არ ეთქვა, ან მის წინააღმდეგ ცუდი არ გაეკეთებინა. გაგრძელება

მანანა გაბრიჭიძე
(სპეციალურად საიტისთვის)
ბეჟანი
19 ივლისი 2019 15:56
დემოკრატიაა უმაღლეს დონეზე, მარა რა შავ ქვად გინდა..... შიმშილით გძვრება კაცს სული ! ქვეყანა მიბმულია ძუძუს გოჭივით იმპორტზე, ადგილზე არაფერი არ კეთდება,მიწა არ მუშავდება... პარლამენტში 150 დეპუტატიდან 90 % რომ მილიონერ-მილიარდერი გეყოლება და არცერთი მათგანი ინვესტიციას არ ჩადებს რაიმე ღირებულში,რომ ხალხს შვება მისცეს აი ზუსტად ეგაა უბედურება ! იძახე კაცმა დემოკრატიააო და თავისუფალი ვარო ! მასე გიჟიცაა თავისუფალი !
დ.გ.
19 ივლისი 2019 12:23
რას ნიშნავს სიტყვა უკურნებელი სენი? რატომ ხმარობთ საერთოდ ამ ტერმინს, რატომ უკლავთ იმედს იმ ადამიანს ვინც დაავადებას ებრძვის და იმედი აქვს რომ გამოჯანმრთელდება. მე 8წლის წინ მქონდა ეგ პრობლემა და დღეს თავს ღმერთის წყალობით კარგად ვგრნობ, მაგრამ ყველა ჯერზე, როდესაც უკურნებელ სენს წავიკითხავ, გული მეწურება, თავს გამოჯანმრთელებულად ვგრძნობ და გამოდის რომ უკურნებელი სენი მაქვს, მით უფრო ძნელია ამ სიტყვების წაკითხვა მკურნალობის პერიოდში, როცა იმედი გაქვს, რომ ყველაფერს გადალახავ და ამ დროს გეუბნებიან რომ არაფერიც, შენი დაავადება უკურნებელია. :(
ლაშა
19 ივლისი 2019 00:46
შენი ჭირიმე ჩვენო არტისტო !

რუბრიკის სხვა სიახლეები
რომელი საარჩევნო სისტემაა თქვენთვის მისაღები ყველაზე მეტად?
თქვენი აზრი მნიშვნელოვანია!
რომელი საარჩევნო სისტემაა თქვენთვის მისაღები ყველაზე მეტად?
თვის კითხვადი სტატიები